05-Sep-2022

ବରଗଡ:-ବରଗଡ଼ ଜିଲ୍ଲା ବିଜେପୁର ବିଜ୍ଞାପିତ ଅଞ୍ଚଳ ପରିଷଦ ସଦରମହକୁମା ସ୍ଥିତ ଏସ.ଏଚ.ଜି ଭବନରେ ବ୍ଲକ ସ୍ତରୀୟ ଗୁରୁ ଦିବସ ପାଳିତ ହୋଇଯାଇଛି।ଓଡ଼ିଶାର ମାନ୍ୟବର  ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ରୀତା ସାହୁ ମୁଖ୍ଯ ଅତିଥି ଭାବେ ଯୋଗଦେଇ ସମାରୋହକୁ ଉଦଘାଟନ କରିଥିଲେ।ଏହି ସମାରୋହରେ ପୁରୁଣା ପେନସନ ଲାଗୁ ପାଇଁ ମନ୍ତ୍ରୀଙ୍କୁ ଜିଲ୍ଲା ପ୍ରାଥମିକ ଶିକ୍ଷକ ସଂଘ ପକ୍ଷରୁ ଶିକ୍ଷକ ପୃଥିରାଜ ବାରିକ ଓ ସାଥୀଗଣ ସ୍ମାରକ ପତ୍ର ପ୍ରଦାନ କରିଥିଲେ। ଶିକ୍ଷକମାନଙ୍କ ଦାବି ସଂପର୍କରେ ମୁଖ୍ଯମନ୍ତ୍ରୀଙ୍କ ସହିତ ଆଲୋଚନା କରିବି ବୋଲି ମନ୍ତ୍ରୀ ସାହୁ ପ୍ରତିଶୃତି ପ୍ରଦାନ କରିଛନ୍ତି । ଶିକ୍ଷକ ସଂଘ ସଭାପତି ଭାଗବତ ସାହୁଙ୍କ ଅଧ୍ଯକ୍ଷତାରେ ସାଧାରଣ ସଭା ଅନୁଷ୍ଠିତ ହୋଇଥିଲା। ବ୍ଲକ ଅଧ୍ଯକ୍ଷ ମୋତିରାମ ସାହୁ, ଗୋଷ୍ଠୀ ଶିକ୍ଷା ଅଧିକାରୀ ସୁରେଶ କୁମାର ରାଉତରାୟ, ଅବିଭକ୍ତ ସମ୍ବଲପୁର ଜିଲ୍ଲା ଶିକ୍ଷକ ସଂଘର ପୂର୍ବତନ ଉପସଭାପତି ସଭାପତି ଭୋଜେଶର ଠାକୁର ସମ୍ମାନୀତ ଅତିଥି ଭାବେ ଯୋଗଦେଇଥିଲେ। ରଶ୍ମିତା ମେହେର, ମିତା ଗଡତୀୟା, ସୌଦାମିନୀ ବାରିକ, ପବିତ୍ରା ଡନସନା ପ୍ରମୁଖ ଅତିଥିମାନଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। ଅକ୍ଷୟ ପଧାନ, ଶେଷଦେବ ମିଶ୍ର, ଜୟନ୍ତୀ ମିଶ୍ର ପ୍ରମୁଖ ଅବସରପ୍ରାପ୍ତ ଶିକ୍ଷକ ଶିକ୍ଷୟିତ୍ରୀମାନଙ୍କୁ ପୂଜ୍ୟପୂଜା ପରଂପରାରେ ପୂଜାର୍ଚ୍ଚନା କରାଯିବା ସହିତ ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। କଲ୍ୟାଣୀ ବିଶ୍ବାଳ, ରଶ୍ମିମୟୀ ପଣ୍ଡା, ମିନାକ୍ଷୀ ରାଣୀ ରାଉତ, ରତ୍ନ ଭୋଇ, ଅମୀୟ ପ୍ରସାଦ ଭୋଇ, ବିକାଶ ଗଡତୀୟା ପ୍ରମୁଖ ଶିକ୍ଷକଗଣ ଗୁରୁପୂଜନ କରିଥିଲେ। ଆର୍ତ୍ତତ୍ରାଣ ଚୌହାନ, ପବିତ୍ର ମୋହନ ମିଶ୍ର, ଦେବବ୍ରତ ମେହେର ପ୍ରମୁଖ ମାନପତ୍ର ପାଠ କରିଥିଲେ। ଶଶିଭୂଷଣ ସାହୁ ସ୍ବାଗତ ଭାଷଣ, ସୁମନ୍ତ ଗଡତୀୟା ଉଦ୍ଦେଶ୍ଯ ଜ୍ଞାପନ

କରିଥିଲେ। ପ୍ରାରମ୍ଭିକ ସଂଗୀତ ଗାନ କରିଥିଲେ ଶିକ୍ଷକ ଅକ୍ଷୟ କୁମାର ଦାଶ। ଶିକ୍ଷକ ପ୍ରେମରାଜ ପଟେଲ ସାଂପ୍ରତିକ ପରିସ୍ଥିତିରେ ଶିକ୍ଷକଙ୍କ ଭୂମିକା ସଂପର୍କରେ ଆଲୋକପାତ କରିଥିଲେ। ଶିକ୍ଷକ ରଘୁନାଥ ପୁରି ନୂତନ ଓ ପୁରୁଣା ପେନସନ ଉପରେ ତୁଳନାତ୍ମକ ତଥ୍ଯ ଉପସ୍ଥାପନ କରିବା ସହିତ ପୁରୁଣା ପେନସନ ଲାଗୁ କରିବା ଦିଗରେ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ। ସଭା ପ୍ରାରମ୍ଭରୁ ଏକ ଭବ୍ୟ ଶୋଭାଯାତ୍ରାରେ ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ରୀତା ସାହୁ ଓ ବ୍ଲକ ଅଧ୍ଯକ୍ଷ ମୋତିରାମ ସାହୁଙ୍କୁ ଶିକ୍ଷକ ଭବନରୁ ଏସଏଚଜି ଭବନକୁ ପାଛୋଟି ନିଆଯାଇଥିଲା। ବିଜୟ ରଞ୍ଜନ ଦାସ ସମାରୋହକୁ ସଂଯୋଜନା କରିଥିବାବେଳେ, ପ୍ରେମରାଜ ପଧାନ ଧନ୍ଯବାଦ ଅର୍ପଣ କରିଥିଲେ।