09-Oct-2022

ସୁବର୍ଣ୍ଣପୁର:   ସୁବର୍ଣ୍ଣପୁର ସହରର ଟିକ୍ରୀପଡା ବାସିନ୍ଦା ତଥା  ସର୍ବ ପୁରାତନ ସୋନପୁର କଲେଜର ମୁଖ୍ୟ କିରାଣୀ ପ୍ରମୋଦ ବାଗ ଓ ସୁ -ଗୃହିଣୀ ସସ୍ମିତା ବାଗଙ୍କ ଝିଅ ପାୟଲ ବାଗ  ସମ୍ପ୍ରତି ପ୍ରକାଶ ପାଇଥିବା ଓଡ଼ିଶା ପ୍ରଶାସନିକ ସେବା ପରୀକ୍ଷା-୨୦୨୦ ରେ ୨୫୭ ନମ୍ବର ରେଙ୍କ୍ ରେ ଉତ୍ତୀର୍ଣ୍ଣ ହୋଇ ଏହି ଅଞ୍ଚଳର ଗୌରବ ବୃଦ୍ଧି କରିଛନ୍ତି l ସୁଶ୍ରୀ ପାୟଲ ସେଣ୍ଟ ଆନି କନଭେଣ୍ଟ ସ୍କୁଲ   ସୋନପୁରରେ ନିଜର ମାଧ୍ୟମିକ ଶିକ୍ଷା ସମାପ୍ତ କରିବା ପରେ +୨ ବିଜ୍ଞାନ ସୋନପୁର କଲେଜ, କଳାହାଣ୍ଡି ସରକାରୀ କଲେଜ ରେ ମେକାନିକାଲ ଇଞ୍ଜିନିଅରିଙ୍ଗ ଅଧ୍ୟୟନ ପରେ  ସି ଟି ଟି ସି  ଭୁବନେଶ୍ୱର ରେ  କିଛି ବର୍ଷ ଅଧ୍ୟାପିକା ଭାବେ କାର୍ଯ୍ୟ କରିଥିଲେ l ଓ ୨୦୧୭  ରେ ଭୁବନେଶ୍ୱର ରେ ସିଭିଲ ସର୍ଭିସ ପରୀକ୍ଷା ପାଇଁ ପ୍ରସ୍ତୁତି କରିଥିଲେ l ସେ  ଦ୍ବିତୀୟ ଥର ପରୀକ୍ଷା ରେ ଏହି କୃତିତ୍ବ ହାସଲ କରିଛନ୍ତି ।  ଏବଂ ଏହି ସଫଳତାର ଶ୍ରେୟ ସେ ନିଜର ସମସ୍ତ ସ୍କୁଲ କଲେଜ ଟିଚର  ଓ  ପିତାମାତା, ମଉସା ମାଉସୀ ଓ  ପ୍ରେରଣା ଦାତା  ସହର ର ସମସ୍ତ ମିଡ଼ିଆ, ବୁଦ୍ଧିଜୀବୀ ଙ୍କୁ ପ୍ରଦାନ କରିଛନ୍ତି । ତାଙ୍କର ଏହି ସଫଳତାରେ ସୋନପୁର ଅଞ୍ଚଳରେ ଖୁସିର ଲହରୀ ଖେଳି ଯାଇଥିବା ବେଳେ ଗତ କାଲି ଠାରୁ  ସୁଶ୍ରୀ ପାୟଲଙ୍କ ପରିବାର ର ଅଗଣିତ ଶୁଭେଛୁ , ଓଏଏସ ପାୟଲ ଓ ତାଙ୍କର ପିତା ମାତାଙ୍କୁ  ଫୋନ ଯୋଗେ ଶୁଭେଚ୍ଛା ବାର୍ତ୍ତା ପ୍ରଦାନ କରିଛନ୍ତି l