27-Dec-2021

କଣ୍ଟାମାଳ,(ଅକୃର ସାହୁ): କଣ୍ଟାମଳ ବ୍ଲକ ସାମ୍ବାଦିକ ସଂଘ(କବ୍ଜା)ର ପଞ୍ଚମ ବାର୍ଷିକୋତ୍ସବ ସ୍ଥାନୀୟ ବସଷ୍ଟାଣ୍ଡ ସ୍ଥିତ ଦୁର୍ଗା ମଣ୍ଡପରେ ରବିବାର ସଂଘର ବରିଷ୍ଠ ଉପଦେଷ୍ଟା ଦିବ୍ଯଶଙ୍କର ରାଉତଙ୍କ ସଭାପତିତ୍ବରେ ଆୟୋଜିତ ହୋଇଯାଇଛି । କାର୍ଯ୍ୟକ୍ରମରେ କଣ୍ଟାମାଳ ବିଧାୟକ ମହହୀଧର ରଣା ମୁଖ୍ୟ ଅତିଥି, ରସରାଜ ଅଚ୍ୟୁତ ପୁରୋହିତ ମୁଖ୍ୟ ବକ୍ତା ଏବଂ କଣ୍ଟାମାଳ ବିଡ଼ିଓ କଳାକୃଷ୍ଣ ପ୍ରଧାନ, ତହସିଲଦାର ରୀନା ପ୍ରଧାନ ଓ ରାଜ୍ୟ ସଂସ୍କୃତି ବିଭାଗ ନାଟକ ଏକାଡେମୀ ସଦସ୍ୟ ତଥା କଣ୍ଠଶୀଳ୍ପି ଶାଶ୍ବତ ତ୍ରିପାଠୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ କଣ୍ଟାମାଳ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରର ଡାକ୍ତର ଜଗଦୀଶ ସେଠୀ, ସାମ୍ବାଦିକ ବୈଦ୍ୟନାଥ ହୋତା, ଖୁଣ୍ଟିଗୋରା ପିଏଚସି ମହିଳା ସ୍ବାସ୍ଥ୍ୟକର୍ମୀ ମିନାକ୍ଷୀ ମହାନ୍ତି, ସଫଳ ଚାଷୀ ପ୍ରଶନ୍ନ କୁମାର ରଣା, ସମାଜସେବୀ ତଥା ଶିକ୍ଷକ ଅଶୋକ ସାହୁ, ପରିବେଶପ୍ରେମୀ ତଥା ଶିକ୍ଷକ ନିଳାମ୍ବର ଖମାରୀଙ୍କୁ ମୁଖ୍ୟ ଅତିଥିଙ୍କ ଦ୍ବାରା ସମ୍ବର୍ଦ୍ଧିତ କରାଯାଇଥିଲା ।   ରଂଜନ ପାତ୍ର ସ୍ବାଗତ ଓ ଅତିଥି ପରିଚୟ, ସଂପାଦକ ପୂର୍ଣ୍ଣଚରଣ ସାହୁ ବାର୍ଷିକ ବିବରଣୀ ପଠନ କରିଥିଲେ ।  ସଦସ୍ୟ ଜୟକୁମାର ମହାରଣା ଧନ୍ୟବାଦ ଦେଇଥିଲେ । ବଂଶୀଧର ମାଝୀ, ପ୍ରଭାତ ସାହୁ, ବଳରାମ ବାଘ, ରଞ୍ଜନ ପାତ୍ର, ଅନନ୍ତ ଖମାରୀ, ଦେବାଶିଷ ମଲିକ, ସୂଦର୍ଶନ ବଘାର, ଗୋବର୍ଦ୍ଦନ ସାହୁ ପ୍ରମୁଖ ସଦସ୍ୟ କାର୍ଯ୍ଯକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ଶାଶ୍ବତ ତ୍ରିପାଠୀଙ୍କ "ଜୀବନ ଥିଲେ ଜୀବକା" ସମ୍ବଲପୁରୀ ମେଲୋଡି ଅନୁଷ୍ଠାନ ପକ୍ଷରୁ ରଂଗାରଙ୍ଗ ସାଂସ୍କୃତିକ କାର୍ଯ୍ଯକ୍ରମ ଆୟୋଜିତ ହୋଇଥିଲା ।