07-Sep-2022

କଳାହାଣ୍ଡି,କୋକସରା(ତ୍ରିନଥ ବେଶ୍ରା )
ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ କିଛି ଦିନ ହେବ କଲାହାଣ୍ଡି ଜିଲ୍ଲାରେ ଅହିଂସା ରଥ ପରିଭ୍ରମଣ କରି ଜନସାଧାରଣ ଙ୍କୁ ସଂଦେଶ ବାର୍ତ୍ତା ପହଞ୍ଚାଇବାର ପ୍ରୟାସ ଜାରି ରହିଥିବା ଜଣାପଡିଛି । ସ୍ୱାଧିନତାର ଅମୃତ ମହୋତ୍ସବ ଅବସରରେ ତଥା ଆମ ଭାରତ ସ୍ୱାଧିନତା ପାଇଁ ନିଜ ଜୀବନକୁ ବଳିଦାନ ଦେଇ ଥିବା ମହାତ୍ମାଗାନ୍ଧୀ ଭଳି ଅନେକ ମହାପୁରୁଷ ମାନଙ୍କୁ ମନେପକେଇ ବା ଏବଂ ଦିର୍ଘ ୭୫ବର୍ଷ ଧରି ଆମେ ଓଡିଶା  ତଥା ଭାରତ ବାସୀ ଇଂରେଜ ମାନଙ୍କ ଶାଶନରୁ ବଞ୍ଚିତ ହୋଇ ସ୍ୱାଧିନତାର ସ୍ୱାଦ ପାଇ ଆସୁଥିବାରୁ ରାଜ୍ୟ ସରକାରଙ୍କ ଏଭଳି ଏକ ଅଭିନବ ପ୍ରୟାସ ।ଜାହାକି ଓଡିଶା ବାସୀ ତଥା କୋଟି କୋଟି ଜନତାଙ୍କ ମନରେ ପୁଣି ଥରେ ଭରିଉଠୁ ଆନନ୍ଦ ଉଲ୍ଲାସର ଉଦ୍ଧିପନା ଏବଂ ସମସ୍ତେ ଙ୍କ ମନରେ ଜାଗିଉଠୁ ବୀର ସହୀଦ ମହାପୁରୁଷ ମାନଙ୍କ ଅମର ଗାଥା ।  ଏଭଳି ସଂଦେଶ ଯାତ୍ରା ନେଇଁ ଚଳିତ ତିନି ତାରିଖରୁ ଏକ ଅହିଂସା ରଥ ବାହାରି ଧର୍ମଗଡ , ଜୁନାଗଡ , କଲମ୍ପୁର , ଜୟପାଟଣା ,ବ୍ଳକଦେଇ ମଙ୍ଗଳବାର କୋକସରା ବ୍ଳକ ପହଞ୍ଚି ଥିଲା । ପ୍ରଥମେ ମୋଟେର ଠାରେ କୋକସରା ବ୍ଳକ ପ୍ରଶାସନ ପକ୍ଷରୁ
ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ଏଥିରେ କୋକସରା ବ୍ଳକ ଅଧ୍ୟକ୍ଷା ରୀତା ଅଗ୍ରୱାଲ , ଉପାଧ୍ୟକ୍ଷ ରାଜୀବ ଅଗ୍ରୱାଲ , ସମାଜ ମଙ୍ଗଳ ଅଧିକାରୀ ଦୀପକ ବେହେରା  ଙ୍କ ସମେତ  ବ୍ଳକର ବିଭିନ୍ନ କର୍ମଚାରୀ ଏବଂ ସରପଞ୍ଚ ସମିତି ସଭ୍ୟ , ସଭ୍ୟା , ଉପସ୍ଥିତ ଥିଲେ ପରେ କୋକସରାଜବାହାର ଉଚ୍ଚବିଦ୍ୟାଳୟ ଠାରେ ବିଦ୍ୟାଳୟ ପକ୍ଷରୁ ସ୍ୱାଗତ ଜଣାଇ ଏକ ବୈଠକ ଅନୁଷ୍ଠିତ ହୋଇଥିଲା।