05-Dec-2021

ସୋନପୁର(ମନୋରଞ୍ଜନ ତ୍ରିପାଠୀ) :ଆଜି ସ୍ଥାନୀୟ ଏନ୍ ଜି ଓ ସି ସି ସମ୍ମିଳନୀ କକ୍ଷରେ ସୁବର୍ଣ୍ଣପୁର ଜିଲ୍ଲା ସ୍ଵଳ୍ପ ସଞ୍ଚୟ ଅଧିକାରୀ ଶ୍ରୀଯୁକ୍ତ ହରିଚରଣ ମିଶ୍ରଙ୍କ ସମ୍ମାନାର୍ଥେ ଏକ ବିଦାୟକାଳୀନ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲାl ନିକଟରେ ତାହାଙ୍କ ଗଞ୍ଜାମ ଜିଲ୍ଲା ସ୍ଵଳ୍ପ ସଞ୍ଚୟ ଅଧିକାରୀ ହିସାବରେ ବଦଳି ହୋଇଯାଇଛି l ଶ୍ରୀ ମିଶ୍ର  ୨୦୧୩ ମସିହାରୁ ଏହି ପଦବୀରେ ସୁଚାରୁରୂପେ କାର୍ୟ ସମ୍ପାଦନ କରୁଥିଲେ I ତାଙ୍କର କାର୍ଯ୍ୟକାଳରେ ସୁବର୍ଣ୍ଣପୁର ଜିଲ୍ଲା ସ୍ଵଳ୍ପ ସଞ୍ଚୟ କ୍ଷେତ୍ରରେ ନିର୍ଦ୍ଧାରିତ ଜମା ଲକ୍ଷ୍ୟ ହାସଲକରି ଅନେକ ସୁନାମ ଅର୍ଜନ କରିଥିଲା I ସେ ଜଲ୍ଲାର ପୋଷ୍ଟାଲ ଏଜେଣ୍ଟ ମାନଙ୍କୁ ସଂଗଠିତ କରି ଏବଂ ନୁତନ ଏଜେଣ୍ଟ ଚୟନକରି ସେମାନଙ୍କୁ ସଠିକ୍ ଦିଗଦର୍ଶନ ଦେଇ ସେମାନଙ୍କ ଉତ୍ସାହ ତଥା କର୍ମଦକ୍ଷତା ବୃଦ୍ଧି କରିପାରିଥିଲେ I ଜିଲ୍ଲାର ବିଭିନ୍ନ ଅଞ୍ଚଳରେ ସଭାସମିତି ଓ କର୍ମଶାଳା ଆୟୋଜନ କରି ସେ ଜନସାଧାରଣଙ୍କୁ ଡାକଘରେ ଟଙ୍କା ଜମାକରିବା ଏବଂ ଠକ ଚିଟ଼୍ଫଣ୍ଡ ସଂସ୍ଥା ହାବୁଡରେ ନ ପଡ଼ିବା ପାଇଁ ପ୍ରବର୍ତ୍ତIଉ ଥିଲେ I ଏବଂ ଗତ ମାସ ରେ  ଶ୍ରୀ ମିଶ୍ର  ସ୍ୱଳ୍ପ ସଂଚୟ ପକ୍ଷ ପାଳନ ଅବସରରେ ସ୍ଥାନୀୟ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଗବେଷଣା କେନ୍ଦ୍ର ରେ  ସ୍ୱଚ୍ଛ ଭାରତ ସଂଗଠନ  କାର୍ଯ୍ୟକର୍ତ୍ତା  ଓ  ସ୍କୁଲ କମିଟି କୁ ସାମିଲ କରି  ଏକ ସାମୁହିକ ବୃକ୍ଷ ରୋପଣ କାର୍ଯ୍ୟକ୍ରମ  ଓ  ସ୍ୱଳ୍ପ ସଂଚୟ ର ସୁରକ୍ଷିତ ଯୋଜନା ଉପରେ  ବିସ୍ତାର ଭାବେ ବକ୍ତବ୍ୟ ରଖି ସହର ଓ ଜ଼ିଲ୍ଲାକୁ ଏକ ସଚେତନତା ବାର୍ତ୍ତା  ପହଞ୍ଚାଇଥିଲେ l ସୁବର୍ଣ୍ଣପୁରରେ ଦୁଇ ବର୍ଷ ଧରି ସେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଦାୟିତ୍ଵ ରେ ରହି ସଠିକ୍ ଭାବରେ ଦାୟିତ୍ଵ ତୁଲାଇ ମିଡ଼ିଆଙ୍କ ସହିତ  

ସୁସମ୍ପର୍କ ସ୍ଥାପନ କରିଥିଲେ  I ସେ ଜଣେ କର୍ମପ୍ରବଣ ଏବଂ ମେଳାପି ସ୍ଵଭାବ ର ଅଧିକାରୀ ହୋଇଥିବାରୁ ଆଜି ତାଙ୍କ ବିଦାୟକାଳୀନ ସମ୍ବର୍ଦ୍ଧନା ସଭାରେ ଜିଲ୍ଲାର ସମସ୍ତ ୬ଟି ବ୍ଲକ ର ଶତାଧିକ ପୋଷ୍ଟାଲ୍ ଏଜେଣ୍ଟ ଏକତ୍ରିତ ହୋଇ ମିଶ୍ର ବାବୁଙ୍କ କର୍ମ ଦକ୍ଷତା ର ଭୂୟସୀ ପ୍ରଶଂସା କରିଥିଲେ l ଶ୍ରୀଯୁକ୍ତ ମିଶ୍ର ତାଙ୍କ ବକ୍ତବ୍ୟରେ ଭାବପ୍ରବଣ ହୋଇଯାଇଥିଲେ ଏବଂ ସୁବର୍ଣ୍ଣପୁର ବାସୀଙ୍କ ଠାରୁ ପାଇଥିବା ସ୍ନେହଶ୍ରଦ୍ଧା କୁ ସେ ଜୀବନସାରା ଭୂଲି ପାରିବେନାହିଁ ବୋଲି କହିଥିଲେ I ଜିଲ୍ଲା ସ୍ଵଳ୍ପ ସଞ୍ଚୟ ଅଧିକାରୀ ଦାୟିତ୍ୱ ରେ ଥିବା ଶ୍ରୀଯୁକ୍ତ ଅଶ୍ଵିନି କୁମାର ଭୋଇ ଙ୍କୁ ସମସ୍ତ ପ୍ରକାର ସାହାଯ୍ୟ ଏବଂ ସହଯୋଗ କରିବା ପାଇଁ ସେ ପୋଷ୍ଟାଲ୍ ଏଜେଣ୍ଟ ମାନଙ୍କୁ ନିବେଦନ କରିଥିଲେ l  ଆଜିକାର ଏଇ ସଭାକୁ ବିଦ୍ୟାପତି ପଣ୍ଡା ପରିଚାଳନା କରିଥିବାବେଳେ ଜିଲ୍ଲା ସ୍ଵଳ୍ପସଞ୍ଚୟ ଏବଂ ଲୋକ ସମ୍ପର୍କ ବିଭାଗର ସମସ୍ତ କର୍ମଚାରୀ ଙ୍କ ସମେତ  ଶତାଧିକ ପୋଷ୍ଟାଲ୍ ଏଜେଣ୍ଟ ଓ ସେମାନଙ୍କ ପରିବାରବର୍ଗ  ଯୋଗ ଦେଇଥିଲେ l