24-Mar-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ):  ସୁବର୍ଣ୍ଣପୁର ଜିଲ୍ଲାର ୩ଟି ପୌରାଂଚଳରେ ଆଜି ସକାଳ ୮ଟାରୁ ଭୋଟ ଗ୍ରହଣ ଆରମ୍ଭ ହୋଇଥିବାବେଳେ ଏବର୍ଷ ସୁବର୍ଣ୍ଣପୁର ସଦର ପୌର ପରିଷଦ ରେ  ୬୯ % ମତଦାନ ହୋଇଥିବା ବେଳେ ଗତ ନିର୍ବାଚନ ଠାରୁ ଏଥର  ୧୮% ଭୋଟ ହାର କମିଛି  l ସୁବର୍ଣ୍ଣପୁର ପୌର ପରିଷଦର ୨୧ଟି ବୁଥ୍,ତରଭା ଏନଏସିର ୧୨ଟି ବୁଥ୍ ଓ ବିନିକା ଏନଏସିର ୧୫ଟି ବୁଥ୍ ରେ ଉଭୟ କାଉନସିଲର୍ ଓ ଚେୟାରମେନ୍ ପ୍ରାର୍ଥୀଙ୍କ ପାଇଁ ଦୁଇଟି ଲେଖାଏଁ ଇଭିଏମ୍ ମେସିନ୍ ରେ ଭୋଟର୍ ମାନେ ନିଜ ନିଜର ମତ ସାବ୍ୟସ୍ତ କରିଛନ୍ତି । ଆଜି ଚାଲିଥିବା ପୌର ନିର୍ବାଚନରେ ସୁବର୍ଣ୍ଣପୁର

ପୌର ପରିଷଦରେ ୧୬ ହଜାର ୭୮୫ଜଣ ଭୋଟର୍,ତରଭା ଏନଏସିରେ ୬ହଜାର ୫୫୫ଜଣ ଭୋଟର୍ ଏବଂ ବିନିକା ଏନଏସିରେ ୧୨ହଜାର ୫୧୭ଜଣ ଭୋଟର୍ ନିଜ ନିଜର ମତଦାନ ସାବ୍ୟସ୍ତ କରିଛନ୍ତି । ୬ ନମ୍ବର ବୁଥରେ  ନିର୍ବାଚନ ପୂର୍ଵ ଦିନ ରାତିରେ  ଟଙ୍କା  କାରବାରକୁ ନେଇ ଓ ଆଜି ଭୋଟ ଗ୍ରହଣ ଚାଲିଥିବା ବେଳେ ବିଜେପି ବିଜେଡି ଦଳର କର୍ମୀଙ୍କ ଭିତରେ କିଛି ସମୟ ଉତ୍ତେଜନା ସୃଷ୍ଟି  ହୋଇଥିବା ବେଳେ ଆଜି ନିର୍ବାଚନକୁ ଶାନ୍ତି ଶୃଙ୍ଖଳା ସହ ପରିଚାଳନା ପାଇଁ ଜିଲ୍ଲା ପ୍ରଶାସନ ଏବଂ ପୋଲିସ ପ୍ରଶାସନ ତରଫରୁ ସ୍ବତନ୍ତ୍ର ପୋଲିସ ସ୍କୱାର୍ଡ ଓ ପର୍ଯ୍ୟବେକ୍ଷକ ନିୟୁକ୍ତ କରାଯାଇଥିଲା l ୮ ନମ୍ବର ୱାର୍ଡରେ ପ୍ରଶାସନିକ ଅବହେଳା ଯୋଗୁଁ  ୨୦ ମିନିଟ ବିଳମ୍ବ ରେ ମତଦାନ ଆରମ୍ଭ ହୋଇଥିଵା ବେଳେ ସହରର

ଅନେକ ବୁଥ  ମାନଙ୍କ ଆଗରେ ଶଙ୍ଖ ଚି଼ହ୍ନ ର  ଚିରକୁଟ ତଳେ ପଡ଼ିଥିବା ଅଭିଯୋଗ ମିଳିଥିଲା l ୧ ଓ ୨ ନମ୍ବର  ୱାର୍ଡ ରେ ଶହ ଶହ ଭୋଟରଙ୍କ  ଲିଷ୍ଟ ରେ  ବାପା ମାଆଙ୍କ ଗୋଟିଏ ୱାର୍ଡ ରେ ନାଁ ଥିବା ବେଳେ ପୁଅ ଝିଅଙ୍କ ନାଁ ଅନ୍ୟ ୱାର୍ଡ ରେ ଏଥର ନାଁ ଥିବା ବେଳେ ଭୋଟର  ଖରା ତରା ରେ ଅନେକ ହଇରାଣ ହରକତ ହୋଇଛନ୍ତି l ଏଭଳି ଘଟଣା ସମେତ ଏଥର ପ୍ରାର୍ଥୀ ମାନେ ନିର୍ବାଚନ ପ୍ରଚାର ପାଇଁ ଖୁବ କମ ସମୟ ଯୋଗୁଁ   ଶିକ୍ଷିତ ଭୋଟର ଲୋକଙ୍କୁ ଟଚ କରି ନ ଥିବା କାରଣରୁ ମତ ଦାନ ହାର କମି ଯାଇଥିବା ଜଣା ପଡିଛି l