18-Feb-2022

କଟକ(ଲିଙ୍ଗରାଜ ପୃଷ୍ଟି) :ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ସାରା ଭାରତରେ ଅମୃତ ମହୋତ୍ସବ ପାଳନ କରାଯାଉଥିବା ବେଳେ ଦେଶର ୫ଟି ସଂସ୍ଥାନ ଯଥା ନ୍ୟାସନାଲ ଯୋଗ ଫେଡେରେସନ, ପତଳି ଯୋଗ ପୀଠ,ଗୀତା ପରିବାର, କ୍ରୀଡା ଭାରତୀ, ହାର୍ଟଫୁଲନେସ ପ୍ରଚେଷ୍ଟାରେ ୭୫ କୋଟି ସୂର୍ଯ୍ୟ ନମସ୍କାର ପ୍ରଦର୍ଶନ ପାଇଁ ପ୍ରୟାସ ଚାଲିଛି। କଟକ ଜିଲ୍ଲା କ୍ରୀଡ଼ା

ଭାରତୀ ପକ୍ଷରୁ ଆଜି ପ୍ରାତଃରେ ତୃତୀୟ ତଥା ଶେଷ ପର୍ଯ୍ୟାୟରେ ସ୍ଥାନୀୟ ଭକ୍ତମଧୁ ବିଦ୍ୟାପୀଠ ଖେଳପଡିଆ ଏ ଭଳି ଏକ ସୂର୍ଯ୍ୟ ନମସ୍କାରର ଆୟୋଜନ କରାଯାଇଥିଲା। ଏଥିରେ ୬୨ଜଣ ବାଳିକା ଏବଂ ୩୦ଜଣ ବାଳକ ମୋଟ ୯୨ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିବା ସହ ୧୦୯୬ ସୂର୍ଯ୍ୟ ନମସ୍କାର କରିଥିଲେ।ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କ୍ରୀଡ଼ା ଭାରତୀ ଓଡିଶା ପୂର୍ବ ପ୍ରାନ୍ତଃ ଅଧ୍ୟକ୍ଷ ଡ଼ଃ ଅଶୋକ କୁମାର ନାୟକ,ସମାନୀୟ ଅତିଥି କାଜ଼ିବଜାର ପୂଜା କମିଟି ସମ୍ପାଦକ ପ୍ରଦୀପ ସିହ୍ନ। ଯୋଗ ଦେଇଥିଲେ।ଏହି ଅବସରରେ ବଲ ବ୍ୟାଡମିଟନ ପ୍ରତିଯୋଗିତାରେ କୃତିତ୍ବ ଅର୍ଜନ କରିଥିବା

ପ୍ରତିଯୋଗୀଙ୍କୁ ଅତିଥିମାନଙ୍କ ଦ୍ୱାରା ସାର୍ଟିଫିକେଟ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମ ପରିଚାଳନାରେ କ୍ରୀଡ଼ା ଭାରତୀର କର୍ମକର୍ତ୍ତା ଓ ଭକ୍ତମଧୁ ବିଦ୍ୟାପୀଠର ଶିକ୍ଷକ ସହଯୋଗ କରିଥିବା ବେଳେ  ଶେଷରେ କଟକ ଜିଲ୍ଲା କ୍ରୀଡ଼ା ଭାରତୀ ସମ୍ପାଦକ ତୁଷାର କାନ୍ତ ସିଂ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।