27-Feb-2022

ବଲାଙ୍ଗୀର (ସନ୍ତୋଷ କୁମାର ଠାକୁର) : ଚଲିତ ବର୍ଷ ପୌରପାଳିକା ନିର୍ବାଚନର ତାରିଖ ଘୋଷଣା ହୋଇସାରିଛି। ଏନେଇ ବଲାଙ୍ଗୀର ପୌରପାଳିକା ଅନ୍ତର୍ଗତ ଇଛାପଡା ବାସିନ୍ଦା ଭୋଟ ବର୍ଜନ କରିବାର ନିଷ୍ପତ୍ତି ନେଇଛନ୍ତି।

ସୂଚନା ଅନୁଯାୟୀ ବଲାଙ୍ଗୀର ପୌରପାଳିକା ଓ୍ବାର୍ଡ ନଂ୨୦ ଇଛାପଡାର ବାସିନ୍ଦା ଦିର୍ଘ ୫୦ବର୍ଷରୁ ଉର୍ଦ୍ଧ ହେଲା ଇଛାପଡାରେ ରହିଆସୁଥିଲେ ମଧ୍ୟ ଏ ପର୍ଯ୍ଯନ୍ତ ପଟ୍ଟା ପାଇ ନାହାଁନ୍ତି। ୧୯୭୮ସେଟେଲମେଣ୍ଟ ରେ ପ୍ଲଟ ଅନୂଯାୟୀ ଘରବାରୀ କିସମରେ ନାମ ଗୁଡିକ ରେକଡ ହୋଇଅଛି । ପଡା ବାସିନ୍ଦା ବିଭିନ୍ନ ସମୟରେ ଅଧିକାରୀଙ୍କୁ ଆପତ୍ତି ଅଭିଯୋଗ କରିଥିଲେ ମଧ୍ୟ ପଟ୍ଟା ମିଲି ପାରି ନାହିଁ। ଏବଂ ପରିଶେଷରେ ଜାଗା ମିସନ ରେ ଅନ୍ତର୍ଭୁକ୍ତ କରି ପୁଣି ଦେଇଥିବା ପ୍ରମାଣ ପତ୍ର କୁ ଜିଲ୍ଲା ପ୍ରଶାସନ ପକ୍ଷରୁ ଖାରଜ କରାଯାଇଛି । ଫଲରେ ପଡାବାସୀ ଙ୍କ ମଧ୍ୟମରେ ଅସନ୍ତୋଷ ପ୍ରକାଶ ପାଇଥିଲା । ଏନେଇ ଇଛାପଡାରେ ଏକ ବୌଠକ ଅନୁଷ୍ଠିତ ହୋଇଥିଲା। ବୌଠକ ନିଷ୍ପତ୍ତି ଅନୁଯାୟୀ ପଟ୍ଟା ନମିଲିବା ପର୍ଯ୍ୟନ୍ତ ପୌରପାଳିକା ଭୋଟ୍ ବର୍ଜନ କରିବାପାଇଁ ଜିଲ୍ଲା ପ୍ରଶାସନ କୁ ଚେତାବନୀ ଦିଆଯାଇଛି । ଯଦି ଜିଲ୍ଲା ପ୍ରଶାସନ ଉକ୍ତ ସମସ୍ୟା ସମାଧାନ ନ କରନ୍ତି ଆଗାମୀ ଦିନରେ ଜନ ଆନ୍ଦୋଳନ ର ରୂପ ନେବ ବୋଲି କୁହାଯାଇଛି। ଆଗକୁ ଦେଖିବାକୁ ରହିଲା ଜିଲ୍ଲା ପ୍ରଶାସନ କି ପଦକ୍ଷେପ ନେଉଛି ।