26-Nov-2021

ଉଲୁଣ୍ଡା (ଗୌରଚନ୍ଦ୍ର ପରିଛା)  ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକର ବିଭିନ୍ନ ସ୍ଥାନରେ ବିଜୁ ସ୍ୱାସ୍ଥ୍ୟ ସ୍ମାଟ କାର୍ଡ ବଂଟନର ଶୁଭାରମ୍ଭ ହୋଇଛି । ଏହି ଅବଶରରେ ଉଲୁଣ୍ଡା ପଂଚାୟତ କାର୍ଯ୍ୟାଳୟ ଓ ମାଟିଖାଇ ଗ୍ରାମ, ନିମନା ପଂଚାୟତ, ପଂଚମହଲା ପଂଚାୟତ ଏବଂ ଡିଡିମାଲ ଠାରେ ଆୟୋଜିତ କାର୍ଯ୍ୟକ୍ରମରେ ଶାସକ ଦଳର ମୁଖ୍ୟ ସଚେତକ ରୋହିତ ପୁଝାରୀ ମୁଖ୍ୟ ଅତିଥି ଭାବରେ ଯୋଗଦେଇ ଦୀପ ପ୍ରଜ୍ୱଳନ କରି ଉଦଘାଟନ କରିବା ସହ  ସ୍ୱାସ୍ଥ୍ୟ କାର୍ଡର କାର୍ଯ୍ୟକାରୀତା ଉପରେ ବୁଝାଇବା ସହ ହିତାଧିକାରୀଙ୍କୁ ବିଜୁ ସ୍ୱାସ୍ଥ୍ୟ କାର୍ଡ ବଂଟନ କରିଥିଲେ । ସେହିପରୀ ମୁଣ୍ଡୋଘାଟ ପଂଚାୟତରେ ଆୟୋଜିତ କାର୍ଯ୍ୟକ୍ରମରେ ପରିବହନ ମନ୍ତ୍ରୀ ପଦ୍ମନାଭ ବେହେରା ମୁଖ୍ୟ ଅତିଥି ଭାବରେ ଯୋଗଦେଇ କାର୍ଡ ବଂଟନ କରିଥିଲେ । ଏହି କାର୍ଯ୍ୟକ୍ରମ ମାନଙ୍କରେ ବିଡିଓ ହେମସାଗର ଭୋଇ, ସିଡିପିଓ ମାଧୁରୀ ହୋତା, ବ୍ଲକ ଉପାଧ୍ୟକ୍ଷଙ୍କ ସମେତ ସ୍ଥାନୀୟ ସରପଂଚ ଏବଂ ପିଇଓ ମାନେ ଉପସ୍ଥିତ ରହିଥିଲେ ।