22-Sep-2022

ବୌଦ୍ଧ(ହୃଦାନନ୍ଦ ମେହେର) ଲୋକ କଳା ବିକାଶ କେନ୍ଦ୍ର ,ଓଏସିଆର, ପିକକ୍ ଓଏସପିସିଆର,ଓଏସିପିଶି, ୟୁନିସେଫ୍ ର ମିଳିତ ଉଦ୍ୟମରେ ଆଜି ବୌଦ୍ଧ ର ହୋଟେଲ ଦି କଳିଙ୍ଗ ଠାରେ ଏକ ଶିଶୁ ସେବା ପ୍ରଦାନ କାରୀମାନଙ୍କୁ  ନେଇ ଏକ ମନୋସାମାଜିକ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଲୋକକଳା ବିକାଶ କେନ୍ଦ୍ର ର ସମ୍ପାଦିକା ଶ୍ରୀମତୀ ପୁଷ୍ପିତା  ପ୍ରଧାନ ସମସ୍ତଙ୍କୁ ସ୍ଵାଗତ ଜଣେଇବା ସହିତ ଅତିଥି ପରିଚୟ ପ୍ରଦାନ କରିଥିଲେ । ଅତିଥି ଭାବରେ ଶିଶୁ ମଙ୍ଗଳ ସମିତି ର ଅଧକ୍ଷ ଶ୍ରୀଯୁକ୍ତ ସାକ୍ଷୀ ଗୋପାଳ ପ୍ରଧାନ,ସଦସ୍ୟ ଶ୍ରୀଯୁକ୍ତ ସୀତାକାନ୍ତ ସାହୁ,ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀଯୁକ୍ତ ରାହୁଲ ପ୍ରଧାନ, ବାଲ୍ୟ ବିବାହ ନିରୋଧ ଜିଲ୍ଲା ସଂଯୋଜିକା ଶ୍ରୀମତୀ ପ୍ରଵିଜ୍ଞା ଦାସ,ଯେ ଯେ ବି ରୁ ଶ୍ରୀଯୁକ୍ତ ରାଜୀବ ନାୟକ ଯୋଗଦେଇଥିଲେ।   ସହଜକର୍ତା ଭାବରେ ଓଏସିଆର  ର ଶ୍ରୀମତୀ ଶୀତଲ ପଟ୍ଟନାୟକ, ଚିତ୍ତରଞ୍ଜନ ମହାପାତ୍ର ଉପସ୍ଥିତ ଥିଲେ। 

ପ୍ରତିଭାଗି ଭାବରେ ଚାଇଲ୍ଡ ଲାଇନ୍,ସଖି ,ଶିଶୁ ଯତ୍ନ ଅନୁଷ୍ଠାନ, ଡାକ୍ତରଖାନା ର ବିଭାଗୀୟ ସଦସ୍ୟ,ଅଙ୍ଗନବାଡ଼ି କର୍ମୀ,ଜନପ୍ରତିନିଧି ଅଂଶ ଗ୍ରହଣ କରିଥିଲେ। ଉପସ୍ଥିତ ଅତିଥି ବୃନ୍ଦ ନିଜ ନିଜର ସମ୍ୟକ୍ ଭାବରେ କହିବା ପରେ ଶ୍ରୀମତୀ ଶୀତଲ ପଟ୍ଟନାୟକ କାଳାଂଶ ନେଇଥିଲେ । ଖେଳ ମାଧ୍ୟମରେ ପ୍ରଥମେ ଜଣେ ଶିଶୁର ପ୍ରବୃତ୍ତି ବିଷୟରେ ବୁଝାଇଥିଲେ। ପରେ ମଣିଷର ଉଦାସୀନତା କିପରି ଆସେ,ଉଦାସୀନତା ର କାରଣ କଣ,ତାର ପରବର୍ତ୍ତୀ ଅବସ୍ଥା ବିଷୟରେ ପିପିଟି ମାଧ୍ୟମରେ ବୁଝାଇଥିଲେ। ମାନସିକ ସ୍ଥିତି କଣ,କେମିତି ସେ ଜଣେ ବ୍ୟକ୍ତି ଙ୍କୁ ଅତି ଶୀଘ୍ର ନକରାତ୍ମକ ଦିଗରେ ଗତି କରିଥାଏ ସେ ସମ୍ପର୍କରେ ବୁଝାଇଥିଲେ। ତତ୍ ସହିତ ସମସ୍ୟା ଦେଇ ଗତି କରୁଥିବା ବ୍ୟକ୍ତି ଙ୍କୁ କିଭଳି ବୁଝେଇବା,ନିଜ ର ମତାମତ ତାଙ୍କ

ଉପରେ ନଦେଇ ସେ କହୁଥିବା କଥା କୁ ଶୁଣି ସକାରାତ୍ମକ ଢଙ୍ଗରେ ବ୍ୟବହାର କରିବା ସେ ବିଷୟରେ ମଧ୍ୟ କହିଥିଲେ। ବ୍ୟକ୍ତି ଯେତେବେଳେ ବି ମାନସିକ ଦୁଶ୍ଚିନ୍ତା ଦେଇ ଗତି କରୁଥାଏ ସେ କିଛି ଶୁଣିବା କୁ ଚାହେଁନି,ସେ ଚାହେଁ ତା କୁ ନକରାତ୍ମକ ଢଙ୍ଗରେ ବ୍ୟବହାର ନ କରି ତା କଥା କେହି ଶୁଣନ୍ତୁ ବୋଲି ସେ କହିଥିଲେ। କୌଣସି ବି ବ୍ୟକ୍ତି କୁ ସିଧାସଳଖ ଆମ ଦୋଷାରୋପ ମଧ୍ୟ କରିବା ନାହିଁ ବୋଲି ମତାମତ ଦେଇଥିଲେ ।କାର୍ଯ୍ୟକ୍ରମରେ ଲୋକ କଳା ବିକାଶ କେନ୍ଦ୍ର ର ସମସ୍ତ କର୍ମକର୍ତ୍ତା ସାହାଯ୍ୟ ସହଯୋଗ କରିଥିଲେ। ସଂପୂର୍ଣ୍ଣ ଦିନର ଆଲୋଚନା ସରିଲା ପରେ ଏଲ କେ ବି କେ ର କର୍ମୀ ସୁପ୍ରିୟା ଦେହୁରୀ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ  ।