21-Nov-2020

(ପ୍ରେରଣା ଖବର)- ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମାମଲାରେ ପୁଣିଥରେ ପ୍ରବର୍ତ୍ତନ ନିର୍ଦେଶାଳୟ  (ଇଡି)ର ଯାଞ୍ଚ ଆରମ୍ଭ ହୋଇଯାଇଛି। ଏହି ମାମଲାରେ ଇଡି  ହାତରେ ସୁଶାନ୍ତ ସିଂଙ୍କୁ ଦିଆଯାଇଥିବା କୋଟି କୋଟି ଟଙ୍କାର ପେମେଣ୍ଟକୁ ନେଇ ସୁରାକ୍ ମିଳିଛି। ସୁତ୍ରରୁ ମିଳିଥିବା ଖବର ଅନୁସାରେ,ସୁଶାନ୍ତଙ୍କୁ ତାଙ୍କର ଗୋଟିଏ ଫିଲ୍ମ ପାଇଁ ସନ୍ଦିଗ୍ଧ ପେମେଣ୍ଟ କରାଯାଇଥିଲା। ଏହି ଟଙ୍କା ୧୭ କୋଟି ବୋଲି କୁହାଯାଉଛି!!**ସୁତ୍ରରୁ ମିଳିଥିବା ଖବର ଅନୁସାରେ, ଏହି ପେମେଣ୍ଟକୁ ନେଇ ଯାଞ୍ଚ ଚାଲିଛି। ୧୭ କୋଟି ଟଙ୍କାର ଏହି ପେମେଣ୍ଟ ୨୦୧୭ରେ ସୁଶାନ୍ତଙ୍କ ଫିଲ୍ମ ‘ରବତା’ ପାଇଁ କରାଯାଇଥିଲା। ଇଡି ଫିଲ୍ମର ପ୍ରଡ୍ୟୁସର ଦିନେଶ ଭିଜାନଙ୍କୁ ଗତ ମାସ ଏ ବିଷୟରେ ପଚରାଉଚରା କରିସାରିଛନ୍ତି। ଦିନେଶଙ୍କୁ ​‌ପେମେଣ୍ଟ ସମ୍ପର୍କିତ କାଗଜପତ୍ର ଜମା କରିବାକୁ କୁହାଯାଇଛି। ତେବେ ସେ ହଙ୍ଗେରୀରେ ସୁଟ୍ ହୋଇଥିବା ଫିଲ୍ମର ଓଭରସିଜ୍ ସୁଟ୍ ବଜେଟ୍‌ର ଡିଟେଲ୍ ଜମା କରିପାରିନଥିଲେ!!*ଓଭରସିଜ୍ ସୁଟିଂ ପାଇଁ ଫିଲ୍ମ ନିର୍ମାତାଙ୍କୁ ପେମେଣ୍ଟ ଭାବରେ କିଛି  ଟଙ୍କା ଦିଆଯାଇଥାଏ ଓ ଏ ସମ୍ପର୍କିତ ଦେଶରେ ସୁଟିଂରେ ଖର୍ଚ୍ଚ କରାଯାଇଥିବା ମୋଟ ବଜେଟର ପ୍ରାୟ ୨୦ ପ୍ରତିଶତ ହୋଇପାରେ। ଏହାକୁ ଓଭରସିଜ୍ ପେମେଣ୍ଟ ପକର୍ସ କୁହାଯାଇଥାଏ। ଏଜେନ୍ସିକୁ ସନ୍ଦେହ ରହିଛି ପ୍ରଡ୍ୟୁସର ବିଦେଶୀ ସରକାରଙ୍କୁ ବିଶେଷ କରି ୟୁରୋପିୟାନ୍ ଦେଶର ସରକାରଙ୍କୁ ଅଧିକ ଖର୍ଚ୍ଚର ତଥ୍ୟ ଦେଖାନ୍ତି, ଯାହାଫଳରେ ଅଧିକରୁ ଅଧିକ ପେମେଣ୍ଟର ଲାଭ ଉଠାଇ ପାରିବେ ଓ ଏହି ଟଙ୍କାକୁ ଫିଲ୍ମର ଅଭିନେତା-ଅଭିନେତ୍ରୀଙ୍କୁ ପେମେଣ୍ଟ ଦେବାରେ ବ୍ୟବହାର କରିପାରିବେ। ଏଜେନ୍ସିକୁ ସନ୍ଦେହ ରହିଛି, ଏହି ଟଙ୍କାକୁ ସେହି ଦେଶରୁ ଭାରତ ପଠାଯାଇଥାଏ!!