20-Nov-2020

କଳାହାଣ୍ଡି / କୋକସରା (ତ୍ରିନାଥ ବେଶ୍ରା)- କଳାହାଣ୍ଡି ଜିଲ୍ଲା ଜୟପାଟଣା ବ୍ଳକ ବଡ଼ଟେମରି ଗ୍ରାମ ପଞ୍ଚାୟତ କାର୍ଯ୍ୟାଳୟ ଉଦଘାଟିତ ହୋଇଯାଇଛି।ଉଦଘାଟନୀ ଉତ୍ସବରେ ଜୟପାଟଣା ଗୋଷ୍ଠୀ ଉନ୍ନୟନ ଅଧିକାରୀ ଐଶଯ୍ୟା ସାମନ୍ତରାୟ, ବ୍ଳକ ଉପାଦକ୍ଷ କୃଷ୍ଣଚନ୍ଦ୍ର ରାଉତ, ବଡ଼ଟେମରି ସରପଞ୍ଚ କଳ୍ପନା ସିଂଂ,  ସମିତି ସଭ୍ୟ ଲଷ୍ମୀ ସିଂ, ନିର୍ବାହୀ ଯନ୍ତ୍ରୀ ସର୍ବେଶ୍ଵର ପ୍ରଧାନ, କନିଷ୍ଠ ଯନ୍ତ୍ରୀ ଏ.ପାତ୍ର୍, ସମାଜସେବୀ ସୁଧୀର କୁମାର ପଣ୍ଡା, ମାଣିକ୍ୟଜ୍ୟୋତି ପଣ୍ଡା, ହରପ୍ରସାଦ ସିଂ, ସୁରେଶ କୁମାର ବିହାରୀଙ୍କ ସମେତ  ଅନ୍ୟ ଗ୍ରାମବାସୀ ଯୋଗ ଦେଇଥିବା ବେଳେ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି,ସ୍ୱୟଂ ସହାୟକ ଗୋଷ୍ଠୀ ମହିଳା ଙ୍କ ସହ ଆବାଳ ବୃଦ୍ଧ ବନିତା ଉପସ୍ଥିତ ଥିଲେ।ବଡ଼ଟେମରୀ, ସାନଟେମରି ଓ ଖଲିଆଭଟା ଗ୍ରାମକୁ ନେଇ ନୂତନ ଭାବେ ଗଠିତ ଏହି ଗ୍ରାମପଞ୍ଚାୟତ ପୂର୍ବରୁ ରଣମାଲ ପଞ୍ଚାୟତ ର ଅନ୍ତର୍ଭୁକ୍ତ ଥିଲା  କିନ୍ତୁ ରଣମାଲ ଗ୍ରାମ   ପଞ୍ଚାୟତ ରୁ ବିଭାଜନ ପରେ ଏହା ଏକ ଅସ୍ଥାୟୀ ଗୃହରେ କାର୍ଯ୍ୟ ଚାଲିଥିଲା। ଏବେ ପାଖରେ ପଂଚାୟତ ଗୃହ  ନିର୍ମାଣ କରି କାର୍ଯ୍ୟାଳୟ ଉଦଘାଟନ ହୋଇଥିବାରୁ, ସ୍ଥାନୀୟ ଲୋକେ ବହୁ ଉତ୍ସାହିତ ଅଛନ୍ତି। ଏହିକାର୍ଯ୍ୟକ୍ରମକୁ କାର୍ଯ୍ୟନିର୍ବାହୀ        ଅଧିକାରୀ ଲିଙ୍ଗରାଜ ବାଗ ପରିଚାଳନା କରିଥିଲେ।