15-Dec-2021

ନର୍ଲା (ସଞ୍ଜିବ ଦାସ): କନ୍ଧ ସଂସ୍କୃତିର ଗବେଷକ ଭୀମା ପତ୍ରିକାର ପ୍ରତିଷ୍ଠା ଶ୍ରୀ ମେଦିନୀଧର ଜାନୀ ଦୀର୍ଘ ଦିନ ଧରି ଗବେଷଣା କରି କନ୍ଧମାଳର ବରିକିଆ, କଳାହାଣ୍ଡିର ଲୁବେନଗଡ, ବିଡାବାରୁ ତଥା ଦୁର୍ଗମ ଜଙ୍ଗଲରେ ବୁଲି ଅନାଲୋଚିତ ବହୁ ତଥ୍ୟ ସଂଗ୍ରହ କରିଛନ୍ତି l ଅନେକ ଗବେଷକଙ୍କ ଲେଖା ଓ ପତ୍ରିକା ପାଠ କରି ସେ ସହୀଦ ବିଷୟରେ ପୁସ୍ତକ ରଚନା କରିଛନ୍ତି। ଆଜି ଏକ ବିବାହ ଓ ବନ୍ଧୁ ମିଳନ ଉତ୍ସବରେ ସାରସ୍ବତ ଅଭିନବ କବିତା ଆସରରେ  କବି,ଲେଖକ ଓ ପ୍ରତିଭା ସମ୍ପନ୍ନ ବ୍ୟକ୍ତିବିଶେଷଙ୍କୁ ସମ୍ବର୍ଦ୍ଧନାପତ୍ର ପ୍ରଦାନ କରାଯାଇଥିଲା।

ବରିଷ୍ଠ ସାହିତ୍ୟିକ  ପଦ୍ମଲୋଚନ ମିଶ୍ର,ହେମନ୍ତ ସାହୁ, ମ. ରାମପୁର, ବୈଦ୍ଯରାଜ ପବିତ୍ର ଶବର, ହଳଦିଆ ତୈଳ ସମାଜର ସଭାପତି ନୀଳମଣି ସାହୁ ଓ ସମ୍ପାଦକ ନବୀନ କିଶୋର ସାହୁ ମଞ୍ଚାସୀନ ହୋଇଥିଲେ। କବିମାନଙ୍କ ମଧ୍ୟରୁ ମଧୁସୂଦନ ରାଉତ, କ୍ଷିତୀଶ ଚନ୍ଦର ମାଝୀ, ଅରୁଣ ପ୍ରଧାନୀ, କନ୍ଧମାଳରୁ ଆଶୁକବି ପ୍ରଦୀପ କହଁର ଓ ଶ୍ରୀକାନ୍ତ ମଲ୍ଲିକ ପ୍ରମୁଖ ଯୋଗଦାନ କରିଥିଲେ। ଏହି କାର୍ଯ୍ୟକ୍ରମରେ ଦକ୍ଷ ସାମ୍ବାଦିକ ମନୋଜ କୁମାର ଷଡ଼ଙ୍ଗୀଙ୍କୁ ସମ୍ମାନିତ କରାଯାଇଥିଲା।"ମା"ପତ୍ରିକାର ପ୍ରତିଷ୍ଠାତା ଶ୍ରୀ କୁଳମଣି ସାହୁ ବିବାହ ଉତ୍ସବରେ ନିଆରା ଆୟୋଜନକୁ ଭୁରି ଭୁରି ପ୍ରଶଂସା କରିଥିଲେ। ଶେଷରେ ଶ୍ରୀ କୁମୁଦ ନାଏକ ଧନ୍ୟବାଦ ଅର୍ପଣ କରିଥିଲେ।