27-May-2022

ବଲାଙ୍ଗୀର (ଅନ୍ତର୍ଯ୍ୟାମୀ ସାହୁ): ବିଶିଷ୍ଟ ଆଧ୍ୟାତ୍ମିକ ଚିନ୍ତକ, ଶିକ୍ଷାବିତ୍ ତଥା ଅଧ୍ୟାତ୍ମ ବାହିନୀର ସମ୍ପାଦକ ସ୍ଵର୍ଗତ ଚୈତନ୍ୟ ଦାସ ଠାକୁରଙ୍କ ପ୍ରଥମ ବାର୍ଷିକ ସ୍ମୃତି ସଭା ଓ ସ୍ମରଣିକା ''ଚେତନାରେ ଚୈତନ୍ୟ'' ର ଉନ୍ମୋଚନ ଉତ୍ସବ ସ୍ଥାନୀୟ ମାରୱାଡି ସେବା ସଦନ ଠାରେ ଶ୍ରୀ ସତ୍ୟବନ୍ତ ବେଦବାକଙ୍କ ଅଧ୍ୟକ୍ଷତାରେ ଶୁକ୍ରବାର ଅନୁଷ୍ଠିତ ହୋଇଯାଇଛି। ଏଥିରେ

ଖୁଜେନପାଲି ସ୍ଥିତ ଆନନ୍ଦ ନିକେତନ ଆଶ୍ରମର ସ୍ୱାମୀ ସତ୍ୟପ୍ରଜ୍ଞାନନ୍ଦ ସରସ୍ବତୀ ଏବଂ କଣ୍ଟାବାଞ୍ଜି ରାଧା ମାଧବ ମନ୍ଦିର ମାତା ମଠର ବାବା ଅଦ୍ଵୈତ ପ୍ରସାଦ ଆଶୀର୍ବାଚନ ପ୍ରଦାନ କରି ସ୍ଵର୍ଗତ ଚୈତନ୍ୟ ଦାସ ଠାକୁରଙ୍କ ବହୁମୂଖୀ ପ୍ରତିଭାର ଅବତାରଣା କରିଥିଲେ l ଏହି ଅବସରରେ ପ୍ରସ୍ତୁତ ସ୍ମରଣିକା ଉନ୍ମୋଚନ କରିଥିଲେ। ସମ୍ପାଦନା କମିଟିର ଅନ୍ୟତମ ସଭ୍ଯ ରଘୁନାଥ ବାବୁ ସ୍ମରଣିକା ଉପରେ ତାଙ୍କର ମତାମତ ଦେଇଥିଲେ। । ଡ. ଗୋବର୍ଦ୍ଧନ ନାୟକ, ଚୈତନ୍ୟ ଦାସଙ୍କ ବଡଭାଇ ମୋହନ ଦାସ ଠାକୁର, ଶିକ୍ଷାବିତ୍ ସ୍ତମ୍ଭକାର ଦିବ୍ୟ ଜୀବନ ସଂଘର ଡ଼. ମୀନକେତନ ପାଠୀ, ନାଟ୍ଯ ଭୂଷଣ ଜଗଦାନନ୍ଦ ଛୁରିଆ, ମଣ୍ଡଳ ଗ୍ରାମର ଘାସିରାମ ପାଢ଼ୀ ଓ ଆଶୁତୋଷ ଠାକୁର, ଟିକ୍ରାପଡ଼ାରୁ ଶିକ୍ଷକ

ସ୍ଵର୍ଗତ ଠାକୁରଙ୍କ ସହକର୍ମୀ ଚନ୍ଦ୍ରମଣି ସିଂହଦେଓ, ସତ୍ୟସାଇ ସଂଗଠନ ବଲାଙ୍ଗିରରୁ କବି ସୁଭ୍ରାଂଶୁ ପଣ୍ଡା ଓ ସଂଗଠନର ଜିଲ୍ଲା ସଭାପତି ମନୋଜ ମହାପାତ୍ର ପ୍ରମୁଖ ତାଙ୍କର ସ୍ମୃତିଚାରଣ କରିଥିଲେ। ପୂର୍ବରୁ ଚୈତନ୍ୟ ଦାସ ଠାକୁର ସ୍ମୃତି କମିଟିର ସମ୍ପାଦକ ଡାକ୍ତର ରସରାଜ ଠାକୁର ସ୍ଵାଗତ କରିଥିବା ବେଳେ ଶେଷରେ ଧନ୍ଯବାଦ ଅର୍ପଣ କରିଥିଲେ। ସ୍ଵର୍ଗତ ଠାକୁରଙ୍କ ଅଧ୍ୟାତ୍ମ ବାହିନୀର ଗୋଟିଏ ବିଶେଷ ସଂଖ୍ୟା ତାଙ୍କର ସ୍ମୃତିରେ ଖୁବଶୀଘ୍ର ପ୍ରକାଶିତ ହୋଇ ଏହାକୁ ନିୟମିତ କରାଯିବା ବିଷୟରେ ସେ ସୂଚନା ଦେଇଥିଲେ। ସଭାକୁ କୁମୁଦ ବିହାରୀ ବେଦବାକ ସଂଯୋଜନା କରିଥିଲେ।