19-Nov-2020

ବଲାଙ୍ଗୀର, (ପ୍ରେରଣା ଖବର):ବଲାଙ୍ଗୀର ସହରରେ କିଛି ବର୍ଷ ଧରି ନିଶାକାରବାରରେ କଫସିରଫର ଚାହିଦା ରହିଥିବା ବେଳେ ଏବେ ବିଭିନ୍ନ ଉଚ୍ଚକ୍ଷମତା ନିଶା ବଟିକାର ସାହାରା ନେଉଛନ୍ତି ସହରୀ ଯୁବକ। ବିନା ଡାକ୍ତରୀ ପେସକ୍ରିପସନ ଓ କମ ଦାମରେ ମିଲୁଥିବା ଏହି ନିଶାବଟିକାର ନିଶା କ୍ଷମତା ବହୁତ ରହିଥିବା ବେଳେ ଏହାର ଚୋରା କାରବାର ସହରାଞ୍ଚଳ ରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। କଫସିରଫ କାରବାର କିଛିଟା ନିୟନ୍ତ୍ରଣ କରାଯାଇପରିଥିବା ବେଳେ   ଜିଲ୍ଲା ର କେନ୍ଦ୍ରବିନ୍ଦୁ ପାଲଟିଛି ସିନ୍ଧେକେଲା । କଳାହାଣ୍ଡି ଜିଲ୍ଲା କୁ ସଂଯୋଗ କରୁଥିବା ଏହି ସିନ୍ଧେକେଲା ଥାନା ଅଞ୍ଚଳରେ ଏବେ ଏସକଫ ନାମକ ନିଷକଫ ସିରଫ ୩୫୦ ରୁ ଚାରିସହ ଟଙ୍କା ରେ ବିକ୍ରି ଓ ଚାଲାଣ କରାଯାଉଥିବା ବେଳେ ନୂଆପଡା ଓ କଳାହାଣ୍ଡି କୁ ଏହି କଫସିରଫ ଚାଲାଣ କରାଯାଉଛି । ଏହି ସିନ୍ଧେକେଲା ର ଚାନ୍ଦୁତରା ଯିବା ରାସ୍ତାରେ ଥିବା ଏକ ହନୁମାନ ମନ୍ଦିର ନିକଟରେ ନିଜର ଗୋଦାମ କରି ଏହି ବେଆଇନ କାରବାର ରେ ବେଶ ଲାଭବାନ ହେଉଛନ୍ତି ବ୍ୟବସାୟୀ । ପୋଲିସ ପ୍ରଶାସନ ଓ ରାଜନୈତିକ ଛତ୍ରଛାୟା ତଳେ ରହି ବେଧଡକ ନିଜ କାରବାର ଚାଲୁ ରହିଛି । ବିଭିନ୍ନ ଅଞ୍ଚଳକୁ ଓ ଦୂରଦୂରାନ୍ତରୁ ବାଇକ ଓ ଚାରିଚକିଆ ଯାନ ରେ ଯୁବଗୋଷ୍ଠୀ, କଲେଜ ଛାତ୍ର ତଥା ସମ୍ରାନ୍ତ ଶ୍ରେଣୀ ର ଅଭ୍ୟସ୍ତ ବ୍ୟକ୍ତି ଆସି ଏହି ସିରପ କିଣି ଯାଉଥିବା ଲିଖିତ ଅଭିଯୋଗ ରାଜ୍ୟ ଗୃହ ବିଭାଗ ନିକଟରେ ସାଧାରଣ ସେବା ସଂସ୍ଥା ତରଫରୁ କରାଯାଇଛି ।  ବଲାଙ୍ଗୀର କୁ କଟକ ରୁ ଏହି ସିରଫ ଆସୁଥିବା ବେଳେ ଏବେ ଏହି ସିନ୍ଧେକେଲା କୁ ଆସୁଛି ଏହି ନିସା କଫସିରଫ  । ଅପରେସନ କ୍ଲିନ କ୍ରିମିନାଲ ଜିଲ୍ଲା ପୋଲିସ ପ୍ରଶାସନ ତରଫରୁ ଆରମ୍ଭ କରାଯିବା ପରେ ଏବେ ଏହି ଅଞ୍ଚଳ କୁ କେନ୍ଦ୍ରବିନ୍ଦୁ କରାଯାଇଛି । ଏଥିରେ ନୂଆପଡା ଜିଲ୍ଲା ଓ କଳାହାଣ୍ଡି ଜିଲ୍ଲା କୁ ଏଠୁ ଚାଲାଣ କରିବା ଅଧିକ ସୁବିଧା ହୋଇଛି ।   