04-Oct-2022

ବଲାଙ୍ଗୀର(ପ୍ରେରଣା ଖବର) :- ଦଶହରା ଭିଡ଼ ସହରରେ ଜମିଛି ।ଲୋକେ ନିଜର ପରିବାରକୁ ନେଇ ସହର ଭିତରେ ନିର୍ମାଣ ହୋଇଥିବା ମେଢ଼ ମାନଙ୍କୁ ଦର୍ଶନ କରି ଆନନ୍ଦ ଉପଭୋଗ କରୁଛନ୍ତି ।ସହରରେ ଚୋର ଆତଙ୍କ ଖେଳାଇ ଥିବା ବେଳେ ଲୋକେ ଭୟରେ ଅଛନ୍ତି । କିଛିଦିନ ହେଲା ସହର ଭିତରେ ହାଇ ଭୋଲ୍ଟାଜ୍ ସାଉଣ୍ଡ ବାଇକ୍ ଭୀଷଣ ଗର୍ଜନ କରି ଘୁରି ବୁଲୁଛି । ବାଇକ୍ ର ଭୀଷଣ ଗର୍ଜନରେ ଲୋକେ ଆତଙ୍କିତ ଥିବା ଦେଖିବାକୁ ମିଳୁଛି।ବାଇକ୍ ଭୀଷଣ ଗର୍ଜନ ସହ ଭିଡ଼ ଭିତରେ ତୀବ୍ର ବେଗର ଯାଉଥିବାରୁ ଘଟଣା ଦୁର୍ଘଟଣା କୁ ଏଡାଇ ଦିଆଯାନପାରେ ।ବାଇକ୍ ସାଉଣ୍ଡ ,ସତେ ଯେମିତି ଏକ ହେଲିକପ୍ଟର ତଳକୁ ଖସିଗଲା କି ବୋଲି ଅନୁମାନ ହେଉଥିବା ଲୋକଙ୍କ ମଧ୍ୟରେ ଚର୍ଚ୍ଚା ହେଉଛି । ଉଚ୍ଚ ରକ୍ତ ଚାପ ବ୍ୟକ୍ତି ମାନେ ଏହି ଭୀଷଣ ବାଇକ୍ ଶବ୍ଦ ରେ ଆତଙ୍କିତ ହୋଇ ମାନସିକ ଅବସ୍ଥା ଦୋହଲି ପଡ଼ୁଥିବା ଉଲ୍ଲେଖ କରିଛନ୍ତି । ସବୁଠାରୁ ବଡ କଥା ହେଲା, ଗତକାଲି ସନ୍ଧ୍ୟାରେ ପୋଲିସ ମୁତୟନ ଥାଇ ବି ଏହି ବାଇକ୍ ଚାଳକ ମାନେ ହାଇସ୍ପିଡ ରେ ବେଧଡ଼କ  ଗାଡି ଚଳାଉଥିବା ଦେଖିବାକୁ ମିଳିଥିଲା l ପୋଲିସ  ପ୍ରଶାସନ ଏଥି ପ୍ରତି ଦୃଷ୍ଟି ଦେଲେ ଅପ୍ରିତୀକର ଘଟଣା କୁ ଏଡାଇ ଦିଆଯାଇ ପାରିବ ବୋଲି ଜନମତ ପ୍ରକାଶ ପାଇଛି ।