20-May-2022

ପାଟଣାଗଡ଼ ( ରୁପେନ୍ଦ୍ର ମୁଣ୍ଡା ) : ସରକାରୀ ବିଦ୍ୟାଳୟ ଛାତ୍ରଛାତ୍ରୀମାନେ ଗଛମୂଳରେ ପାଠ ପଢୁଥିବା ଦୃଶ୍ୟ ଦେଖିବାକୁ ମିଳିଛି । ଏପରିକି ଦିନେ ନୁହେଁ ବର୍ଷେ ନୁହେଁ ଦୀର୍ଘ ୫ ବର୍ଷ ଧରି  ଖୋଲା ଆକାଶ ତଳେ ବସି କୋମଳ ମତି ଛାତ୍ର ଛାତ୍ରୀ ମାନେ ପାଠ ପଢ଼ୁଥିବା ଗ୍ରାମବାସୀ  ଅଭିଯୋଗ କରିଛନ୍ତି । ଅଭିଯୋଗ ଅନୁଯାୟୀ ବେଲପଡା ବ୍ଳକ ଅନ୍ତର୍ଗତ ମଣ୍ଡଳ ପଞ୍ଚାୟତ ସିଙ୍ଗଲପଡା ଗାଁରେ ଶିକ୍ଷା ବ୍ୟବସ୍ଥା କୁ ନେଇ ଆମ ସରକାରୀ ବିଦ୍ୟାଳୟ ପ୍ରତି ସରକାରଙ୍କ ଏତେ ବିତୃଷ୍ନା ଭାବ କ'ଣ ପାଇଁ ବୋଲି ଗ୍ରାମବାସୀ ମାନେ ଙ୍କ ମଧ୍ୟରେ ପ୍ରଶ୍ନବାଚୀ ସୃଷ୍ଟି କରିଛି । ଅନ୍ୟପଟେ ସ୍କୁଲରେ ଥିବା ଶିକ୍ଷୟିତ୍ରୀ ମାନେ ମଧ୍ୟ ଠିକ୍ ଭାବରେ ସ୍କୁଲ କୁ ଆସୁନଥିବା ଅଭିଯୋଗ ହେଉଛି । ସିଲିଙ୍ଗ ପଡ଼ାରେ ୩୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ରହିଛନ୍ତି । ପଡ଼ା ଠାରୁ ୧୫ କିମି ଦୂରରେ ଗାଁ ଓ ଗାଁ ସ୍କୁଲ ।‌ପିଲାମାନେ ସ୍କୁଲକୁ ପାଠପଢି ଯିବାକୁ ବହୁତ ଅସୁବିଧାର ସମ୍ମୁଖୀନ ହେବା ଫଳରେ ସିଲିଙ୍ଗପଡା ଠାରେ ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଏକ ନୂତନ ପ୍ରାଥମିକ ସ୍କୁଲ ଖୋଲାହେଲା । ଏଥିପାଇଁ ଦୁଇ ଶିକ୍ଷୟିତ୍ରୀ ମଧ୍ୟ ନିହୋଜିତ ହେଲେ  କିନ୍ତୁ ଦୀର୍ଘ ୫ ବର୍ଷ ବିତିଯାଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ସ୍କୁଲ ଘର ଟିଏ ହୋଇପାରି ନାହିଁ । ଫଳରେ ଗଛମୂଳ ହିଁ ପିଲାଙ୍କ ବିଦ୍ୟାଳୟ ପାଲଟିଛି । ଲୋକ ମାନଙ୍କ ଜନଗହଳି ଓ ଖୋଲା ଆକାଶ ତଳେ ପାଠପଢ଼ା ଚାଳୁଥିବାରୁ ବହୁ ପିଲା ପାଠ ପଢିବାକୁ ଆସୁନଥିବା ଅଭିଭାବକ ମାନେ କହିଛନ୍ତି ।ଅନ୍ୟ ପଟେ ରାଜ୍ୟ ସରକାର ୫ଟି  ଅଧିନରେ ସ୍କୁଲ୍ ଗୁଡିକୁ ରୁପାନ୍ତର କରିଛନ୍ତି । ଗ୍ରାମାଞ୍ଚଳ ପିଲାମାନେ ଚାକଚକ୍ୟ ପରିବେଶ ଭିତରେ ରହି ଗୁଣାତ୍ମକ ଏବଂ ଉନ୍ନତମାନର ଶିକ୍ଷା ଗ୍ରହଣ କରିବେ ସେନେଇ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ହେଲେ ମଣ୍ଡଳର ଏହି ସିଙ୍ଗଲପଡାର ଛାତ୍ର ଛାତ୍ରୀ ମାନଙ୍କୁ ଦେଖିଲେ ଯୋଜନାର ଲାଭ କୁଆଡେ ଯାଉଛି ତାହା ପ୍ରଶ୍ନବାଚୀ ସୃଷ୍ଟି କରିଛି । ପାଖରେ ବିଦ୍ୟୁତ ଖୁଣ୍ଟ , ବର୍ଷା ଶୀତ ,କାକର ସବୁବେଳେ ଗଛ ପାଲଟିଛି ପିଲାଙ୍କ ସାହାରା । ଏନେଇ ବେଲପଡା ଗୋଷ୍ଠୀ ଶିକ୍ଷା ଅଧିକାରୀ ଚତୃଭୂଜ ମିର୍ଦ୍ଧା ଙ୍କୁ ପଚରାଯିବାରୁ ସେ କିଛି କହିବାକୁ ମନା କରିଦେଇଥିଲେ । ଅନ୍ୟ ପଟେ ତୁରନ୍ତ ସ୍କୁଲ ନିର୍ମାଣର ପାଇଁ ପଡାର ନବିଲ ଜାଲ ,ରମଣି କୁଅଁର, ଜମା ମାହାର,ସୁବାସିନୀ ଠେଲା, ଗର୍ଜ ମଲ୍ଲିକ, ପରମେଶ୍ଵର ଖର୍ସେଲ , ରାମଦାସ ଚିରଗୁନଙ୍କ ସମେତ ଅନ୍ୟ ମାନେ ଦାବି କରିଛନ୍ତି । ଏହାର ସମାଧାନ କରାନଗଲେ ଆନ୍ଦୋଳନ ତୀବ୍ରତର କରାଯିବ ବୋଲି ଚେତାବନୀ ଦେଇଛନ୍ତି ।