31-Oct-2022

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ଜିଲ୍ଲା ଆଦିବାସୀ କଲ୍ୟାଣ ସଂଘ ପାଟଣାଗଡ଼ ଶାଖା ପକ୍ଷରୁ ପାଟଣାଗଡ଼ ବ୍ଲକ ମନେଇପାଦ ହାଇ ସ୍କୁଲ ଖେଳ ପଡ଼ିଆ ଠାରେ ମୁଣ୍ଡମହୁଲ ଓ ଘୁଚେପାଲି ଗ୍ରାମ ପଞ୍ଚାୟତ ର ମିଳିତ ସହଯୋଗରେ ସ୍ୱାଗତ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ପ୍ରଥମେ ଗାଁ ରେ ମୁଖ୍ୟ ଅତିଥି ମାନ୍ୟବର ରାଜ୍ୟସଭା ସାଂସଦ ଶ୍ରୀଯୁକ୍ତ ନିରଞ୍ଜନ ବିଶି ମହୋଦୟ ଙ୍କୁ ଖୋଲତାଳ କୀର୍ତ୍ତନ ରେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ଜନସାଧାରଣ । ପରେ ଶ୍ରୀଯୁକ୍ତ ଘନ

ଭୁଏ ଙ୍କ ସଭାପତିତ୍ୱରେ ଶ୍ରୀ ମନବୋଧ ବରିହାଙ୍କ ମଞ୍ଚ ସଂଯୋଜନା ରେ ଅନୁଷ୍ଠିତ ସ୍ୱାଗତ ସମ୍ବର୍ଦ୍ଧନା ସଭାରେ ମାନ୍ୟବର ସାଂସଦ ଶ୍ରୀ ନିରଞ୍ଜନ ବିଶି ଙ୍କୁ ପୁଷ୍ପମାଲ୍ୟ ଓ ଉପଢ଼ୌକନ ଦେଇ ସ୍ୱାଗତ ସମ୍ବର୍ଦ୍ଧନା କରାଗଲା ।  ଶ୍ରୀ ଯୁକ୍ତ ବିଶି ମୁଖ୍ୟ ଅତିଥି ଭାବରେ ଯୋଗ ଦେଇ ଅଞ୍ଚଳ ର ସାମୁହିକ ବିକାଶ ପାଇଁ ସମସ୍ତ ଙ୍କର ସହଯୋଗ କାମନା କରିଥିଲେ । ସାଂସଦ ଙ୍କ ଦ୍ଵାରା ଯଥା ସମ୍ଭବ ସାହାଯ୍ୟ ସହଯୋଗ କରିବା ସହ ଅସୁବିଧା ସମୟରେ ନିଶ୍ଚିତ ଭାବରେ ଠିଆ ହେବି, ହୋଇଛି ଆଗକୁ ମଧ୍ୟ ଠିଆ ହେବି ବୋଲି ସାଂସଦ ମହୋଦୟ ତାଙ୍କ ବକ୍ତବ୍ୟ ମାଧ୍ୟମରେ କହିଥିଲେ । ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନ ମୂଳକ ଯୋଜନା ସମ୍ପର୍କରେ ଜନସାଧାରଣ ଙ୍କୁ ଆଲୋକପାତ କରିଥିଲେ ସାଂସଦ ମହୋଦୟ ।ସଭାରେ ସନ୍ତୋସିନୀ ବିଶି,ଧବଳେଶ୍ବର ଭୋଇ,ମନୋଜ ଲୁହା, ଲଳିତ ମଳିକ, ଚୁଡାମଣି ଧରୁଆ,ହୃଷିକେଶ ଭୋଇ,ଲେକ୍ରୁ ଧରୁଆ,ନିତ୍ୟା ଶବର,ଜଳ ଧରୁଆ,ମୁଣ୍ଡମହୁଲ ସରପଞ୍ଚ

ସୁଦର୍ଶନ ମହାନନ୍ଦ,ଘୁଚେପାଲି ସରପଞ୍ଚ ଶିଶୁଦେଵ ପୁଟେଲ,ସନ୍ତୋଷ ପୁଟା ବକ୍ତବ୍ୟ ରଖିଥିଲେ ଅନ୍ୟମାନଙ୍କ ମଧ୍ୟରେ ପାଣ୍ଡଵ ଭୋଇ,କିଶୋର ବରିହା,ଭକ୍ତ ଧରୁଆ,ଶ୍ୟାମ ମାଝୀ, ଶୁସାନ୍ତ ମିର୍ଧା,ରାହସ ଧରୁଆ,କୀର୍ତ୍ତନ ଧରୁଆ ଓ ଅଞ୍ଚଳ ର ବରଣ୍ୟ, ବିଶିଷ୍ଟ ଅତିଥି ସହିତ ଅଞ୍ଚଳ ର ହଜାର ସଂଖ୍ୟାରେ ଜନସାଧାରଣ ଯୋଗଦେଇ ସଭା କୁ ସଫଳ କରିଥିଲେ । ବିରୋଧୀଙ୍କ ଷଡଯନ୍ତ୍ର କୁ ଶକ୍ତ ପ୍ରହାର ଦେଇଥିଲେ ।