19-Jul-2022

ବଲାଙ୍ଗୀର(ପ୍ରେରଣା ଖବର), ଆଜି କୋସଲ ସମାଜ ତରଫରୁ ଭାରତର ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ବଲାଙ୍ଗୀର ଜିଲ୍ଲାପଳ ଚଂଚଳ ରାଣାଙ୍କୁ ଏକ ୬ଦଫା ଦାବିପ୍ରତ୍ର ପ୍ରଦାନ କରାଯାଇଛି । ଭାରତରେ ଚାଲିଥିବା ଅପସଂସ୍କୃତିକୁ ରୋକାଯିବା  ତଥା ଯୁବପିଢ଼ୀକୁ ବିପଥଗାମୀ ହେବାରୁ ରକ୍ଷା କରିବା ଏବଂ ନିଶାଦ୍ରବ୍ୟ ସେବାନକୁ ବନ୍ଦ କରିବା ନେଇ ଏହି ଦାବିପତ୍ରରେ ଉଲ୍ଲେଖ କରାଯାଇଛି । ପଶ୍ଚିମ ଓଡ଼ିଶାର ୧୬ଟି ଜିଲ୍ଲାରେ କୋଟି କୋଟି ଟଙ୍କାର ପ୍ରାକୃତିକ ସଂପତ୍ତିଗଛିତ ଥିଲେ ମଧ୍ୟ ଏ ଅଞ୍ଚଳର ଯୁବ ମାନଙ୍କୁ ଚାକିରୀ ମିଳୁ ନାହିଁ । ତେଣୁ ସ୍ଥାନୀୟ ଯୁବକ ଯୁବତୀଙ୍କୁ ଆଗ୍ରାଧିକାର ଭିତ୍ତିରେ ନିଯୁକ୍ତି ପ୍ରଦାନ ପାଇଁ ଏହି ଦାବିପତ୍ରରେ ଉଲ୍ଲେଖ କରାଯାଇଛି । ପ୍ରାଥମିକ ସ୍ତରରୁ ବିଶ୍ୱବିଦ୍ୟାଳୟ ସ୍ତର ପର୍ଯ୍ୟନ୍ତ ମାଗଣାରେ ଶିକ୍ଷାଦାନ କରାଯିବା ସହ ଛାତ୍ରଛାତ୍ରୀ ମାନଙ୍କୁ ଆଧ୍ୟାତ୍ମିକତା ଶିକ୍ଷା ପ୍ରଦାନ କରାଯାଉ ଯାହା ଦ୍ୱାରା ଚରିତ୍ରବାନ ମଣିଷ ସୃଷ୍ଟି ହୋଇପାରିବେ ବୋଲି ଏହି ଦାବିପତ୍ରରେ ଉଲ୍ଲେଖ କରାଯାଇଛି । କୋସଲ ସମାଜର ସଚିବ ଦିଲିଫ ପାଢ଼ିଙ୍କ ନେତୃତ୍ୱରେ କୋସଲ ସମାଜର ବହୁ କର୍ମକର୍ତ୍ତା ଓ ସଭ୍ୟସଭ୍ୟା ଏହି ଦାବିପତ୍ର ପ୍ରଦାନ ସମୟରେ ସାମିଲ ହୋଇଥିଲେ ।