27-May-2022

ବିନିକା(ହିମାଂଶୁ ଶେଖର ପୁଟେଲ) ଆଜି ମଧ୍ୟାହ୍ନ ସମୟରେ ବିନିକା ବ୍ଳକ କୁହିବାହାଳ ରାସ୍ତାରେ ଦୁଇ ବାଇକ ମଧ୍ୟରେ ମୂହାମୁହିଁ ଧକ୍କା ହେବାରୁ ଘଟଣା ସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣକୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଘଟଣାରୁ ପ୍ରକାଶ ଯେ ସୋନପୁର ବ୍ଳକ ଖଲିଆପାଲି ଗ୍ରାମର ଖଲିଆପାଲି କେନ୍ଦୁଲିଫ ରେଞ୍ଜ ବିଭାଗରେ ହେଡ଼ଚେକର ଭାବେ କାର୍ଯ୍ୟ କରୁଥିବା ବିଶ୍ବମ୍ବର ବଗର୍ତ୍ତି (୫୭) ନିଜ ପ୍ଲାଟିନା ବାଇକ ନଂ OD 31G 6350 ଯୋଗେ କାମ ସାରି ଫେରୁଥିବା ବେଳେ ଅପର ପଟରୁ ବୁଲେଟ ଗାଡ଼ି ନଂ OD 15E 7111 ଯୋଗେ ସିନ୍ଦୁରପୁର ଗ୍ରାମର ଦ
ଜୈନିକ ବ୍ୟକ୍ତିଙ୍କ ସହ ଦୁହି ଗାଡ଼ି ମଧ୍ୟରେ ମୁହାଁମୁହିଁ ଧକ୍କା ହେବାରୁ ଉଭୟେ ରାସ୍ତାରେ ଛିଟିକି ପଡ଼ିଥିଲେ ।ସଙ୍ଗେ ସଙ୍ଗେ ସ୍ଥାନୀୟ ଲୋକେ ଆମ୍ବୁଲେଂଶ ଯୋଗେ ଶ୍ରୀ ବଗର୍ତ୍ତିଙ୍କୁ ବିନିକା ଡାକ୍ତରଖାନାକୁ ଚିକିତ୍ସା ପାଇଁ ପଠାଇଥିଲେ । ଡାକ୍ତର ଦେଖିବା ପରେ ମୃତ ଘୋଷଣା କରିଥିଲେ ।ଅନ୍ୟ ଆହତଙ୍କୁ ସେଠାରୁ ଘଟଣାସ୍ଥଳରୁ ହିଁ ବୁର୍ଲା ଚିକିତ୍ସା ପାଇଁ ନିଆଯାଇଥିଲା । ମୃତ ବଗର୍ତ୍ତିଙ୍କ ବିନିକା ଡାକ୍ତରଖାନାରେ ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି ।   ଏନେଇ ମୃତ ବଗର୍ତ୍ତିଙ୍କ ପୁତ୍ର ଥାନାରେ ଏତଲା ଦେବା ପରେ ପୋଲିସ ଘଟଣାସ୍ଥଳରେ ପହଂଚି ଗାଡ଼ି ଦୁଇ ଟିକୁ ଜବତ କରି ତଦନ୍ତ ଅବ୍ୟାହତ ରଖିଛି ।ତେବେ ବୁର୍ଲା ଡ଼ାକ୍ତରଖାନାକୁ ଚିକିତ୍ସା ପାଇଁ ଯାଇଥିବା ସିନ୍ଦୂର ପୁର ଗ୍ରାମର ବ୍ୟକ୍ତିଙ୍କ ନାମ ଖବର ଲେଖା ହେବା ପର୍ଯ୍ୟନ୍ତ ଜଣା ପଡି ନାହିଁ ।