05-May-2022

ବିନିକା(ହିମାଂଶୁ ଶେଖର ପୁଟେଲ) ଜଳ ହିଁ ଜୀବନ ବଞ୍ଚାଇବାର ମାଧ୍ୟମ ହୋଇଥିବାରୁ ମିଶନ ଶକ୍ତି ଚେତନା ମହିଳା ମହାସଂଘ ବିନିକା ତରଫରୁ ପର୍ଯ୍ୟଟନ ସ୍ଥଳୀ ପୁଣ୍ୟପିଠ ପାପକ୍ଷୟ ଠାରେ ଆରମ୍ଭ ହୋଇଛି ଜଳଛତ୍ର । ସଂଘର ସଭାନେତ୍ରୀ ନିଲେନ୍ଦ୍ରି ନାୟକ,ସମ୍ପାଦିକା ସନ୍ତୋଷିନି ଥନାପତି,ଉପ ସଭାନେତ୍ରୀ ସଂଯୁକ୍ତା ସେଠୀ ପ୍ରମୁଖଙ୍କ ନେତୃତ୍ଵରେ ମିଶନଶକ୍ତିର ମହିଳା ମାନେ ନିତି ପ୍ରତିଦିନ ଜଳଛତ୍ରରେ ଉପସ୍ଥିତ ରହି ଗ୍ରୀଷ୍ମ ପ୍ରକୋପରୁ ରକ୍ଷା ପାଇଁ ପୀଠକୁ ଆସୁଥିବା ପର୍ଯ୍ୟଟକ, ରାସ୍ତାରେ ଯିବା ଆସିବା କରୁଥିବା ପଥିକ,ସାଧାରଣ ଲୋକଙ୍କ ତୃଷ୍ଣା ମେଣ୍ଟାଇବା ନିମନ୍ତେ ବିଶୁଦ୍ଧ ପାନୀୟ ଜଳ ପିଇବାକୁ ଦେଉଥିବା ଦେଖାଯାଇଛି । ମହିଳା ସଂଘର ଏଭଲି ସେବା ଉଦ୍ୟମକୁ ବିଭିନ୍ନ ମହଲରେ ପ୍ରଶଂସା କରାଯାଇଛି । ଲୋକଙ୍କ ସେବା କରିବାର ସୁଯୋଗ ମିଳିଥିବାରୁ ଗ୍ରୀଷ୍ମ ମାସ ସାରା ଏହି କାର୍ଯ୍ୟ ଜାରି ରହିବ ବୋଲି ସଂଘର ସଭାନେତ୍ରୀ ନିଲେନ୍ଦ୍ରି ପ୍ରକାଶ କରିଛନ୍ତି ।