ପୂର୍ବଭଳି ଖୋଲାଖୋଲି ବିକ୍ରୟ ଉପରେ ରୋକ ଲାଗିଥିବା ବେଳେ ଏହି ଟ୍ରେଣ୍ଡ ମଧ୍ୟ ବଦଳିବାକୁ ଦେଖାଯାଉଛି। କଫସିରଫ ମିଳୁ ନ ଥିବା ସ୍ଥାନରେ ନିଶା ବଟିକା ର ବ୍ୟବହାର କରାଯାଉଛି । ଯେଉଁ ଔଷଧ ରୋଗୀଙ୍କ ପାଇଁ ବ୍ୟବହାର କରାଯାଉଥିଲା ତାହା ନିଶାଖୋର ବ୍ୟକ୍ତିମାନେ କେବଳ ନିଶା ପାଇଁ ବ୍ୟବହାର କରୁଛନ୍ତି ।

ସୂଚନାଯୋଗ୍ୟ ଯେ ବଲାଙ୍ଗୀର ସହର ମଧ୍ୟରେ ଥିବା ହାତୀଶାଳ ପଡାରୁ କଫସିରଫ ଭଳି ନିଶା ବଟିକା କାରବାର କରୁଥିବା ଜଣେ ଯୁବକକୁ ପୋଲିସ ଗିରଫ କରିଛି। ହାତୀଶାଳପଡା ଜୋରଖଣ୍ଡିରେ ରହୁଥିବା ବସନ୍ତ ସାହୁ ବେଆଇନ ଭାବେ ନିଶା ବଟିକା ବିକୁଥିବା ଅଭିଯୋଗରେ ଗିରଫ କରିଛି। ପେଟ୍ରୋଲିଂ ସମୟରେ ବସନ୍ତ ଆଲପ୍ରାଜୋଲାମ ମିଶ୍ରିତ ଆଲଜୋଲମ – ୦.୫ ବଟିକା ବିକୁଥିବା ବେଳେ ପୋଲିସ ସନ୍ଦେହରେ ପଚରା ଉଚୁରା ଆରମ୍ଭ କରିଥିଲା। ନିଶା ପାଇଁ ଯୁବକ ମାନଙ୍କୁ ବସନ୍ତ ବିକ୍ରୀ କରୁଥିବା ବେଳେ ତାକୁ ପୋଲିସ ଗୁରୁବାର ଏନଡିପିଏସ ଆଇନରେ ଗିରଫ କରି କୋର୍ଟଚାଲାଣ କରିଥିବା ସୂଚନା ଦେଇଛନ୍ତି ଏସଡିପିଓ ଶ୍ରୀମନ୍ତ ବାରିକ। ସେହିପରି ପ୍ରୋକ୍ସିବନ ତଥା ଟ୍ରାଇକା-୪୦ ପରି ବିଭିନ୍ନ ଔଷଧ ବିକ୍ରି ହେବାରେ ଲାଗିଛି।
ଏପରିକି ପୂର୍ବରୁ ମଧ୍ୟ ବସନ୍ତ ଗର୍ଭବତୀ ମହିଳା ମାନଙ୍କୁ ଓ ବ୍ଲଡ଼ ପ୍ରେସର,ହାର୍ଟ ରେ ଆକ୍ରାନ୍ତ ଙ୍କୁ ଦିଆଯାଉଥିବା  ଔଷଧ ନିଶା ଭାବେ ବ୍ୟବହାର କରିବା ପାଇଁ ବିକ୍ରୀ କରାଯାଉଛି । ବଲାଙ୍ଗୀର ଥାନା ଅଧିକାରୀ ଙ୍କ ସୂଚନା ଅନୁଯାୟୀ ବସନ୍ତ ଠାରୁ ପୋଲିସ ୨୦ଷ୍ଟ୍ରିପ ଆଲପ୍ରାଜୋଲାମ ରହିତ ଆଲଜୋଲାମ ଔଷଧ ଜବତ କରିଛି । ଜିଲ୍ଲାର ଏହି ସିନ୍ଧେକେଲା କୁ କେନ୍ଦ୍ରବିନ୍ଦୁ କରିଥିବା ଏହି ଅସାଧୁ ବ୍ୟବସାୟୀ ଓ କଟକ ରୁ ପଠାଯାଉଥିବା ଏହି ସିରଫ ର ପ୍ରକୃତ ଚେର କେଉଁଠି ସେ ନେଇ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା କୁ ବିଭିନ୍ନ ମହଲରେ ଦାବୀ ହେଉଛି।