30-Aug-2022

ବିନିକା(ହିମାଂଶୁ ଶେଖର ପୁଟେଲ): ସଦ୍ଯ ସମାପିତ ଓଡିଶା ଲୋକ ସେବା ଆୟୋଗ(ଓ.ପି.ଏସ.ସି) ଆସିଷ୍ଟାଣ୍ତ ସେକ୍ସନାଲ ଅଫିସର(ଏ.ଏସ.ଓ) ପରୀକ୍ଷାରେ ପରୀକ୍ଷା ନୀରିକ୍ଷକ ତୃଟି କରିଥିବା ନେଇ ଜଣେ ପରୀକ୍ଷାର୍ଥି ଅଭିଯୋଗ କରିଛନ୍ତି।ଅଭିଯୋଗକାରୀ ପରୀକ୍ଷାର୍ଥି ଆର୍ତ୍ତତ୍ରାଣ ଖୁର୍ଡିଆଙ୍କ ସୂଚନାନୁସାରେ ସରକାରୀ ଶିଳ୍ପ ତାଲିମ କେନ୍ଦ୍ର,ସୋନପୁର(ରୁମ ନଂ‐୧୦) ଠାରେ ତାଙ୍କର ପରୀକ୍ଷା କେନ୍ଦ୍ର ଧାର୍ଯ୍ଯ ହୋଇଥିଲା।ଦ୍ୱିତୀୟ ପର୍ଯ୍ଯାୟ ପରୀକ୍ଷା ସମୟରେ ପରୀକ୍ଷା ନିରୀକ୍ଷକ ସୁଶାନ୍ତ କୁମାର ଜେନା ଓ.ଏମ.ଆର ସିଟରେ ଦସ୍ତଖତ କରିବା ସମୟରେ ପରିକ୍ଷାର୍ଥୀଙ୍କୁ ନ ପଚାରି 'ସି' ସେଟ ସ୍ଥାନରେ 'ଡି' କୁ ରାଉଣ୍ତ କରିଦେଇଥିଲେ।ପରୀକ୍ଷାର୍ଥି ଜଣକ ଦେଖି ଅଭିଯୋଗ କରିବା ପରେ ନୀରିକ୍ଷକ ଜଣକ ହଡବଡଇ ଯାଇଥିଲେ ଏବଂ ସ୍ଥାନୀୟ ଅଧ୍ଯକ୍ଷଙ୍କ ପରାମର୍ଶ ନେଇ ଭୁବନେଶ୍ୱରର ଅଧିକାରୀଙ୍କ ସହ କଥାବାର୍ତ୍ତା ହୋଇ ଏହା କିଛି ହେବ ନାହିଁ  ଏବଂ ଏଥି ପାଇଁ ସେ ନିଜେ ଉତ୍ତରଦାୟୀ ହେବେ ବୋଲି କହିବା ସହ ପୁଣି 'ସି' ସେଟ ସ୍ଥାନରେ ରାଉଣ୍ତ କରିଥିଲେ।ଯଦି ଏଥି ନିମିତ୍ତ ପରୀକ୍ଷାର୍ଥିଙ୍କୁ ବାଦ ଦିଆଯାଏ  ତାହେଲେ ଏଥିପାଇଁ ଦାୟୀ ହେବ କିଏ ଏବଂଓଡିଶା ଲୋକ ସେବା ଆୟୋଗ(ଓ.ପି.ଏସ.ସି)ପରୀକ୍ଷାରେ ନୀରିକ୍ଷକଙ୍କ ଏତାଦୃଶ ଦାୟିତ୍ୱହୀନ ଭୁଲକୁ ନେଇ ପରୀକ୍ଷାର୍ଥି ଓ ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।ଅନ୍ୟ ପକ୍ଷରେ ପରୀକ୍ଷାର୍ଥୀ ଆର୍ତ୍ତତ୍ରାଣଙ୍କ ଭଳି ଆହୁରି ଅନେକ ପରିକ୍ଷ୍ୟର୍ଥି ମଧ୍ୟ ତାଙ୍କ ଉତ୍ତର ସେଟକୁ ନେଇ ଦ୍ବନ୍ଦରେ ଥିବା ଶୁଣାଯାଉଛି । ଉକ୍ତ ସମସ୍ୟା ଉପରେ ଆର୍ତ୍ତତ୍ରାଣ ସୁବର୍ଣ୍ଣପୁର ଜିଲ୍ଲାପାଳ,ଲୋକ ସେବା ଆୟୋଗର ଚେୟାରମେନ,ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ଟୁଇଟ ଯୋଗେ ଜଣାଇଥିଲେ ମଧ୍ୟ କୌଣସି ରିପ୍ଲା ଅଦ୍ୟାବଧି ଆସି ନଥିବାରୁ ସନ୍ଦେହ ଘନୀଭୂତ ହେବାରେ ଲାଗିଛି ।