29-Jul-2022

ବିନିକା(ହିମାଂଶୁ ଶେଖର ପୁଟେଲ) ବୀରମହାରାଜପୁର ଉପଜିଲ୍ଲାପାଳ ଅଶୋକ କୁମାର ଭୋଇ ଗତକାଲି ବିନିକା ଗସ୍ତରେ ଆସି ସନ୍ଧ୍ୟାରେ  ଅଚାନକ ବିନିକା ସ୍ପୋର୍ଟସ କ୍ଲବ ହଲ ଠାରେ ଖୋଲିଥିବା ସ୍ମାର୍ଟ ଲାଇବ୍ରେରୀ ପରିଦର୍ଶନ କରି  ଭୂୟସୀ ପ୍ରଶଂସା କରିଥିଲେ ।ଶ୍ରୀ ଭୋଇ ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ରଙ୍କ ସହିତ ଆଲୋଚନା କରି କିପରି ଭାବରେ ଲାଇବ୍ରେରୀକୁ ବିଭିନ୍ନ ପ୍ରକାରର ଶିକ୍ଷଣୀୟ ପୁସ୍ତକ ଆସିପାରିବ ତାର ମାଧ୍ୟମ   ଉପରେ ପରାମର୍ଶ ଦେଇଥିଲେ ।ଏହା ବ୍ୟତୀତ ଏହି ଲାଇବ୍ରେରୀ ରେ ଟଏଲେଟ,ୟୁରିନାଳ ଏବଂ ପାଠକଙ୍କ ପାଇଁ ପିଇବା ପାଣିର ନିହାତି ଆବଶ୍ୟକତା ଥିବାରୁ ସ୍ଥାନୀୟ ଏନଏସି ପ୍ରଶାସନିକ ଅଧିକାରୀଙ୍କ ସହ ଆଲୋଚନା କରି ତୁରନ୍ତ ସମାଧାନ କରାଯିବ ବୋଲି କହିଥିଲେ ।ସେହିପରି ଅବହେଳିତ ଅବସ୍ଥାରେ ଥିବା ବିଜୁପଟ୍ଟନାୟକ ଷ୍ଟାଡିୟମ ପୁନରୁଦ୍ଧାର ଏବଂ ପରିସର ଭିତରେ ଜମୁଥିବା ପାଣିର ନିଷ୍କାସନ ପାଇଁ ୫ଟି ସୁଇଚ ଗେଟ ନିର୍ମାଣ ସକାଶେ ଉଚ୍ଚ କର୍ତ୍ତୃପକ୍ଷଙ୍କୁ ଦିଆଯାଇଥିବା ପ୍ରସ୍ତାବ ଉପରେ ଆଲୋଚନା ହୋଇଥିଲା ।