19-Jul-2022

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଳକ ପାଇଁ ସାଂସଦ ପ୍ରତିନିଧି ଭାବରେ ଅନିଲ ନାଏକ ନୁତନ ଭାବରେ ନିଯୁକ୍ତି ପାଇଛନ୍ତି। ସେ ବର୍ତ୍ତମାନ ବିଜେପି ଦଳର ବଲାଙ୍ଗୀର ଜିଲ୍ଲା ସମ୍ପାଦକ ଭାବେ ଦାୟିତ୍ବ ତୁଲାଉଛନ୍ତି। ବଙ୍ଗୋମୁଣ୍ଡା ବ୍ଲକ ଅଞ୍ଚଳରେ ବିଜେପି ଦଳକୁ ମଜବୁତ କରିବା ପାଇଁ ଲୋକସମ୍ପର୍କ ଓ ସାଂଗଠନିକ କାର୍ଯ୍ୟକ୍ରମ ଜାରି ରଖିଥିବା ବେଳେ ସ୍ଥାନିୟ ଲୋକଙ୍କ ମୌଳିକ ଅଧିକାର ଓ ଅସୁବିଧା କୁ ନେଇ ଲଢେଇ ମଧ୍ଯ ଜାରି ରଖିଛନ୍ତି। ତେବେ ସାଂସଦ ଙ୍କ ନୋମିନୀ ଭାବେ ନିଯୁକ୍ତି ପାଇଥିବା ଖବର ପ୍ରଚାରିତ ହେବା ପରେ ସିନ୍ଧେକେଲା ଅଞ୍ଚଳର ବିଭିନ୍ନ ସଂଗଠନ, ଦଳିୟ କାର୍ଯ୍ଯକର୍ତ୍ତା ଓ ବିଭିନ୍ନ ପଞ୍ଚାୟତ ର ନବନିର୍ବାଚିତ ପ୍ରତିନିଧି ମାନେ ଭେଟି ଶ୍ରୀ ନାଏକ ଙ୍କୁ ସମ୍ବର୍ଦ୍ଧନା ଜଣାଇଛନ୍ତି । ଏବଂ ଆଗକୁ ସାଂସଦ ଙ୍କ ଦ୍ବାରା ଅଞ୍ଚଳର ବିଭିନ୍ନ ସମସ୍ୟାର ସମାଧାନ କରିବା ନେଇ ଆଲୋଚନା କରିଛନ୍ତି । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ବଲାଙ୍ଗୀର ଜିଲ୍ଲାର ଗର୍ବ ଓ ଗୌରବର ଗାଥା ଗାଉଥିବା ଐତିହ୍ଯ ସମ୍ପନ୍ନ ରାଣୀପୁର ଝରିଆଲ ଯୋଗିନୀପିଠ କୁ ୨୦୧୯ ଜାନୁଆରୀ ୧୫ ତାରିଖ ଦିନ ନିଜ ବଲାଙ୍ଗୀର ଗସ୍ତ ସମୟରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ ପୀଠର ଉନ୍ନତିକରଣ ପାଇଁ ଅନୁଦାନ ଘୋଷଣା କରିଥିଲେ। ତେବେ

ଘୋଷଣା ହେବାର ୩ ବର୍ଷରୁ ଉର୍ଦ୍ଧ୍ବ ହୋଇ ଯାଇଥିଲେ ହେଁ କେବଳ ପଥର ନିର୍ମିତ ଚାରୋଟି ଚେୟାର ଓ କିଛି ଲେଖା ହୋଇନଥିବା ଏକ ନାମ ଫଳକ ହିଁ ବର୍ତ୍ତମାନ ଦିଲ୍ଲୀ ରୁ ଭୁବନେଶ୍ବର ଦେଇ ରାଣୀପୁର ଝରିଆଲ କୁ ପହଞ୍ଚିଛି। ତେବେ ଏ ନେଇ ସାଂସଦ ଙ୍କ ମାଧ୍ୟମରେ ଶ୍ରୀ ନାଏକ ପୀଠର ବିକାଶ ପାଇଁ କାର୍ଯ୍ୟ ତ୍ୱରାନ୍ୱିତ କରିବା ପାଇଁ ପ୍ରୟାସ କରିବି ବୋଳି କହିଛନ୍ତି। ସମ୍ବର୍ଦ୍ଧନା ସମୟରେ ଅନ୍ୟମାନଙ୍କ ମଧ୍ଯରେ ରାଣୀପୁର ଝରିଆଲ ଉନ୍ନୟନ କମିଟିର ଆବାହକ ଅନିଲ କୁମାର ତ୍ରିପାଠୀ, ଝଳପ ସରପଞ୍ଚ ଙ୍କ ପ୍ରତିନିଧି ଗୋବିନ୍ଦ ପୁଟେଲ , ଅଳଣ୍ଡା ସରପଞ୍ଚଙ୍କ ପ୍ରତିନିଧି ତଥା ଯୁବନେତା ଯୁବରାଜ ବାଗ, ଠେମରା ପଞ୍ଚାୟତର ପୂର୍ବତନ ସମିତିସଭ୍ଯ ନିତ୍ୟାନନ୍ଦ ପୃଷେଠ, ନୌରାଜ ରଣା , ହେମନ୍ତ ସାହୁ , ନିଳାନ ସଡଙ୍ଗୀ, ଆର୍ତ୍ତତ୍ରାଣ ସାହୁ ପ୍ରମୁଖ ଉପସ୍ଥିତ ଥିଲେ।