17-Aug-2022

ବିନିକା(ହିମାଂଶୁ ଶେଖର ପୁଟେଲ) ଆଜାଦି କା ଅମୃତ ମହୋତ୍ସବ ଓ ୭୬ତମ ସ୍ବାଧିନତା ଦିବସ ପାଳନ ଅବସରରେ ବିନିକା ଅଞ୍ଚଳବାସୀଙ୍କ ସ୍ବାସ୍ଥ୍ୟର ଉନ୍ନତି ଆଣିବା ନେଇ ଜାତୀୟ ସ୍ବାସ୍ଥ୍ୟ ମିଶନ ଯୋଜନାର ଅନୁଦାନ ୩କୋଟି ୨୯ଲକ୍ଷ ୧୦ହଜାର ଟଙ୍କାରେ ନବ ନିର୍ମିତ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରର କୋଠାଘରକୁ ମାନ୍ୟବର ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ ଏବଂ  ମାନ୍ୟବର ବୀରମହାରାଜପୁର ବିଧାୟକ ପଦ୍ମନାଭ ବେହେରା ଉଦ୍ଘାଟନ କରିଛନ୍ତି । ଏହି ଅବସରରେ ଅନୁଷ୍ଟିତ କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲାପାଳ ଅବୋଲି ସୁନୀଲ ନରୱନେ,ଜିଲ୍ଲା ମୁଖ୍ୟ ଚିକିତ୍ସାଧିକାରୀ ବିଶ୍ବରଂଜନ ପତି, ନଗରପାଳ ସୁବାସ ଚନ୍ଦ୍ର ଭୋଇ,ବିନିକା ଡାକ୍ତରଖାନା ଚିକିତ୍ସାଧିକାରୀ ଡ.ଅଂଶୁମାଲିନି ପଣ୍ଡା ପ୍ରମୁଖଙ୍କ ସମେତ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଉପସ୍ଥିତ ଥିଲେ । ସେହିପରି ୨୧ଲକ୍ଷ ଟଙ୍କା ବ୍ୟୟରେ ବିନିକା ମହାନଦୀ ସେତୁ ରାସ୍ତାର ଆଲୋକୀକରଣ ବ୍ୟବସ୍ଥାକୁ ମାନ୍ୟବର ବିଧାୟକ ଶ୍ରୀ ବେହେରା ଆନୁଷ୍ଠାନିକ ଭାବେ ଉଦଘାଟନ

କରିଥିଲେ । ଏହି ଅବସରରେ ନଗର ପାଳ ସୁବାସ ଚନ୍ଦ୍ର ଭୋଇ, କାର୍ଯ୍ୟନିର୍ବାହୀ ଅଧିକାରୀ ଶ୍ରୀକୁମାର ରଥ,ଉପ ନଗର ପାଳ ତପସ୍ୱିନୀ ମେହେରଙ୍କ ସମେତ ସମସ୍ତ କାଉନସିଲର, ବିଜୁ ଜନତା ଦଳ କର୍ମୀ, ଅଞ୍ଚଳର ଜନସାଧାରଣ ଉପସ୍ଥିତ ଥିଲେ।ଅନ୍ଧାରରେ ରହୁଥିବା ଏହି ରାସ୍ତା ଆଲୋକମୟ ହେବାପରେ ସାଧାରଣ ଲୋକଙ୍କ ଧନ ଜୀବନ ସୁରକ୍ଷିତ ରହିବା ସହିତ ଗାଡ଼ି ମଟର ମଧ୍ୟ ଠିକ ଭାବରେ ଯିବା ଆସିବା କରିବ ବୋଲି ଆଶା କରାଯାଉଛି ।