18-May-2022

ସମ୍ବଲପୁର( ସଞ୍ଜୀବ ପାଣିଗ୍ରାହୀଙ୍କ ରିପୋର୍ଟ): ଓଡିଶା ସାମ୍ବାଦିକ ସଂଘ ( ଓଜେୟୁ) ସମ୍ବଲପୁର ଜିଲ୍ଲା ଶାଖା ପକ୍ଷରୁ କୁଚିଣ୍ଡା ଆଦିବାସୀ ଭବନରେ ବିଶ୍ୱ ବ୍ରାହ୍ମIଣ୍ଡ ଆଦ୍ୟ  ତଥା ଶ୍ରେଷ୍ଠ ସାମ୍ବାଦିକ ଦେବର୍ଷି ନାରଦଙ୍କ ଜୟନ୍ତୀ ଉତ୍ସବ ପାଳିତ ହୋଇଯାଇଛି I ଜିଲ୍ଲା ସଭାପତି ହିମାଂଶୁ ଶେଖର ମିଶ୍ର ଙ୍କ ସଭାପତିତ୍ୱ ଓ  ଉପଦେଷ୍ଟା ସୁବାଷ ଚନ୍ଦ୍ର ନାୟକଙ୍କ ପରିଚାଳିତ ଏହି ଉତ୍ସବରେ ସମ୍ବଲପୁର ଜିଲ୍ଲା ପରିଷଦ ସଭାପତି ଶ୍ରୀମତୀ କୁମଦିନି ନାୟକ ମୁଖ୍ୟ ଅତିଥି, ଉପଖଣ୍ଡ ଆରକ୍ଷୀ ଅଧିକାରୀ ରାଜ କିଶୋର ମିଶ୍ର ମୁଖ୍ୟବକ୍ତା ଓ ପୂର୍ବତନ ବିଧାୟକ ବୃନ୍ଦାବନ ମାଝୀ ସମ୍ମାନିତ ଅତିଥି ଭାବରେ ଯୋଗ ଦେଇ ପୁରାଣ କାଳରେ ଦେବାର୍ଷି ନାରଦ କେବେ ମିଥ୍ୟାର ଆଶ୍ରୟ ନେଇ ନ ଥିଲେ I ସମସ୍ତ ଅପବାଦ ମୁଣ୍ଡାଇ ମଧ୍ୟ ଧର୍ମ ଓ ସତ୍ୟ ପ୍ରତିଷ୍ଠା ପାଇଁ କାର୍ଯ୍ୟ କରିଥିଲେ I ଏବେକାର ସାମ୍ବାଦିକ ଏବେ ସତ୍ୟ ପ୍ରତିଷ୍ଠା କରିବାରେ ବହୁ ସମସ୍ୟା ଥିଲେ ଵି ଏହି ପଥକୁ ଅନୁସରଣ କରିବେ ବୋଲି ବକ୍ତାଗଣ ଆଶା ପ୍ରକାଶ କରିଥିଲେ I ଜିଲ୍ଲାର କାର୍ଯ୍ୟକାରୀ ସଭାପତି ରବୀଦ୍ର ପ୍ରସାଦ ଦାନୀ ସାମ୍ବାଦିକ ମାନଙ୍କ ସମସ୍ୟା ସମ୍ପର୍କରେ ସୂଚନା ଦେଇ ସମ୍ବାଦ ସଂଗ୍ରହରେ ପ୍ରଶାସନ ର ସହଯୋଗ, ଦରମା ଓ ପେନସନ ପାଇଁ ସଂଗ୍ରାମ କରିବାକୁ ଆହ୍ୱାନ ଦେଇଥିଲେ I ସାଧାରଣ ସମ୍ପାଦକ ସରୋଜ ସାହୁ ସଂଘର କାର୍ଯ୍ୟକ୍ରମ ସମ୍ପର୍କରେ ସୂଚନା ଦେଇ ଥିଲେ I କୁଚିଣ୍ଡା ଶାଖା ପକ୍ଷରୁ ପ୍ରଦୀପ କୁମାର ମହାକୁଡ଼ ପ୍ରାରମ୍ଭିକ ସୂଚନା ଓ ସ୍ୱାଗତ ଭାଷଣ ପ୍ରଦାନ କରିଥିଲେ I ଏହି ଅବକାଶରେ ୩ ଜଣ ବରିଷ୍ଠ ସାମ୍ବାଦିକ ଯଥା  ବିରଞ୍ଚି

ନାରାୟଣ ଦର୍କା, ବୁଦ୍ଧଦେବ ମହାପାତ୍ର ଓ ସନ୍ତୋଷ ଶୁକ୍ଲାଙ୍କୁ ନାରଦ ସମ୍ମାନ-୨୦୨୨ ପ୍ରଦାନ ପୂର୍ବକ ଉପଢୌକନ, ପୁଷ୍ପଗୁଚ୍ଛ, ମାନପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା I ମାନପତ୍ର  ଗୁଡିକ ସାମ୍ବାଦିକ ରାଜା ଖାନ, ସରୋଜ ପଟ୍ଟନାୟକ ଓ ବିଜୁ ସାହୁ ପାଠ କରିଥିଲେ I ସମ୍ବର୍ଦ୍ଧିତ ପ୍ରତିଭା ଗଣ ମଧ୍ୟ ତାଙ୍କ ଅଭିମତ ପ୍ରଦାନ ସହ ସମ୍ମାନ ପ୍ରଦାନ କରିଥିବାରୁ କୃତଜ୍ଞତା ପ୍ରକାଶ କରିଥିଲେ I ଶେଷରେ ଡ଼ଃ ରାଜାରାମ ଷଡ଼ଙ୍ଗୀ ଧନ୍ୟବାଦ ଅର୍ପଣ କରିଥିଲେ I ଏହି ଅବସରରେ ଜିଲ୍ଲାର ବିଭିନ୍ନ ବ୍ଲକ ସାମ୍ବାଦିକ ମାନେ ଯୋଗଦାନ କରିଥିଲେ I