05-May-2022

ଖପ୍ରାଖୋଲ (ରୁପେନ୍ଦ୍ର ମୁଣ୍ଡା): ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଲକ ଧଣ୍ଡାମୁଣ୍ଡା ହାଇସ୍କୁଲ ଛକ ଠାରେ ନିର୍ମାଣାଧୀନ ଆମୋଦ ପାର୍କ ବୁଧବାର ଉଦଘାଟିତ ହୋଇଯାଉଛି । ଉଦଘାଟନୀ ଉତ୍ସବରେ ମୁଖ୍ୟଅତିଥି ରୂପେ ପାଟଣାଗଡ ବିଧାୟକ ସରୋଜ ମେହେର , ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷା ନିରୁପମା ପଟେଲ , ଖପ୍ରାଖୋଲ ବିଡ଼ିଓ ରଶ୍ମିରଞ୍ଜନ ରାଉତ , ବ୍ଲକ ଉପାଧ୍ୟକ୍ଷ ସୁଖିରାମ୍ ଷାଣ୍ଢ , ଜିଲ୍ଲା ପରିଷଦ ସଭ୍ୟ ପ୍ରମିଳା ପାଥର, ସରପଞ୍ଚ ବୈଦ୍ୟନାଥ ମିଶ୍ର , କନିଷ୍ଠ ଯନ୍ତ୍ରୀ ଦୀନବନ୍ଧୁ କୁମ୍ଭାର ଯୋଗଦେଇଥିଲେ । ଏହି ଅବସରରେ ଆମୋଦ ପାର୍କ ର ଉଦଘାଟନ କରିବା ସହ ପାର୍କ ବୁଲିଦେଖିଥିଲେ । ପାର୍କ ନିର୍ମାଣ।ଧିନ ଥିବାବେଳେ ଅନେକ କାମ ବାକି ଅଛି । ଏପରିକି ବିଜ୍ଞାନ ସମ୍ବନ୍ଧୀୟ ଉପକରଣ ମଧ୍ୟ ସ୍ଥାନ ପାଇବ ବୋଲି ବିଡ଼ିଓ ଶ୍ରୀ ରାଉତ ପ୍ରକାଶ କରିଛନ୍ତି । ଅନ୍ୟମାନଙ୍କ ମଧ୍ୟରେ ବିଧାୟକ ପ୍ରତିନିଧି ରମେଶ ପଧାନ , ପବିତ୍ର ପଟେଲ , ଇନ୍ଦ୍ରମଣି ସାହୁ , ରିଙ୍କୁ ମେହେର ଓ ସ୍ଥାନୀୟ ଜନ ସାଧାରଣ ଉପସ୍ଥିତ ଥିଲେ ।