31-May-2022

 ଉଲୁଣ୍ଡା(ଗୌରଚନ୍ଦ୍ର ପରିଚ୍ଛା): ଉଲୁଣ୍ଡା ବ୍ଲକ ନାକଡେଇଁ ନୂଆପଡାବାସୀ ଘରଡ଼ିହ ପଟ୍ଟା ଦାବିନେଇ ତହସିଲଦାରଙ୍କ ଦ୍ୱାରସ୍ଥ ହୋଇଛନ୍ତି l ସୂଚନା ଅନୁସାରେ ନାକଡେଇଁ ନୂଆପଡା ପ୍ରାୟ ୮୦ଟି ପରିବାର ଦୀର୍ଘ  ୫୦ବର୍ଷ ହେଲା ପିପଲକଟା ପତ୍ରା ଜଙ୍ଗଲରେ ରହିଆସୁଛନ୍ତି l ମାତ୍ର ଉକ୍ତ ପରିବାରଙ୍କୁ ପଟ୍ଟା ମିଳି ପାରିନାହିଁ l ଫଳରେ ଗ୍ରାମବାସୀ ବହୁ ଅସୁବିଧାର ସମ୍ମୁଖୀନ ହେଉଛନ୍ତି l ଏପରିକି କିଛି ପରିବାର ରହୁଥିବା ଘରଡିହକୁ କିଛି ଲୋକ ଚଞ୍ଚକତା କରି ନିଜ ନାମରେ ପଟ୍ଟା କରାଇ ନେଇଥିବା ଅଭିଯୋଗ କରିଛନ୍ତି l ଏଣୁ ଏହାର ସମାଧାନ ଏବଂ ଘରଡ଼ିହ ପଟ୍ଟା ଦାବି ନେଇ ଗ୍ରାମବାସୀ ତହସିଲଦାରଙ୍କ ଦ୍ୱାରସ୍ଥ ହୋଇ ଥିଲେ l ଗ୍ରାମବାସୀଙ୍କ ଅଭିଯୋଗ ଅନୁସାରେ ତହସିଲଦାର ପୂର୍ଣଚନ୍ଦ୍ର ନାଏକ ଏହାର ତଦନ୍ତ କରାଯାଇ ସମସ୍ୟାର ସମାଧାନ କରିବା ପାଇଁ ପ୍ରତିଶୃତି ଦେଇଥିଲେ l