07-Sep-2022

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକର ଲୋକକଳା ଗ୍ରାମ ଭାବେ ପରିଚିତ କର୍ତ୍ତଙ୍ଗ ଗ୍ରାମର ଗ୍ରାମ୍ୟ ଜଙ୍ଗଲ ଓ ଗୋଚର ଜମିକୁ ସେଲେଡ଼ି ରାଜସ୍ବ ଅଧିକାରୀ ଓ ସ୍ଥାନୀୟ ଫରେଷ୍ଟର କେତେକ ଚାଷୀଙ୍କୁ ଠିକା ଲଗାଇ ଧାନ ଚାଷ କରି ଟଙ୍କା ଆଦାୟ କରୁଥିବାରୁ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ଗତ ୧୫ଦିନ ତଳେ ଅର୍ଥାତ ୧୭ଅଗଷ୍ଟ ମାସରେ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଥିଲେ ହେଁ ଅଦ୍ୟାବଧି ଉକ୍ତ ସମସ୍ୟା ଉପରେ ତଦନ୍ତ କରାନଯିବା ଓ ଦୋଷୀ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରା ନଯିବାରୁ ଗତକାଲି ପୁନର୍ବାର କର୍ତ୍ତଙ୍ଗ ଗ୍ରାମବାସୀଙ୍କ ପକ୍ଷରୁ ସ୍ଥାନୀୟ ତହସିଲଦାର ମୁକ୍ତେଶ୍ଵର ପାଣିଗ୍ରାହୀଙ୍କ ଜରିଆରେ ସୁବର୍ଣ୍ଣପୁର ଜିଲ୍ଲାପାଳଙ୍କ ନିକଟକୁ ଦାବିପତ୍ର ପ୍ରଦାନ କରାଯାଇଛି ।ଉକ୍ତ ଦାବିପତ୍ରରେ ସେମାନେ ଉଲ୍ଲେଖ କରିଛନ୍ତି ଯେ ଯଦି ଉକ୍ତ ସମସ୍ୟା ଆସନ୍ତା ୧୯ତାରିଖ ମଧ୍ୟରେ ପଦକ୍ଷେପ ପୂର୍ବକ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯାଏ ତେବେ ବାଧ୍ୟ ହୋଇ ଗ୍ରାମର ସମସ୍ତ ଗାଈଗୋରୁକୁ ତହସିଲ କାର୍ଯ୍ୟାଳୟ ରେ ପୁରାଇ ଅନଶନ କରିବୁ । ଏହି ଦାବିପତ୍ରର ଅବିକଳ ନକଲ କପି ସୋନପୁର ଉପଜିଲ୍ଲାପାଳ, ଜିଲ୍ଲା ବନ ବିଭାଗ ଅଧିକାରୀଙ୍କ ନିକଟକୁ ପ୍ରେରଣ କରିଥିବା ଜଣାପଡିଛି ।