27-Nov-2021

ବିନିକା(ହିମାଂଶୁ ଶେଖର ପୁଟେଲ) କୋଭିଡ କଟକଣା କୋହଳ ପରେ ଛାତ୍ରଛାତ୍ରୀ ମାନେ ନିୟମିତ ଭାବେ ସ୍କୁଲ ଆସୁଛନ୍ତି ।ଏ ପରିପେକ୍ଷିରେ  ବିନିକା ଠାରେ ୨ବର୍ଷ ହେଲା ନୂଆଁ କରି ଖୋଲିଥିବା ଆଦର୍ଶ ବିଦ୍ୟାଳୟର କୋଠାଘର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହୋଇ ନଥିବାରୁ ଅଧ୍ୟୟନ ରତ ଛାତ୍ରଛାତ୍ରୀ ମାନେ ବିନିକା ସହରର ସରକାରୀ ବାଳକ ଉଚ୍ଚ ବିଦ୍ୟାଳୟରେ ପାଠ ପଡୁଛନ୍ତି । ଷ୍ଟେଟ ପ୍ରୋଜେକ୍ଟ ଡାଇରେକ୍ଟରଙ୍କ ନିର୍ଦ୍ଦେଶ କ୍ରମେ ସପ୍ତମ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ବେସଲାଇନ ପରୀକ୍ଷା କରାଯାଉଥିବାରୁ ଏଠାରେ ଅଧ୍ୟୟନରତ ଛାତ୍ରଛାତ୍ରୀ ମହଲରେ ଉତ୍ସାହ ପରିଲକ୍ଷିତ ଦେଖାଯାଇଛି । ଅଧ୍ୟକ୍ଷ ସୌମ୍ୟ ରଞ୍ଜନ କ୍ଷେତିଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଶିକ୍ଷକ ମିତେଶ ଦଣ୍ତସନା,ଶଙ୍କର୍ଷଣ ମେହେର,ଅନନ୍ତ ପଣ୍ଡା,ସୁନୀଲ ସେଠୀ ପ୍ରମୁଖ ନିୟୋଜିତ ହୋଇ ପରୀକ୍ଷା ପରିଚାଳନା କରୁଛନ୍ତି ।