21-Aug-2022

ସୁବର୍ଣ୍ଣପୁର-  ସୋନପୁର ମହାବିଦ୍ୟାଳୟର ୭୦ ଲକ୍ଷ ରୁ ଊର୍ଧ୍ଵ ଟଙ୍କା ଠକେଇ ଘଟଣା ମାମଲାରେ ସୁବର୍ଣ୍ଣପୁର ପୋଲିସ ୪ ଜଣ  ସାଇବର ଅପରାଧୀଙ୍କୁ ଗିରଫ କରିବାରେ ସଫଳ ହୋଇଛି। ଅଭିଯୁକ୍ତ ମାନଙ୍କ ପାଖରୁ ଦୁଇଟି ଏଟିଏମ କାର୍ଡ, ତିନୋଟି କ୍ରେଡିଟ କାର୍ଡ ,ଚାରିଗୋଟି ମୋବାଇଲ ,ଗୋଟିଏ ପାନ କାର୍ଡ, ଚାରିଗୋଟି ଆଧାର ଓ ଭୋଟର କାର୍ଡ ଜବତ କରିଛି। ପୂର୍ବରୁ ଅଭିଯୁକ୍ତ ମାନଙ୍କ ଆକାଉଣ୍ଟ ରୁ ୧୮ ଲକ୍ଷ ୯୮ ହଜ଼ାର ୫୦୭ ଟଙ୍କା ମଧ୍ୟ ଜବତ କରିଥିଲା ପୋଲିସ l ସବୁ ଟଙ୍କା ସାଥି ଦତ୍ତ ଆକାଉଣ୍ଟ କୁ ଟ୍ରାନପର ହୋଇ ଥିବା ବେଳେ ସେଠାରୁ  ସବୁଜ ଓ ସୁବାସ ଆକାଉଣ୍ଟ କୁ ୯ ଲକ୍ଷ ୫୦ ହଜାର ଟଙ୍କା ଲେଖାଏଁ, ବିୟୁଟି ଦାଶ ପାଖକୁ ୪ ଲକ୍ଷ, ଓ ଦ୍ରୋପଦୀ ର ଆକାଉଣ୍ଟ କୁ 20 ଲକ୍ଷ ଟଙ୍କା ଟ୍ରାନଫର କରାଯାଇଥିବା ସୂଚନା ମିଳିଛି l ଗତ ୭ ଜୁନ ୨୦୨୨ରେ ବ୍ୟାଙ୍କ ଅଫ ବରୋଦାରୁ  ନକଲି ଚେକ ଦେଇ ଅଭିଯୁକ୍ତ ମାନେ ୭୦ ଲକ୍ଷ ୪୨ ହଜ଼ାର ୯୦୦ ଟଙ୍କା  ଆଇ ସି ଆଇ ସି ବ୍ୟାଙ୍କର ସାଥି ଦତ୍ତଙ୍କ ଆକାଉଣ୍ଟକୁ ପଠେଇ ଦେଇଥିଲେ। ହେଲେ ତିନି ଦିନ ପରେ ମହାବିଦ୍ୟାଳୟ କର୍ତ୍ତୃପକ୍ଷ ବ୍ୟାଙ୍କ ଅଫ ବରୋଦାରୁ  ଟଙ୍କା ଉଠା ଯାଇଥିବା ଜାଣିବାକୁ ପାଇଥିଲେ। ପୋଲିସ ଏହି ମାମଲାର ତଦନ୍ତ କରି ଠକେଇ କରିଥିବା ଲୋକେ କଲିକତାର ବୋଲି ଜାଣିବାକୁ ପାଇଥିଲେ।ତେବେ ପୋଲିସର ଏକ ସ୍ୱତନ୍ତ୍ର ଟିମ

ଗଠନ କରାଯାଇ ଏହlର ତଦନ୍ତ ଆରମ୍ଭ କରିଥିଲେ।ଶେଷରେ ପୋଲିସ କଲିକତାର କୁଚବିହାର ଜିଲ୍ଲାରୁ ଚାରି ଜଣ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି।ଅଭିଯୁକ୍ତ ମାନେ ସବୁଜ ଘୋଷ ,ସୁବାସ ଦାସ , ବିଉଟି ଦାସ ଓ ଦ୍ରୋପଦି ଦାସ ସରକାର, ବୋଲି ପୋଲିସ ସୂଚନା ମିଳିଛି । ଆଜି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯିବ ବୋଲି ସୁବର୍ଣ୍ଣପୁର ଏସ ପି  ଅମରେଶ ପଣ୍ଡା କହିଛନ୍ତି l ଆଜିର ପ୍ରେସ ମିଟ ରେ ଏସ ଡି ପି ଓ ପୁଷ୍ପାଞ୍ଜଳୀ ନିଙ୍ଗୀ, ଓ କୃଷ୍ଣ ଚନ୍ଦ୍ର ମେହେର ମଧ୍ୟ ଉପସ୍ଥିତ ଥିଲେ l