07-Apr-2022

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା,ପାଇକମାଲ ସ୍ଥିତ  ନୂତନ ଭାବେ ନିର୍ମିତ ହୋଇଥିବା ଶ୍ରୀସତ୍ୟସାଇ ମନ୍ଦିର ପ୍ରତିଷ୍ଠା ପାଇଁ  ବୁଧବାର ୧୧ କୁଣ୍ତିୟ ବିଶ୍ବଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି । ମୂଖ୍ୟକର୍ତ୍ତା ଭାବେ ଗୋବର୍ଦ୍ଧନ ଅଗ୍ରୱାଲ  ଓ  ତାଙ୍କ ସହଧର୍ମଣୀ  ତାରାମଣୀ ଦେବୀ ଦାୟୀତ୍ବ ତୁଲାଇଥିଲେ । ପଣ୍ତିତ ସୁନିଲ ପାଣିଗ୍ରାହୀ ଏବଂ ସହଯୋଗୀ ବ୍ୟାସଦେବ ପାତ୍ର ଙ୍କ ଦ୍ବାରା  ୧୧ କୁଣ୍ତିୟ ବିଶ୍ବଶାନ୍ତି ମହାଯଜ୍ଞ ପୂଜା ଦାୟୀତ୍ବ ତୁଲାଇଥିଲେ । ଏଥିରେ ୪୪ ଯୋଡି ଆହୁତି ପ୍ରଦାନ କରାଯାଇଥିଲା । ମନ୍ଦିର ପରିସର ରେ ହନୁମାନ ମୂର୍ତ୍ତି ଓ ଗଣେଷ ମୂର୍ତ୍ତି ସ୍ଥାପନ କରାଯାଇଥିଲା । ଏଥିରେ କର୍ତ୍ତା ଭାବେ ସୁମିତ ଅଗ୍ରୱାଲ ତାଙ୍କ ଧର୍ମପତ୍ନୀ ନନ୍ଦକିଶୋର ଶ୍ରୀବାସ୍ତବଏବଂ  ତାଙ୍କ ଧର୍ମପତ୍ନୀ ଦାୟିତ୍ବ ତୁଲାଇଥିବାବେଳେ ପଣ୍ତିତ ମିତ୍ରଭାନୁ ଦେବତା ପୂଜା କାର୍ଯ୍ୟ ତୁଲାଇଥିଲେ ।  ଏହି ଅବସର ରେ ପରିସର ରେ ଅନ୍ନଛତ୍ର ବ୍ୟବସ୍ଥା କରାଯାଇ  ଆଖ ପାଖ ଅଞ୍ଚଳ  ବହୁ ଜନସାଧାରଣ ଯୋଗ ଦେଇ ପ୍ରସାଦ ସେବନ କରିଥିଲେ । ୭ ତାରିଖ ଶ୍ରୀସତ୍ୟସାଇ ମନ୍ଦିର ସତ୍ୟସାଇ ସେବା ସଂଗଠନ ଓଡିଶା ରାଜ୍ୟ ପୂର୍ବତନ ସଭାପତି ହରେକୃଷ୍ଣ ଦାସ, ପଦ୍ମପୁର ପୂର୍ବତନ ବିଧାୟକ ସତ୍ୟଭୁଷଣ ସାହୁ ଓ ପଦ୍ମପୁର ପୂର୍ବତନ ବିଧାୟକ ପ୍ରଦିପ ପୁରୋହିତ  ଙ୍କ ଦ୍ବାରା ଉଦଘାଟନ କରିଯିବାର କାର୍ଯ୍ୟକ୍ରମ ରହିଛି  । ପାଇକମାଲ ସତ୍ୟ ସାଇ ଭଜନ ମଣ୍ତଳର ଆବାହକ ଲକ୍ଷ୍ମଣ ସାହୁ, ନନ୍ଦ ଶ୍ରୀବାସ୍ତବ, ସତ୍ୟ ବେହେରା, ସରୋଜ ସାମଲ, ଅରୁଣା ଚାନ୍ଦ ସାହୁ, ଡା. ଲମ୍ବୋଦର ପଣ୍ତା ପ୍ରମୁଖ  ବିଭିନ୍ନ କାର୍ଯ୍ୟ ସହଯୋଗ କରିଥିଲେ  ଶ୍ରୀସତ୍ୟସାଇ କମିଟିର ବହୁ କର୍ମକତ୍ତା ଓ ଅଞ୍ଚଳବାସୀ ଯୋଗଦାନ ଦେଖିବାକୁ ମିଳିଥିଲା