19-Jul-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ଶ୍ରlବଣ ମାସର ପ୍ରଥମ ସୋମବାର ତେଣୁ ସୋମେଶ୍ବର ମହାଦେବଙ୍କ ପୀଠରେ ଜଳ ଲାଗି କରିବାପାଇଁ ବହୁସଂଖ୍ୟକ ଭକ୍ତ ଓ ଶ୍ରଦ୍ଧାଳୁ ରବିବାର  ପହଞ୍ଚିଥିଲେ ଐତିହ୍ଯ ସମ୍ପନ୍ନ ଯୋଗିନୀପିଠ ରାଣୀପୁର ଝରିଆଲ। କରୋନା କଟକଣା ଯୋଗୁଁ ଦୁଇ ବର୍ଷ ହେଲା ଭକ୍ତ ମାନେ ମହାଦେବଙ୍କୁ ଜଳଲାଗି କରିବାରୁ ବଞ୍ଚିତ ରହିଥିଲେ । ତେବେ ଏ ବର୍ଷ କଟକଣା କୋହଳ ଥିବାରୁ ଏ ପିଠକୁ ପୁଣି ଆକର୍ଷିତ କରିଛନ୍ତି ଯୋଗିନୀ ଗଣ ମହାଦେବଙ୍କୁ

ପ୍ରତ୍ୟକ୍ଷ ଜଳଲାଗି କରି କୃତାର୍ଥ ହେବାକୁ କାଉଡିଆ ଭକ୍ତ ମାନଙ୍କୁ । ବଲାଙ୍ଗୀର ଜିଲ୍ଲା ଟିଟିଲାଗଡ ରେଳ ଷ୍ଟେସନ ରୁ ୩୭ ଓ କଣ୍ଟାବାଞ୍ଜି ରେଳ ଷ୍ଟେସନ ରୁ ୨୫ କି:ମି ଦୁରରେ ଥିବାରୁ ରାଜ୍ଯ ତଥା ରାଜ୍ଯ ବାହାରୁ ଛୁଟି ଆସିଛନ୍ତି ବହୁ ସଂଖ୍ୟାରେ ଶ୍ରଦ୍ଧାଳୁ ଓ ଭକ୍ତ। ହେଲେ କରୋନା ସମୟରେ ମନ୍ଦିର ବନ୍ଦ ଥିବା ଓ ସରକାରୀ ଦୃଷ୍ଟି ଆଢୁଆଳରେ ରହି ଯାଉ ଥିବାରୁ

ମୌଳିକ ସୁବିଧା ସୁଯୋଗ ର ଅଭାବ ଥିଲେ ହେଁ ଆସ୍ଥା , ବିଶ୍ବାସ ଓ ଭକ୍ତି ଆଗରେ ସୁବିଧା ସୁଯୋଗ ସତେ ଯେମିତି ହାର ମାନିଛନ୍ତି । ମନ୍ଦିର କମିଟି ତରଫରୁ ଏଥିପାଇଁ ବ୍ୟାପକ ବ୍ୟବସ୍ଥା ଯେମିତି ଟ୍ୟାଙ୍କର ଯୋଗେ ପାନୀୟଜଳ , ବିଦ୍ୟୁତ ପାଇଁ ଜେନରେଟର ବ୍ୟବସ୍ଥା ଓ ସ୍ଥାନିୟ ସିନ୍ଧେକେଲାର ଜଣେ ଦାତାଙ୍କ ତରଫରୁ ରବିବାର ରାତି ଭୋଗ ବ୍ୟବସ୍ଥା କରା ଯାଇଥିବା ବେଳେ ସୋନପୁର ଜିଲ୍ଲାର ଜଣେ ଦାତା ସୋମବାର ଭୋଗ ବ୍ୟବସ୍ଥା ଆଦି କରିଥିଲେ । ଭିଡକୁ ଦୃଷ୍ଟିରେ ରଖି ସିନ୍ଧେକେଲା ଥାନା ତରଫରୁ ପୋଲିସ ଷ୍ଟାଫ ମୁତୟନ ହୋଇଥିଲେ।