03-Mar-2022

ବଲାଙ୍ଗିର, ବଲାଙ୍ଗିର ଦୈନିକ ବଜାର ପଛପଟ ବାଲାଜୀ ଏଜେନ୍ସି ରେ ଆଜି ସେଲ୍ ଟ୍ୟାକ୍ସ ଏବଂ ଜି ଏସ୍ ଟି ବିଭାଗ ପକ୍ଷରୁ ଚଢ଼ାଉ କରାଯାଇଛି l ବାଲାଜୀ ଏଜେନ୍ସି ବଲାଙ୍ଗିର ସମେତ ପଡୋଶୀ ଜିଲ୍ଲା ଗୁଡିକରେ ପାନ ମସଲା ଓ ଚକୋଲେଟ୍ ଆଦି ସମାଗ୍ରୀ ବିତରଣ କରିଥାଏ l ତେବେ ଏହି ଏଜେନ୍ସିର ବ୍ୟାବସାୟିକ କାଗଜପତ୍ର ଓ ସରକାରଙ୍କ ଜି ଏସ୍ ଟି ଅପଡେଟ କରିବାରେ ହେରଫେର ହୋଇଥିବା ନେଇ ସନ୍ଦେହ ପ୍ରକାଶ ପାଇବା ପରେ ଆଜି ଦିନତମାମ ଏହି ଚଢାଉ କରାଯାଇଛି l ବଲାଙ୍ଗିର ଓ ନୂଆଁପଡ଼ା ଜିଲ୍ଲା ଜି ଏସ୍ ଟି ବିଭାଗ ପକ୍ଷରୁ ମିଳିତ ଭାବରେ ଏହି ଚଢାଉ କରାଯାଇଛି l ଆଜି ସକାଳ ୧୧ ଟା

ସମୟରୁ ଏହି ଚଢାଉ ଆରମ୍ଭ ହୋଇ ବର୍ତ୍ତମାନ ପର୍ଯ୍ୟନ୍ତ ବାଲାଜୀ ଏଜେନ୍ସି ର ଜି ଏସ୍ ଟି ସମ୍ପର୍କିତ ସମସ୍ତ କାଗଜପତ୍ର ଯାଞ୍ଚ କରାଯାଉଛି l ବାଲାଜୀ ଏଜେନ୍ସି ରେ ରେଡ୍ ସମୟରେ ନିର୍ଦିଷ୍ଟ ଭାବରେ କଣ କଣ ଅନିୟମିତତା ଓ ହେରଫେରର ହୋଇଛି, ତାହା ଆଉ କିଛି ସମୟ ପରେ ଜଣା ପଡିବ ବୋଲି ଜି ଏସ୍ ଟି ଟିମ୍ ପକ୍ଷରୁ ସ୍ପଷ୍ଟ କରାଯାଇଛି l ଏହି ଚଢାଉ ଟିମ୍ ରେ ଜି ଏସ୍ ଟି ଡେପୁଟି କମିଶନର(ବଲାଙ୍ଗିର) ଫକୀର ମୋହନ ସତପଥୀ, ନୂଆପଡ଼ା ଡେପୁଟି କମିଶନର ପ୍ରିୟବ୍ରତ ଗାଡତ୍ୟା, ଶୋଭନ କୁମାର ଦାସ ପ୍ରମୁଖ ସାମିଲ ହୋଇଥିଲେ l
ସୂଚନାଯୋଗ୍ୟ, ଆଜି ରାଜ୍ୟର ୩୦ଟି ଜିଲ୍ଲାରେ ଏକକାଳୀନ ଭବରେ ବିଭିନ୍ନ ସ୍ଥାନରେ ଜି ଏସ୍ ଟି  ଚଢ଼ାଉ କରାଯଇ ଥିବା ସୂଚନା ମିଳିଛି