03-Mar-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ):  ଗତକାଲି ବଲାଙ୍ଗୀର ଆଇନ ମହାବିଦ୍ୟାଳୟ ଠାରେ ସ୍ଥାନୀୟ ମାହେଶ୍ବରୀ ସେବା ସଂଗଠନର ପଞ୍ଚମ ବାର୍ଷିକ ଉତ୍ସଵରେ ଆୟୋଜକ ଓ ଅତିଥି ମାନଙ୍କ ଦ୍ୱାରା ପ୍ରଶଂସିତ ହେଲେ ସୋନପୁର -ମନମୁଣ୍ଡାର ସ୍ୱଚ୍ଛ ଭାରତ ସ୍ବେଛାସେବୀ ସଂଗଠନ l ସମାନ ବିଚାର, ସମାନ ଭାବନା ନେଇ  ଦୀନ ଦାରିଦ୍ର  ଲୋକଙ୍କ ଅସମୟରେ ନିସ୍ଵାର୍ଥପର ଭାବେ ସେବା ଯୋଗାଇ ଅସୁଥୁବା ଉଭୟ ସହରର ଉଭୟ ଅନୁଷ୍ଠାନର ପ୍ରତି ଟି ସୁଖ ଦୁଃଖ ଓ ଉତ୍ସଵ ମାନଙ୍କରେ ଦୀର୍ଘ ବର୍ଷରୁ ସହଯୋଗର ହାତ ବଢ଼ାଇ ଆସୁଥିବା ଦେଖିବାକୁ ମିଳିଛି l ମାହେଶ୍ୱରୀ ସଂଗଠନର ପ୍ରତିଷ୍ଠାତା  ତଥା ସ୍ୱଚ୍ଛ ଭାରତର ଉପଦେଷ୍ଟା ସ୍ବର୍ଗୀୟ ଲଳିତ କୁମାର ନାୟକଙ୍କ ଅବର୍ତ୍ତମାନରେ ମଧ୍ୟ ଉଭୟେ ଉଭୟଙ୍କୁ  ଦୁରେଇ ଯାଇନି ବରଂ ସୁଖ ଦୁଃଖର ସମ୍ପର୍କର ସେତୁକୁ ଆହୁରି ସୁଦୃଢ କରିଛନ୍ତି ଯାହାକି ଏହାର ବିଶେଷତ୍ୱ ଅଟେ l ଉଭୟ ଜ଼ିଲ୍ଲାର ସ୍ୱଛତା, ରକ୍ତଦାନ, ପରିବେଶ ସୁରକ୍ଷା ଓ ଅସହାୟକୁ 

ସହାୟତା ଭଳି ଏଇ ଅନବରତ ସେବା ହିଁ  ଜନନାୟକ ସ୍ବର୍ଗୀୟ ଲଳିତ ନାୟକଙ୍କ ଅମର ଆତ୍ମା ପ୍ରତି ପ୍ରକୃତ ଶ୍ରଦ୍ଧା ଓ ସମ୍ମାନ ହେବ ବୋଲି ମାହେଶ୍ୱରୀ ଅନୁଷ୍ଠାନର ସଂଯୋଜକ ଅଙ୍କୁଶ ପାଣ୍ଡିଆ ଓ ସ୍ୱଚ୍ଛ ଭାରତ ର ସଂଯୋଜକ ମନୋରଞ୍ଜନ ତ୍ରିପାଠୀ ମତ ରଖିଛନ୍ତି l  ସମାଜ ପ୍ରତି  ଯଦି ଆମର  କିଛି ବି  ସେବା  କିମ୍ବା  ଅବଦାନ ନାହିଁ  ତାହେଲେ  ଆମେ ବି ସମାଜ ଠାରୁ କିଛି ପାଇବା  ଆଶା କରିବା ଅନୁଚିତ ବୋଲି 

କହିଥିଲେ l ଉତ୍ସଵ ର ଅତିଥି ପ୍ରାକ୍ତନ ଏମପି କଳିକେଶ ସିଂଦେଓ, ବିକାଶ ଗ୍ରୁପ ଅଫ ଇନ୍ଷ୍ଟି ଚ୍ୟୁଟ ର ଏମ ଡି  ଡି-ମୁରଲିକୃଷ୍ଣl, କଂଗ୍ରେସ ଯୁବ ନେତା ସମରେନ୍ଦ୍ର ମିଶ୍ର ଗତ କାଲି ମାହେଶ୍ୱରୀ ବଲାଙ୍ଗୀର ଓ ସ୍ୱଚ୍ଛ ଭାରତ ସଂଗଠନ ସୋନପୁର ର  ଏଇ ମହନୀୟତା କାର୍ଯ୍ୟ ସବୁକୁ  ପ୍ରଶଂସା କରି ବିଭିନ୍ନ ଜ଼ିଲ୍ଲା ର ସ୍ବେଛାସେବୀ ମାନଙ୍କୁ ସମ୍ବର୍ଦ୍ଧିତ କରିବା ସହିତ ଏହାକୁ ଆହୁରି ବ୍ୟାପକ କରିବାକୁ ପ୍ରେରଣା ଦେଇଛନ୍ତି l