18-Feb-2022

କଟକ - ବହୁ ଚର୍ଚ୍ଚିତ ମମିତା ମେହେର ହତ୍ୟା ଘଟଣା ଦିନକୁ ଦିନ ଜଟିଳ ହେବାକୁ ଲାଗିଛି । କଟକ ଜାତୀୟ ଆଇନ ବିଶ୍ଵ ବିଦ୍ୟାଳୟ ରେ ,ଦେଶରେ ମହିଳା ମାନଙ୍କ ଉପରେ ହେଉଥିବା ଅପରାଧ ସମ୍ପର୍କରେ ପ୍ରଚଳିତ ଆଇନ ରେ ସଂଶୋଧନ ର ଆବଶ୍ୟକ ନେଇ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଏହି କାର୍ଯକ୍ରମ ରେ ଜାତୀୟ ମହିଳା କମିଶନ ଅଧ୍ୟକ୍ଷା ରେଖା ଶର୍ମା ଯୋଗଦେଇଥିଲେ । ଏହି ଅବସରରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ  ହୋଇଥିଲା । ଜାତୀୟ ମହିଳା କମିଶନ ଅଧ୍ୟକ୍ଷା ଏହି ସାମ୍ବାଦିକ ସମ୍ମିଳନୀ ରେ ମମିତା ମେହେର ହତ୍ୟା ଘଟଣାର ସିବିଆଇ ତଦନ୍ତ ଦାବି କରିଥିଲେ । ଜାତୀୟ ମହିଳା କମିଶନ ଅଧ୍ୟକ୍ଷା ପୋଲିସ ମହାନିର୍ଦ୍ଦେଶକ ଙ୍କୁ ,ରାଜ୍ୟରେ ହେଉଥିବା ମହିଳା ମାନଙ୍କ ବିରୋଧ ରେ ଅପରାଧ ସମ୍ପର୍କରେ ତଥ୍ୟ ମାଗିଥିଲେ । କିନ୍ତୁ ପୋଲିସ ଡିଜି ତଥ୍ୟ ଦେଇ ନ ଥିବା ଅଭିଯୋଗ କରିଥିଲେ । ଗୁରୁବାର ଦିନ ଚାରିଟି ପଡୋଶୀ ରାଜ୍ୟ ସହ ଓଡ଼ିଶାର ଅନେକ ବୁଦ୍ଧିଜୀବୀ ମାନଙ୍କ ସହ ମହିଳା କମିଶନ ଅଧ୍ୟକ୍ଷା ମହିଳା ସୁରକ୍ଷା ଆଇନ ତଥା ସଂଶୋଧନ ଉପରେ ଆଲୋଚନା କରିଥିଲେ । ମହିଳା କମିଶନ ଅଧ୍ୟକ୍ଷା ଏ ସମ୍ପର୍କରେ ଏକ ରିପୋର୍ଟ କେନ୍ଦ୍ର ସରକାରଙ୍କୁ ଦେବେ ।