05-Feb-2022

ଭବାନିପାଟଣା/କର୍ଲାମୁଣ୍ଡା (ପ୍ରଦିପ କୁମାର ସାହୁ ସହ ସଞ୍ଜିବ ଦାସ)
କଳାହାଣ୍ଡି ଜିଲ୍ଲାର ମୋହନଗିରି "ଧରୀତ୍ରି" ସାମ୍ବାଦିକ ତଥା ଓଡିଶା ସାମ୍ବାଦିକ ସଂଘ (ଓଜେୟୁ)ର ସକ୍ରୀୟ ସଦସ୍ୟ ରୋହିତ ବିଶ୍ୱାଳଙ୍କ ଆଜି ମାଓ ଆକ୍ରମଣରେ ମୃତ୍ୟୁ ହୋଇଛି I ନିର୍ବାଚନ ସମୟରେ ସାମ୍ବାଦିକ ଭାଇ ଜଣକ ଖବର ସଂଗ୍ରହ କରିବାକୁ ଯାଇଥିଲେ। ସୂଚନା ଅନୁଯାୟୀ ମାଓ ପୋଷ୍ଟର ନିକଟରେ ରହି କଣ ଲେଖାହୋଇଛି ପଢୁଥିବା ସମୟରେ ବିସ୍ଫୋରଣ ହୋଇଥିଲା ବୋଲି କୁହାଯାଉଛି  । ବିସ୍ଫୋରଣରେ ତାଙ୍କ ବାଇକଟି ମଧ୍ୟ ନଷ୍ଟ ହୋଇଯାଇଥିବା ସୁଚନା ମିଳୁଛି।  ଯେହେତୁ ସାମ୍ବାଦିକ ରୋହିତ ବିଶ୍ୱାଳଙ୍କ ମାଓ ଆକ୍ରମଣ ବା ଲ୍ୟାଣ୍ଡ ମାଇନ ବିସ୍ଫୋରଣରେ ମୃତ୍ୟୁ ଘଟିଥିବାର ପ୍ରାଥମିକ ତଦନ୍ତରୁ ଜଣା ଯାଉଛି ତେଣୁ ନିର୍ବାଚନ ସମୟ ହୋଇଥିବାରୁ ସେ ସରକାରଙ୍କ ନିକଟରେ ସାମ୍ବାଦିକଙ୍କ ପରିବାର ବର୍ଗଙ୍କୁ ଅଧିକରୁ ଅଧିକ କ୍ଷତିପୁରଣ ଯୋଗାଇ ଦେବା ନିମନ୍ତେ   ବିଧିବଦ୍ଧ ଦାବୀ ହୋଉଛି ।
ସଂଗ୍ରାମୀ ସାମ୍ବାଦିକ ସ୍ୱର୍ଗତ ରୋହିତ ବିଶ୍ୱାଳଙ୍କୁ ସରକାର ଶହୀଦର ମାନ୍ୟତା ଦିଅନ୍ତୁ I ଏବଂ ଏହିଭଳି ମାଓ ଆକ୍ରମଣରେ ପ୍ରାଣ ହରାଉଥିବା ରାଜ୍ୟର ସମସ୍ତ ସାମ୍ବାଦିକଙ୍କୁ ଶହୀଦର ମାନ୍ୟତା ପ୍ରଦାନ ପାଇଁ ସ୍ୱତନ୍ତ୍ର ଆଇନ ପ୍ରଣୟନ କରାଯାଉ ।   
ରାଜ୍ୟ ସରକାର ଅନୁକମ୍ପା ମୂଳକ ରାଶି ଭାବରେ ରୋହିତ ବିଶ୍ୱାଳଙ୍କ ପରିବାରକୁ ଅନୁନ୍ୟ ୫୦ ଲକ୍ଷ ଟଙ୍କା ପ୍ରଦାନ କରନ୍ତୁ I