21-May-2022

ବରଗଡ:-ବରଗଡ଼ ଜିଲ୍ଲା ଅଭିବାଭକ ମହାସଂଘ ସ୍ଥାନୀୟ ଜିଲ୍ଲା ଶିକ୍ଷା ଅଧିକାରୀ, ବରଗଡ଼ଙ୍କୁ ସାକ୍ଷାତ କରି ବିଗତ ୨୦୨୦ ରେ ସରକାରଙ୍କ  ସ୍କୁଲ ବନ୍ଦ ଓ ଅନ୍ୟତ୍ର ମିଶ୍ରଣ ନୀତି ସହ 
କରୋନା କାଳ ପାଇଁ ସାରା ରାଜ୍ୟରେ ୧୩ ଲକ୍ଷ ଛାତ୍ରଛାତ୍ରୀ ସ୍କୁଲ ଡ୍ରପ ଆଉଟ ହୋଇଛନ୍ତି ଓ ସେମାନେ ଏବେ ଶିଶୁ ଶ୍ରମିକ ଭାବେ ବିଭିନ୍ନ ସ୍ଥାନ ରେ କାମ କରୁଛନ୍ତି । ଏହାକୁ ରାଜ୍ୟ ମାନବାଧିକାର କମିଶନ ବେଶ ଗୁରୁତର ଭାବେ ଗ୍ରହଣ କରିଛନ୍ତି ଓ ରାଜ୍ୟ ସରକାରଙ୍କୁ ସେହି ଛାତ୍ରଛାତ୍ରୀ ମାନଙ୍କୁ ପୁଣି ସ୍କୁଲ କୁ ଫେରାଇ ଆଣିବା ପାଇଁ ରାଜ୍ୟ ଶିକ୍ଷା ବିଭାଗ କୁ ନିର୍ଦ୍ଦେଶ ଦେଇଛନ୍ତି ।ବନ୍ଦ କରି ଥିବା ସ୍କୁଲ ସମୁହ କୁ ସ୍ଥାନୀୟ ଗ୍ରାମ ଶିକ୍ଷା କମିଟିଙ୍କ  ସହାୟତା ରେ ପୁନଃ ଖୋଲିବା ପାଇଁ କାର୍ଯ୍ୟ ଆରମ୍ଭ ପାଇଁ ନିର୍ଦ୍ଦେଶ ଦେଇଛନ୍ତି।ଏପରିପ୍ରେକ୍ଷୀରେ ବରଗଡ଼ ଜିଲ୍ଲାର ସ୍କୁଲ ଛାଡି ଥିବା ଛାତ୍ରଛାତ୍ରୀ ମାନଙ୍କୁ ଶିଘ୍ର ଶିକ୍ଷା ର ମୁଖ୍ୟ ଶ୍ରୋତ ରେ ସାମିଲ ଓ ସ୍କୁଲ ପୁନଃ ଖୋଲିବା ପାଇଁ ଏକ ଦାବିପତ୍ର ଜିଲ୍ଲା ଆବାହକ ସଂଘର  ବିମଳ କୁମାର ଦାଶ ଙ୍କ ନେତୃତ୍ୱରେ ରେ ଦିଆଯାଇଛି। ଦାବିପତ୍ର ପ୍ରଦାନ ସମୟରେ ଜିଲ୍ଲା ସାଧାରଣ ସମ୍ପାଦକ ସୁଜୀତ ମିଶ୍ର, ବାଲ୍ମୀକି ଷଡ଼ଙ୍ଗୀ, ଆଶୁତୋଷ ରଥ, ମହେଶ୍ବର ପାଣ୍ଡେ, ବୀରେନ୍ଦ୍ର ପଣ୍ଡା, ଅମୀୟ ଦାଶ, ଦିବିନ୍ଦର ସିଂ, ଜ୍ୟୋତ୍ସା ପାଇକ, ସୁଶାନ୍ତ ହୋତା, ସୁଶେନ ବହିଦାର, ଶିବାନନ୍ଦ ମଟାରୀ,ରମେଶ ପତି, ଅର୍ଜୁନ ପ୍ରଧାନ, ଶିବ କୁମ୍ଭାର, ରଞ୍ଜିତ ଦାସ, ଅନ୍ତର୍ଯ୍ୟାମୀ ସେଟ ଆଦି ଉପସ୍ଥିତ ଥିଲେ।