24-Dec-2021

ସିନ୍ଧେକେଲା(ଅନୀଲ କୁମାର ତ୍ରିପାଠୀ ) ଅଖିଳ ଭାରତୀୟ ତେରାପଂଥ ଯୁବକ ପରିଷଦ ସିନ୍ଧେକେଲା ଶାଖା ପକ୍ଷରୁ ସ୍ଥାନୀୟ ଅଗ୍ରୱାଲ ଜୈନ ତେରାପଂଥ ଭବନ ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଅଛି । ସର୍ବ ପ୍ରଥମେ ନମସ୍କାର ମହାମନ୍ତ୍ର ଉଚ୍ଚାରଣ ସହ କାର୍ଯ୍ୟକ୍ରମ ର ଶୁଭାରମ୍ଭ ହୋଇଥିଲା । ଯୁବକ ପରିଷଦ ଅଧ୍ୟକ୍ଷ ପୀୟୂଷ ଜୈନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ଶିବିରରେ ଓଡିଶା ଜୈନ ତେରାପଂଥ ପ୍ରାନ୍ତୀୟ ସଭା ଅଧ୍ୟକ୍ଷ ମୁକେଶ ଜୈନ ମୁଖ୍ୟ ଅତିଥି ଭାବରେ ଯୋଗଦେଇ ଫିତା କାଟି ଉକ୍ତ ଶିବିରର ଶୁଭ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବରେ ପ୍ରାନ୍ତୀୟ ସଭା କୋଷାଧ୍ୟକ୍ଷ ସୁଦର୍ଶନ ଜୈନ , ସହ ସଂପାଦକ ସୁନୀଲ ଜୈନ , ପୂର୍ବତନ ଅଧ୍ୟକ୍ଷ ଛତ୍ରପାଳ ଜୈନ , ସ୍ଥାନୀୟ ତେରାପଂଥ ସଭା ସମ୍ପାଦକ ପ୍ରସନ୍ନ ଜୈନ , ବରିଷ୍ଠ ତେରାପଂଥ ସ୍ରାବକ ପ୍ରବୀଣ ଜୈନ , ଡାକ୍ତର ବିଶ୍ୱାସ , ଯୁବକ ପରିଷଦର ପୂର୍ବତନ ଅଧ୍ୟକ୍ଷ ରାଜେଶ ଜୈନ ପ୍ରମୁଖ ଯୋଗଦେଇ ରକ୍ତଦାନ ଏକ ମହାଦାନ ବୋଲି ମତବ୍ୟକ୍ତ କରିଥିଲେ ।

ଶିବିରରେ ମୋଟ ୪୦ ୟୁନିଟ ରକ୍ତ ସଂଗ୍ରହ ହୋଇଥିବା ବେଳେ ଡା: ଗଜେନ୍ଦ୍ର ନାଥ ରାଉତ , ଜୟରାମ ମଛଖଣ୍ଡ , ଅଫିସର ସାହୁ , ବିମଲ ହାତୀ , ଦିଲୀପ କୁମାର ସାହୁ , ଶ୍ରୀକାନ୍ତ ସାହୁ ପ୍ରମୁଖ ଟେକ୍ନିସିଏନ ଭାବରେ ଯୋଗଦେଇ ରକ୍ତ ସଂଗୃହୀତ କରିବାରେ ସହଯୋଗ କରିଥିଲେ ।  ଶିବିର ପରିଚାଳନା ରେ ସଭାପତି ପୀୟୂଷ ଜୈନ ,ସମେତ ସମ୍ପାଦକ ଅନନ୍ତ ଜୈନ , ଆୟୋଜକ ସମ୍ପାଦକ ହିତେଶ ଜୈନ , କୋଷାଧ୍ୟକ୍ଷ ନବୀନ ଜୈନ , ଉପ ସଭାପତି ଆକାଶ ଜୈନ , ଶୁଭମ ଜୈନ , ସୋନୁ ଜୈନ , ମଂଜେସ ଜୈନ , ଅଙ୍କୁଶ ଜୈନ , ରୋହିତ ଜୈନ , ମନୋଜ ଜୈନ , ଧିରଜ ଜୈନ , ରୋନକ ଜୈନ ପ୍ରମୁଖ ବିଶେଷ ସହଯୋଗ କରିଥିଲେ ।