ବୈଠକରେ  ବ୍ଳକ ଅଧ୍ୟକ୍ଷା ଶ୍ରୀମତୀ ରୀତା ଅଗ୍ରୱାଲ , ଉପାଧ୍ୟକ୍ଷ ଶ୍ରୀଯୁକ୍ତ ରାଜୀବ ଅଗ୍ରୱାଲ , କୋକସରା ସରପଞ୍ଚ କିଶୋର ପ୍ରଧାନି , ଜିଲ୍ଲା ସୁଚନା ଓ ଲୋକସମ୍ପର୍କ ବିଭାଗ ଅଧିକାରୀ ମନୋଜ ବେହେରା , ଧର୍ମଗଡ ଉପଖଣ୍ଡ ସୁଚନା ଓ ଲୋକସମ୍ପର୍କ ବିଭାଗ ଅଧିକାରୀ ରମେଶ ସିଂ ,ଅହିଂସା ରଥ ଦାୟିତ୍ୱ ରେ ଥିବା ରାଜ୍ୟ ସଂଯୋଜକ ତପେଶ୍ୱର ଜଗତ, ପ୍ରମୁଖ ମଞ୍ଚାଶିନ ହୋଇ ଅହିଂସା ରଥ ପରିଭ୍ରମଣ ର ଉଦ୍ୟେଶ୍ୟ ଉପରେ ଆଲୋଚନା କରି ରାଜ୍ୟ ସରକାରଙ୍କ ଏଭଳି ପଦକ୍ଷେପ କୁ ପ୍ରଶଂସା କରିଥିଲେ । ଏଥିରେ ବିଦ୍ୟାଳୟର ଛାତ୍ର ଛାତ୍ରୀ ମାନେ 
ଦେଶାତ୍ମବୋଧକ ସଂଗିତ ଗାନ ଓ ନୃତ୍ୟ ପରିବେଷଣ କରିଥିଲେ  ପରେ ଡେଙ୍ଗାଗୁଡା ଠାରେ ମଧ୍ୟ ଗ୍ରାମ ବାସୀ ଏହି ଅହିଂସା ରଥକୁ ଖୋଳ  ସଂକୀର୍ତ୍ତନ ଓ ନାଚଗୀତ ର ତାଳେ ଆନନ୍ଦ ଉଲ୍ଲାସର ସହିତ ସ୍ୱାଗତ ଜଣାଇଥିଲେ । ପରେ ଗୁଡହାଣ୍ଡିଡୋକରୀଚଞ୍ଚରା ଠାରେ ମଧ୍ୟ କମିଟିପକ୍ଷରୁ ଶହଶହ ଲୋକଙ୍କ ଜନସମାଗମ ରେ  ଘୁମୁରା , ଖୋଳ କିର୍ତ୍ତନ , ନିଶାନ ଢୋଳ ,ର ତାଳେ ତାଳେ ସମସ୍ତେ ଆନନ୍ଦରେ ବିଭୋର ହୋଇ  ଏହି ଅହିଂସା ରଥକୁ ସ୍ୱାଗତ ଜଣାଇ ଥିଲେ । ଏହି ସମୟରେ ସମସ୍ତଙ୍କ ମନରେ ଏମିତି ଖୁସି ଭରିଉଠିଥିଲା ତାହା କହିଲେ ନସରେ । ଯେମିତିକି ମାନନୀୟା ବ୍ଳକ ଅଧ୍ୟକ୍ଷା ମଧ୍ୟ ଆନନ୍ଦରେ ବିଭୋର ହୋଇ ନାଚି ପକେଇ ଥିଲେ ।  ଡୋକରିଚଞ୍ଚରା ଠାରେ ମଧ୍ୟ କମିଟି ପକ୍ଷରୁ ସମସ୍ତପ୍ରଶାସନିକ ଅଧିକାରୀ ମାନଙ୍କୁ ପୁଷ୍ପଗୁଚ୍ଛ ଓ ଉପଢୋକନ ଦେଇ ସମ୍ମାନିତ କରାଯାଇଥିଲା । ଏଥିରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା । ବଙ୍ଗୋମୁଣ୍ଡା ଆଦର୍ଶ ବିଦ୍ୟାଳୟ ଛାତ୍ରୀମାନେ ନୃତ୍ୟ ପରିବେଷଣ କରି ସମସ୍ତ ଙ୍କୁ ବେଶ ଚକିତ କରିଦେଇଥିଲେ । ପରେ ପର୍ଯ୍ୟଟନ ସ୍ଥଳୀ ପରିଭ୍ରମଣ କରି ଆମପାଣି ଅଭିମୁଖେ ବାହାରି ଥିଲେ ।