21-May-2022

ବଲାଙ୍ଗିର (ପ୍ରେରଣା ଖବର) : ବଲାଙ୍ଗୀର ଶିକ୍ଷକ ଶିକ୍ଷା ମହା ବିଦ୍ୟାଳୟ ପରିସରରେ ବି,ଇ,ଡି,ଅନୁଷ୍ଠାନ କଲେଜ ଛାତ୍ର ସଂସଦର ବାର୍ଷିକ ଉତ୍ସବ ମହା ସମାରୋହରେ ପାଳିତ ହୋଇଯାଇଛି।ମହାବିଦ୍ୟାଳୟର କାର୍ଯ୍ୟକାରୀ ଅଧକ୍ଷା ଡକ୍ଟର ଗୀତାଞ୍ଜଳି ପାଢ଼ୀଙ୍କ ତତ୍ୱବଧାନରେ ଆୟୋଜିତ ଏହି ଉତ୍ସବରେ ରାଜେନ୍ଦ୍ର ମହାବିଦ୍ୟାଳୟର ଉପକୂଳପତି ପ୍ରଫେସର ଉମାବଲ୍ଲଭ ମହାପାତ୍ର ମୁଖ୍ୟ ଅତିଥି ଭାବେ ଓ ଅଚ୍ୟୁତାନନ୍ଦ ବହିଦାର ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ। ଉତ୍ସବ ପ୍ରାରମ୍ଭରେ ଅନୁଷ୍ଠାନ ପ୍ରାଚୀର ପତ୍ରିକା "ଇନ୍ଦ୍ରଧନୁ" ପତ୍ରିକା ମୁଖ୍ୟ ଅତିଥି ଦ୍ୱାରା ଉନ୍ମୋଚନ କରାଯାଇଥିଲା। ସଭା ପ୍ରାରମ୍ଭରେ ମାଁ ସମଳେଈଶ୍ୱରୀଙ୍କ ଫୋଟୋ ଚିତ୍ରରେ ମାଲ୍ୟାର୍ପଣ କରି ଦ୍ୱୀପ ପ୍ରଜ୍ବଳନ କରାଯାଇଥିଲା। ପ୍ରାଧ୍ୟାପକ ତଥା ଛାତ୍ର ସଂସଦର ଉପଦେଷ୍ଟା ପ୍ରଦୀପ କୁମାର ଡାଙ୍ଗ ଅତିଥି ପରିଚୟ ଦେଇଥିବା ବେଳେ ଅଧକ୍ଷା ଡକ୍ଟର ଗୀତାଞ୍ଜଳି ପାଢ଼ୀ ସ୍ୱାଗତ ଅଭିଭାଷଣ ରଖିଥିଲେ।ଛାତ୍ର ସଂସଦର ସାଧାରଣ ସମ୍ପାଦକ ବିଶ୍ଵଜିତ ଜେନା ବାର୍ଷିକ ବିବରଣୀ ପାଠ କରିଥିବା ବେଳେ ଛାତ୍ର ସଂସଦ ସଭାପତି ତେଜରାଜ ସାହୁ   ବକ୍ତବ୍ୟ ପ୍ରଦାନ କରିଥିଲେ।l ପୂର୍ବରୁ ଏହି ମହା ବିଦ୍ୟାଳୟରେ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା। ସଭା ଶେଷରେ ଛାତ୍ର ସଂସଦର ଉପସଭାପତି ଶୋଭାବତୀ ସିକଚାନ୍ଦ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ପରେ ପରେ କଲେଜ ଛାତ୍ରଛାତ୍ରୀଙ୍କ ଦ୍ଵାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ସୂଚନାଯୋଗ୍ୟ ଯେ, କରୋନା ମହାମାରୀ ପାଇଁ ବିଗତ ଦୁଇ ବର୍ଷ ଶିକ୍ଷକ ଶିକ୍ଷା ମହାବିଦ୍ୟାଳୟ ପରିସରରେ ବାର୍ଷିକ ଉତ୍ସବ ହୋଇପାରୁ ନଥିବା ବେଳେ ଚଳିତ ବର୍ଷ ମହାଆଡମ୍ବର ସହ ଛାତ୍ରଛାତ୍ରୀ ତଥା ଅଭିଭାବକଙ୍କ ଗହଣରେ ଆଯୋଜିତ ହୋଇ ସମାପନ ହୋଇଛି।