26-Nov-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) :  କଂଗ୍ରେସ କର୍ମୀଙ୍କୁ ବିଜେଡି ର ଆକ୍ର୍ରମାଣ ପ୍ରତିବାଦରେ ଆଜି ସୁବର୍ଣ୍ଣପୁର ଠାରେ କଂଗ୍ରେସ ଦଳ ପକ୍ଷରୁ ଏକ  ପ୍ରେସ ମିଟ ର ଆୟୋଜନ ହୋଇଥିବା ବେଳେ ଚାରିଆଡେ ଭିଡିଓ ଭାଇରlଲ  ପରେ ଏ  ଅମାନବୀୟ ଘଟଣାକୁ  କେବଳ ଯେ ବିରୋଧୀ  ନୁହେଁ  ଖୋଦ ସାଶକ ଦଳର  ଲୋକେ  ମଧ୍ୟ ଦୃଢ଼ ନିନ୍ଦl ଓ ସମାଲୋଚନା କରିଛନ୍ତି l  ପ୍ରକାଶ ଯେ ଗତ କାଲି  ମୁଖ୍ୟମନ୍ତ୍ରୀ  ଆଭାସି ମାଧ୍ୟମରେ ସୁବର୍ଣ୍ଣପୁର ଜ଼ିଲ୍ଲାରେ ହେଲଥ ସ୍ମାର୍ଟ କାର୍ଡର  ଶୁଭ ଉଦଘାଟନ କାର୍ଯ୍ୟକ୍ରମ ଅବସରରେ ସୁବର୍ଣ୍ଣପୁର  ପହଂଚି ମନ୍ତ୍ରୀ ନିରଞ୍ଜନ ପୁଜାରୀ, ସୁଶାନ୍ତ ସିଂହ, ଓ ପଦ୍ମନାଭ ବେହେରା  ହିତାଧିକାରୀ ଙ୍କୁ ସ୍ମାର୍ଟ କାର୍ଡ ବଣ୍ଟନ କରିଥିଲେ l ମନ୍ତ୍ରୀ ମାନେ ୱାର୍ଡ ୱାର୍ଡ ବୁଲି ଏହି କାର୍ଯ୍ୟକ୍ରମ ମାନଙ୍କ ରେ ଯିବା ଆସିବା ବେଳେ  ମମିତା ମେହେର  କେଶ କୁ ନେଇ  ବିଜେପି ନଗର ସଭାପତି ଜ୍ୟୋତି ତ୍ରିପାଠୀ କଳା ପତାକା  ପ୍ରଦର୍ଶନ କରି ପ୍ରତିବାଦ କରୁ ଥିବା ସମୟରେ ସାଶକ ଦଳ ର ବାହାର ଜ଼ିଲ୍ଲା ର କିଛି ଗୁଣ୍ଡା ଶ୍ରୀ ତ୍ରିପାଠୀ ଙ୍କୁ ମରଣାନ୍ତକ ଆକ୍ରମଣ କରିଥିଲେ l ଏବଂ  କଂଗ୍ରେସ ଦଳ ର ବିନିକା ବ୍ଲକ ର ଦୁଇଜଣ ଛାତ୍ର ନେତା ଙ୍କୁ ମଧ୍ୟ  ସନ୍ଧେହ କରି ରାସ୍ତା ରେ ଉକ୍ତ ଗୁଣ୍ଡା ମାନେ ପ୍ରବଳ ମାଡ ମାରି ଲହୁ ଲୁହାଣ କରିଥିବା ବିଷୟ ଆଜି ଜ଼ିଲ୍ଲା କଂଗ୍ରେସ ପକ୍ଷରୁ ସୂଚନା ମିଳିଛି l  ଏହାର ପ୍ରତିବାଦ ରେ ଆଜି ଜ଼ିଲ୍ଲା କଂଗ୍ରେସ ପକ୍ଷରୁ ଏକ ପ୍ରେସ ମିଟ ର ଆୟୋଜନ କରାଯାଇ ଶାସକ ଦଳ ର ଏହି ଗୁଣ୍ଡା ଗର୍ଦି କୁ ଦୃଢ଼ ନିନ୍ଦl କରି ତିନି ଦିନ ମଧ୍ୟରେ ଏହି ଦୋଷୀ ମାନଙ୍କୁ ଗିରଫ ନ କଲେ ସାରା ଜ଼ିଲ୍ଲା ତଥା ରାଜ୍ୟ ବ୍ୟାପି ଆନ୍ଦୋଳନ କରାଯିବ ବୋଲି ଦଳ ପକ୍ଷରୁ ସୂଚନା ମିଳିଛି l ଏହି କାର୍ଯ୍ୟକ୍ରମ ରେ ଜ଼ିଲ୍ଲା କଂଗ୍ରେସ ସଭାପତି ଙ୍କ ସମେତ ସମସ୍ତ କର୍ମୀ ଯୋଗ ଦେଇଥିଲେ l