04-Jan-2022

ଗଞ୍ଜାମ (ଉମା ମହାରଣା) : ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ଆମ୍ବପୁଆ ଠାରେ ଥିବା ଜାଭିୟର ସିନିୟର ସେକଣ୍ଡାରି ହାଇସ୍କୁଲରେ୧୪ ରୁ ୧୮ବର୍ଷ ବୟସର ଛାତ୍ର ଛାତ୍ରୀ ମାନଙ୍କୁ ନେଇ ରୋଟାରୀ ଆନ୍ଦୋଳନର ସହଯୋଗୀ କନିଷ୍ଠ ସଂଗଠନ ରୋଟାରୀ ଇଣ୍ଟେରାକ୍ଟ କ୍ଳବ ଗଠନ କରାଯାଇଛି ।ଛାତ୍ର ଛାତ୍ରୀ ମାନଙ୍କୁ ସମାଜ ସେବାରେ ନିୟୋଜିତ କରିବା ପାଇଁ ଏଇ ସଂଗଠନର ମୁଖ୍ୟ ଉଦ୍ଦେଶ୍ୟ ।ଅନୁଷ୍ଠାନର ପରିଚାଳନା ନିର୍ଦ୍ଦେଶକ ତଥା କ୍ଳବର ପୂର୍ବତନ ସଭାପତି ରୋଟାରୀଆନ୍ ଗୌରୀ ଶଙ୍କର ପଣ୍ଡାଙ୍କ ସଭାପତିତ୍ବରେ ଆୟୋଜିତ ଉକ୍ତ  କାର୍ଯ୍ୟକ୍ରମରେ କ୍ଳବର ସଭାପତି କାମରାଜୁ ମହାରଣା, ପୂର୍ବତନ ସଭାପତି  ଗଦାଧର ରାଉଳ ରୋଟାରୀ ଇଣ୍ଟେରାକ୍ଟ କ୍ଳବର ଲକ୍ଷ୍ୟ ଓ ଉଦ୍ୟେଶ ସମ୍ପର୍କରେ ଛାତ୍ର ଛାତ୍ରୀ ମାନଙ୍କୁ ଅବଗତ କରାଇଥିଲେ ।ଅନୁଷ୍ଠାନର ଅଧ୍ୟକ୍ଷ ଡଃ ବିଦ୍ୟାଭୂଷଣ ପାଢୀ,କ୍ଳବର ସଂପାଦକ ଜୟନ୍ତ କିଶୋର ପାତ୍ର, ଲିଙ୍ଗରାଜ ନାୟକ, ପ୍ରଦୀପ କୁମାର ପଟ୍ଟନାୟକ, ରବିନ୍ଦ୍ର ନାଥ ସାହୁ ପ୍ରମୁଖ ଉପସ୍ଥିତ ରହି ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିଥିଲେ 
।ପ୍ରାଥମିକ ଭାବେ ୩୦ ଜଣ ଛାତ୍ରଛାତ୍ରୀଙ୍କୁ ନେଇ ଏଇ ଇଣ୍ଟେରାକ୍ଟ କ୍ଳବ ଗଠନ କରାଯାଇଛି ଏବଂ  ସାର୍ଥକ ବେହେରା-ସଭାପତି, କିରଣ ପାତ୍ର-ଉପସଭାନତ୍ରୀ,ରାଜମିର ବେହେରା-ସଂପାଦକ, ଅଂଶୁମାନ ଚୌଧୁରୀ-ସହ ସଂପାଦକ, ଦୀପାଞ୍ଜଳୀ ସାହୁ-କୋଷାଧ୍ୟକ୍ଷ ରୂପେ ମନୋନୀତ ହୋଇଛନ୍ତି ।ବରିଷ୍ଠ ଶିକ୍ଷକ ସନ୍ତୋଷ କୁମାର ପଣ୍ଡା ଶେଷରେ ଧନ୍ୟବାଦ ଅର୍ପଣ କରିଥିଲେ ।