15-May-2022

ବରଗଡ଼ : ଗନ୍ଧମାର୍ଦ୍ଦନ ଆନ୍ଦୋଳନ ସ୍ମୁତିପୀଠ,ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ କେନ୍ଦ୍ରୀୟ କାର୍ଯ୍ୟାଳୟ ତଥା କପିଲ ମୁନି ଆଶ୍ରମ ଠାରେ ସ୍ବାମୀ ସୋମବେସ ମହାରାଜଙ୍କ ଆହ୍ବାନ କ୍ରମେ, ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦର ସଂରକ୍ଷକ ଧବଳେଶ୍ଵର ସାହୁଙ୍କ ନିର୍ଦ୍ଦେଶରେ ଏବଂ ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦର କେନ୍ଦ୍ରୀୟ ଆବାହକ ରବିନାରାୟଣ ସାହୁଙ୍କ ନେତୃତ୍ୱରେ ଶ୍ରୀ ଶ୍ରୀ ନୃସିଂହ ମହାପ୍ରଭୁଙ୍କ ଜନ୍ମୋସବ ଉପଲକ୍ଷେ ବିଶ୍ଵଶାନ୍ତି ମହାଯଜ୍ଞ ଆଜି ଠାରୁ ଆରମ୍ଭ ହୋଇଯାଇଛି।୧୪.୦୫.୨୦୨୨ ଠାରୁ  ୧୬.୦୫.୨୦୨୨ ପର୍ଯ୍ୟନ୍ତ ୩ଦିନ ଧରି ଏହି ମହାଯଜ୍ଞ

ଚାଲିବ।ସମସ୍ତ ଭକ୍ତ,ଜନ ସାଧାରଣଙ୍କ ପାଇଁ ଅନ୍ନଛତ୍ର ର ବ୍ୟବସ୍ଥା କରାଯାଇଛି।ଆଜି ମନେ ପକାଇଲୁ ସେହି ସଂଗ୍ରାମୀ,ସେହି ଆନ୍ଦୋଳନ କାରୀ ମାନଙ୍କୁ ଯେଉମାନେ ଜେଲଯାଇ ପୁଲିଶର ଲାଠିମାଡ଼ ଖାଇ ଆମ ଗନ୍ଧମାର୍ଦ୍ଦନକୁ ବାଲକୋ ଅସୁର ଠାରୁ ରକ୍ଷା କରିଥିଲେ।ସୁରକ୍ଷା ପରିଷଦର ସଦସ୍ୟ ରଘୁ ପ୍ରଧାନ,ଅନ୍ତ ଭୁଏ,ଯୋଗେଶ୍ୱର ମଲ୍ଲିକ,ଗିରିଶ ଡନସେନା,ସରୋଜ ମିର୍ଦ୍ଧା,ମୋହନ ଜଗତ,ନିର୍ମଳ ପଟେଲଙ୍କ ଉପସ୍ଥିତିରେ ଆଜିଠାରୁ ହୋମ ଆରମ୍ଭ ହୋଇଯାଇଛି।