31-May-2022

ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ଅଗ୍ରୱାଲ ଜୈନ ତେରାପନ୍ଥ ଭବନ ଠାରେ ସ୍ଥାନୀୟ ତେରାପନ୍ଥ ସଭାର ଆଗାମୀ ୨୦୨୨-୨୪ ହେତୁ  ନୂତନ ସଭାପତି ଚୟନକୁ ନେଇ ଏକ ଵିଶେଷ ବୈଠକ ଅନୁଷ୍ଠିତ ହୋଇଯାଇଅଛି । ସଭାପତି ମାଣିକ ଚନ୍ଦ ଜୈନଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ କୋଷାଧ୍ୟକ୍ଷ ରମେଶ ଜୈନ ତାଙ୍କର କାର୍ଯ୍ୟକାଳ ର ଆୟବ୍ୟୟ ସମ୍ପର୍କରେ ବିବରଣୀ ପ୍ରଦାନ କରିଥିଲେ ଓ ସମସ୍ତେ ତାହା ପାରିତ କରିଥିଲେ । ସମ୍ପାଦକ ପ୍ରସନ୍ନ ଜୈନ ତାଙ୍କର କାର୍ଯ୍ୟକାଳ ମଧ୍ୟରେ ତାଙ୍କର କାର୍ଯ୍ୟକାରିଣୀ ଟିମ ପକ୍ଷରୁ ଯେକୋୖଣସି ପ୍ରକାର ଯଦି ଭୁଲ ହୋଇଥାଏ ତାହେଲେ କ୍ଷମା ପ୍ରାର୍ଥନା କରିଥିଲେ ଓ ନୂତନ ସଭାପତି ଚୟନ କରିବା ପାଇଁ ନିର୍ବାଚନ ଅଧିକାରୀ ଭାବରେ ଯୋଗ ଦେଇଥିବା ମହାସଭା ପ୍ରଭାରୀ ଛତ୍ରପାଳ ଜୈନ ଓ ବରିଷ୍ଠ ଶ୍ରାବକ ପ୍ରବୀଣ ଜୈନଙ୍କୁ ନିବେଦନ କରିଥିଲେ । ବୈଠକରେ ଉପସ୍ଥିତ ଥିବା ସଦସ୍ୟମାନେ ନୂତନ ସଭାପତି ପାଇଁ କେତେ ଜଣଙ୍କ ନାମ ପ୍ରସ୍ତାବ ଆଗତ କରିଥିବା ବେଳେ ବଜରଙ୍ଗ ଜୈନଙ୍କୁ ସର୍ବସମ୍ମତି କ୍ରମେ ନୂତନ ସଭାପତି ମନୋନୀତ କରାଗଲା ଓ କିଛିଦିନ ଭିତରେ ତାଙ୍କର ନୂତନ କାର୍ଯ୍ୟକାରିଣୀ ଗଠନ କରି ପରବର୍ତ୍ତୀ ବୈଠକରେ ଘୋଷଣା କରିବା ପାଇଁ କୁହାଗଲା । ବୈଠକରେ ଅନ୍ୟମାନଙ୍କ ମଧ୍ୟରେ ସଭାର ଉପ ସଭାପତି ସୁବାଷ ଜୈନ, ସହ ସଂପାଦକ ଅନିଲ ଜୈନ, ଆଦେଶ ଜୈନ, ପୂର୍ବତନ ସଭାପତି ଫୁଲଚନ୍ଦ ଜୈନ, ପ୍ରାନ୍ତୀୟ ସଭା କୋଷାଧ୍ୟକ୍ଷ ସୁଦର୍ଶନ ଜୈନ, ସହ ସଂପାଦକ ସୁନିଲ ଜୈନ, ସୋନୁ ଜୈନ, ପବନ ଜୈନ, ନନ୍ଦକିଶୋର ଜୈନ, ବିମଲ ଜୈନ, ଅନିଲ ଗୋୟଲ, ରାଜେଶ ଜୈନ, କୈଳାସ ଜୈନ, ଗୋପାଳ ଜୈନ, ପ୍ରକାଶ ଜୈନ , ରୋସନ ଜୈନ , ରାମଅବତାର ଜୈନ , ଅମିତ ଜୈନ, ଡିସ୍କୋ ଜୈନ, ସାମ୍ବାଦିକ ଦିନେଶ ଜୈନ ପ୍ରମୁଖ ସାମିଲ ହୋଇଥିଲେ ।