05-Apr-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଆଜି ଜାତୀୟ ପୁନିତ ସାଗର ଅଭିଯାନ ଉପଲକ୍ଷେ  ସୁବର୍ଣ୍ଣପୁର ଜିଲ୍ଲାର  ତ୍ରିବେଣୀ ସଙ୍ଗମ ରେ ଥିବା ବହୁ ପୁରାତନ ଶୈବ ପୀଠ ଶ୍ରୀ ରାମେଶ୍ବର ମନ୍ଦିର  ପ୍ରାଙ୍ଗଣ, ଗାଧୁଆ ଘାଟ ତଥା ପର୍ଯ୍ୟଟନ କୁ ଆକର୍ଷିତ କରୁଥିବା ବେଢ଼ା, ଶ୍ମଶାନ ରାସ୍ତା ପ୍ରମୁଖ ସଫା କରାଯାଇଛି । ଏହି ଜଳ ଉତ୍ସ ତଥା ସମଗ୍ର ପରିବେଶ ର ସୁରକ୍ଷା ପୁନିତ ସାଗର ଅଭିଯାନ ରେ  ରାମେଶ୍ୱର ନଦୀକୂଳ ଠାରେ ଏକଜୁଟ ହେଲେ ଶତାଧିକ ଛାତ୍ର ଛାତ୍ରୀ l ସୋନପୁର କଲେଜ ଏନ ସି ସି  କେଡେଡ଼ ଙ୍କ ସମେତ ମହାରାଜା ହାଇସ୍କୁଲ ର  କିଛି  କେଡେଟ ଓ ସ୍ୱଚ୍ଛ  ଭାରତ ର କିଛି ସ୍ବେଛାସେବୀ ଏଥିରେ ସାମିଲ ଥିଲେ l ଏ ଅଭିଯାନ କୁ ସୁବର୍ଣ୍ଣପୁର ଜିଲ୍ଲାର ଅତିରିକ୍ତ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାଶ  ଶୁଭାରମ୍ଭ କରି ସ୍ୱଛତା ଯେଉଁଠି ଭଗବାନ ସେଇଠି ବାସ କରନ୍ତି ବୋଲି ମତ ରଖି ପରିବେଶ କୁ ଉପଭୋଗ କରିବା ଠାରୁ ଅଧିକ ଉପଯୋଗ କରିବା ଜରୁରୀ ବୋଲି କହିଥିଲେ l ବାୟୁ,ଅଗ୍ନି,ଆକାଶ ପରି ସମଗ୍ର ପଞ୍ଚଭୁତ କୁ ଶୁଦ୍ଧ ରଖିବା ଓ ଏକ ସୁସ୍ଥ ସମାଜ ପାଇଁ  ଗାଁ ଗାଁ ରେ ଏ ସଚେତନତା ବାର୍ତ୍ତା ପହଞ୍ଚାଇବାକୁ ହେବ l କିନ୍ତୁ ଏଥିପାଇଁ ପ୍ରଶାସନ, ସ୍ବେଛାସେବୀ ଅନୁଷ୍ଠାନ ଓ ଜନ ସାଧାରଣ ଙ୍କଦୃଢ଼ ଇଚ୍ଛା ଶକ୍ତି  ଓ ମିଳିତ ପ୍ରୟାସ ଜରୁରୀ ବୋଲି ଶ୍ରୀ ଦାଶ କହିଥିଲେ l ସାରା ଦେଶରେ ଦିନକୁ ଦିନ ଜଳ ପ୍ରଦୂଷଣ  ଓ ପ୍ଲାଷ୍ଟିକ ର  ବ୍ୟବହାର ବଢୁ ଥିବାରୁ ଏହାକୁ ନିୟନ୍ତ୍ରଣ ଏବଂ ଦେଶ ରେ ବ୍ୟାପକ ଜନ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ଏନ ସି ସି ଗୃହ ବିଭାଗ ଡାଇରେକ୍ଟର ଜେନେରାଲ ଙ୍କ ନିର୍ଦ୍ଧେଶ ରେ ଏ ମହତ୍ କାର୍ଯ୍ୟ ଆଜି ସାରା ଦେଶ ର ନଦୀ ଓ ସମୁଦ୍ର କୁଳ  ମାନଙ୍କ ରେ ଚାଲିଛି ବୋଲି  କମାଣ୍ଡିଂ ଅଫିସର ରଂଜନ ଚକ୍ରବର୍ତ୍ତୀ କହିଛନ୍ତି । ସମ୍ମାନିତ ଅତିଥି ଭାବେ ପ୍ରାକ୍ତନ ପୌର ଅଧ୍ୟକ୍ଷ ପ୍ରକାଶ ସାହୁ, ଡାକ୍ତର ଆବାସ ବାବୁ, ପୋଲିସ ଆର ଆଇ ପ୍ରଦ୍ୟୁମ୍ନ କୁମାର ପଟେଲ ଯୋଗ ଦେଇ ଛାତ୍ର ଛାତ୍ରୀ, ସ୍ବେଛାସେବୀ ଙ୍କୁ ଉତ୍ସାହିତ କରିଥିଲେ l ଏନସିସି  ଲେଫ୍ଟନେଣ୍ଟ ଆଶିଷ ଅଗ୍ରୱାଲ ଏ ସଭା କୁ ସଂଯୋଜନା କରି ଅତିଥି ଙ୍କୁ ସମ୍ବର୍ଦ୍ଧିତ କରି ଥିବା ବେଳେ ସ୍ୱଚ୍ଛ ଭାରତ  କୋଡିନେଟର ମନୋରଞ୍ଜନ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ l  ରକ୍ତ ଦାତା ସଂଘ ର ଉଦ୍ୟୋକ୍ତl ମନୋଜ ପଣ୍ଡା,  ମହାରାଜl ହାଇସ୍କୁଲ ଏନ ସି ସି ଶିକ୍ଷକ ଆଶିଷ ରଥ, ସ୍ୱଚ୍ଛ ଭାରତ ବରିଷ୍ଠ ସଭ୍ୟ ଗରିବ ଲୋଇ, ପ୍ରମୋଦ ସାହୁ, ଓ ନାରାୟଣ ରଥ କାର୍ଯ୍ୟକ୍ରମ ରେ ସହଯୋଗ କରିଥିଲେ l