22-Nov-2020

ପାଟଣାଗଡ଼ (ଗୋରେଖନାଥ ବରିହା ) ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଳକ ଲରମ୍ଭା ପଞ୍ଚାୟତ ରାଜୀବଗାନ୍ଧୀ ସେବା କେନ୍ଦ୍ର ପରିସରରେ ଯୁବକ ସଂଘ ର ଉନ୍ନତିମୂଳକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ନେହେରୁ ଯୁବ କେନ୍ଦ୍ର ବଲାଙ୍ଗୀର ଓ ଆଦର୍ଶ ବୀଣାପାଣି ଯୁବକ ସଂଘ ଲରମ୍ଭା ଙ୍କ ମିଳିତ ଆନୁକୁଲ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ  ଲରମ୍ଭା ସରପଞ୍ଚ ସତ୍ୟବାନ୍ ପାଣ୍ଡେ ଓ ସମାଜସେବୀ ବିରଞ୍ଚି ପାଣ୍ଡେ  ମୁଖ୍ୟ ଅତିଥି  ଓ ପଞ୍ଚାୟତ ସମିତି କଲେଜ୍ ଘସିଏନ ର ଓଡ଼ିଆ ଅଧ୍ୟାପକ ସୁରେଶ ଚନ୍ଦ୍ର ବେହେରା ମୁଖ୍ୟ ବକ୍ତା ଭାବେ ଯୋଗ ଦେଇ  ବର୍ତମାନ ଯୁଗରେ ଶାନ୍ତି ଶୃଙ୍ଖଳିତ ସାମାଜ ଗଠନ ପାଇଁ ଯୁବ ଶକ୍ତି ର ଆବଶ୍ୟକ ରହିଛି ବୋଲି ମତବ୍ୟକ୍ତ କରିଥିଲେ। ମୂଖ୍ୟ ବକ୍ତା ଶ୍ରୀ ବେହେରା ଯୁବକ ସଂଘ ଗଠନ ର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଓ ସାମାଜିକ ଅର୍ଥ ନୈତିକ ଶିକ୍ଷା କୁସଂସ୍କାର ତଥା ସାମୁହିକ ଉନ୍ନତି  କ୍ଷେତ୍ରରେ ଯୁବକ  ମାନେ ଆଗେଇ ଆସିବାକୁ ପରାମର୍ଶ ଦେଇଥିଲେ । ଏଥିରେ କ୍ଳବ ଅଧିନସ୍ଥ ବିଭିନ୍ନ ଗ୍ରାମରୁ ଶତାଧିକ ଯୁବକ ମାନେ ଯୋଗଦେଇ ଥିଲେ । ଏହି କାର୍ଯ୍ୟକ୍ରମ କୁ ସ୍ବେଚ୍ଛାସେବୀ ବିରକିଶୋର ବେହେରା ପରିଚାଳନା କରିଥିବା ବେଳେ ସ୍ବେଚ୍ଛାସେବୀକା ସ୍ନିଗ୍ଧା ମେହେର ,କୁନୀ ବରିହା , ସନ୍ତୋଷ ଘିଭେଲା , ସରୋଜ ଖମାରି , ଧର୍ମେନ୍ଦ୍ର ପ୍ରଧାନ , ଜଗଦୀଶ ବେହେରା , ସଂଗ୍ରାମ ପୁଟେଲ , ଜିତେନ୍ଦ୍ର ଭୋଇ , ପ୍ରମୁଖ ସହଯୋଗ କରିଥିଲେ ।