08-Oct-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ରେ ରହୁଥିବା ସରଜୁ କୁମାର ବାଗ ଙ୍କ ବଡ ଝିଅ ସ୍ମୃତିରେଖା ବାଗ ଓଡିଶା ସିଭିଲ ସର୍ଭିସ ପରିକ୍ଷାରେ ୩୦୩ ରେଙ୍କ ରେ ଉତ୍ତିର୍ଣ୍ଣ ହୋଇଛନ୍ତି। ଶ୍ରୀ ବାଗଙ୍କ ଦୁଇ ଝିଅ ସ୍ମୃତିରେଖା, ମଝିଆ ଝିଅ ଦିପ୍ତିରେଖା ବାଗ ଭୁବନେଶ୍ବର ଓୟୁଏଟିରେ ପିଜି କରୁଥିବା ବେଳେ ସାନ ପୁଅ ସୌରଭ ରଞ୍ଜନ ବାଗ ରାଉରକେଲା ଏନଆଇଟି ରେ ପାଠପଢି ଚାକିରି ପାଇଥିଲେ ହେଁ ସେ ଚାକିରି ନ କରି ଭାରତୀୟ ସିଭିଲ ସର୍ଭିସ ପାଇଁ ପଢାପଢି କରୁଛନ୍ତି। ତିନଜଣ     ସିଭିଲ ସର୍ଭିସ ପାଇଁ ପାଠ ପଢୁଥିଲେ ତେବେ ବଡଝିଅ ଉତ୍ତିର୍ଣ୍ଣ ହୋଇଥିବାରୁ ପରିବାର ସହ ପୁରା ସିନ୍ଧେକେଲା ଅଞ୍ଚଳରେ ଖୁସିର ଲହରି ଖେଳିଯାଇଛି। ସ୍ମୃତିରେଖା ଙ୍କ ବାପା ଅଳଣ୍ଡା ଉଚ୍ଚ ପ୍ରାଥମିକ ସ୍କୁଲରେ ପ୍ରଧାନ ଶିକ୍ଷକ ଥିବାବେଳେ ମାଁ ଶାନ୍ତିଲତା ସିପକା ସିନ୍ଧେକେଲା ସରକାରୀ ବାଳିକା ଉନ୍ନିତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଅଛନ୍ତି। ସ୍ମୃତିରେଖା ସିନ୍ଧେକେଲା ଶିଶୁ ବିଦ୍ୟାମନ୍ଦିର ରେ ସପ୍ତମ ଶ୍ରେଣୀ ପର୍ଯ୍ୟନ୍ତ ଓ ପଲ୍ଲିଶ୍ରୀ ନୋଡାଲ ହାଇସ୍କୁଲ ରେ ଅଷ୍ଟମ ଶ୍ରେଣୀ ପଢି ସୋନପୁର ସାହାରା ଟ୍ରଷ୍ଟ ହାଇସ୍କୁଲ ରେ ହାଇସ୍କୁଲ ଶେଷ କରିଥିଲେ। ପ୍ରକାଶ ଥାଉକି ସେ ସ୍ବର୍ଗୀୟ ଧର୍ମଗଡ ବିଧାୟକ ବିର ସିପକାଙ୍କ ଭାଣିଜୀ ଅଟନ୍ତି।    ସେ ସିଭିଲ ସର୍ଭିସରେ

ଉତ୍ତିର୍ଣ୍ଣ ହୋଇଥିବାରୁ ସିନ୍ଧେକେଲା ସମ୍ବାଦ ପ୍ରତିନିଧି ଅନିଲ କୁମାର ତ୍ରିପାଠୀ , ଅଳଣ୍ଡା ସରପଞ୍ଚଙ୍କ ପ୍ରତିନିଧି ଯୁବରାଜ ବାଗ, ଆର୍ତ୍ତତ୍ରାଣ ସାହୁ, ବଲାଙ୍ଗୀର ଜିଲ୍ଲା ପ୍ରାଥମିକ ଶିକ୍ଷକସଂଘର (ଏକ୍ସକ୍ୟାଡର) ସଭାପତି ଜୟନ୍ତି ଲାଲ ସାହୁ , ସହପାଠୀ ତଥା ପଶ୍ଚିମ ଓଡିଶା ଯୁବାମଞ୍ଚ ର ସଂଯୋଜକ ଅଭିଷେକ ଦାସ, ଆଇନଜିବି ଉଦ୍ଧବ ବେହେରା , ପଶ୍ଚିମ ଓଡିଶା ଯୁବାମଞ୍ଚ ର ମିଡିଆ ସଂଯୋଜକ ହେମନ୍ତ ସାହୁ , ବଙ୍ଗୋମୁଣ୍ଡା ପ୍ରାଥମିକ ଶିକ୍ଷକସଂଘର ସଭାପତି କୋଷରାଜ ବେହେରା ପ୍ରମୁଖ ସ୍ମୃତିରେଖାଙ୍କ ପରିବାର ସହ ସ୍ମୃତିରେଖାଙ୍କୁ ଅଭିନନ୍ଦନ ଜଣାଇଛନ୍ତି ।