05-Nov-2020

କଳାହାଣ୍ଡି,କୋକସରା(ତ୍ରିନାଥ ବେଶ୍ରା)-୮0 ହଜାର ଟଙ୍କା ରେ ବନ୍ଧା ପଡ଼ିଥିବା ଦୁଇ ଦାଦନଶ୍ରମିକ ସମେତ ଆଉ ପାଞ୍ଚ ଜଣ ଦାଦନଶ୍ରମିକ କୁ ଉଦ୍ଧାର କଲା କୋକସରା ପୋଲିସ ।ଗତ ୨୯ ତାରିଖ  ଦିନ ପରିବାର ପକ୍ଷରୁ ନିଜ ଦୁଇ ପୁଅକୁ ଉଦ୍ଧାର କରିବାକୁ କୋକସରା ଥାନାର ଦ୍ଵାରାସ୍ତ ହୋଇଥିଲେ।ସୂଚନା ମତେ ରଇନଗୁଡା ଗ୍ରାମର ଭାରତ ମାଝୀ ଓ ଚତୁର ମାଝୀ ଙ୍କୁ ନିକଟସ୍ଥ ଛତାଗହୀର ଗ୍ରାମର କୃଷ୍ଣ ଦୁର୍ଗା ନାମକ ଜଣେ ବ୍ୟକ୍ତି ମଧ୍ୟପ୍ରଦେଶ ର ଇନ୍ଦୋର ଠାରେ ଏକବୋରିଂ ଠିକାଦାର ପାଖରେ ୮୦ ହଜାର ଟଙ୍କାରେ ବନ୍ଧା ପକାଇସେଠାରୁ ଚମ୍ପଟମାରିଥିଲେ।ଠିକାଦାର ସେଠାରେ ଜବରଦସ୍ତି କାର୍ଯ୍ୟ ରେ ନିୟୋଜିତ ରଖି ନାନା ପ୍ରକାର ନିର୍ଯାତନା ଦେଉ ଥିବା ଓ ମାଡ଼ ପିଟ କରୁଥିବା ନେଇ ଦୁହେଁ ଫୋନ ରେ ଜଣାଇଥିଲେ।ଏହାପରେ ପରିବାର ଲୋକେ ଥାନାରେ ଅଭିଯୋଗ କରିଥିଲେ।  ଘଟଣା କୁ ଅତି ଗମ୍ଭୀରତାର ସହ  କୋକସରା ପୋଲିସ ନେଇ ଉଦ୍ଧାର ପାଇଁ ଏକ ସ୍ବତନ୍ତ୍ର ଟିମ୍ ଗଠନ କରିଥିଲେ। ଏ ଏସ ଆଇ ଜନ୍ମେଜୟ ବାଗ୍ ଙ୍କ ନେତୃତ୍ୱରେ ମଧ୍ୟପ୍ରଦେଶ ର ରତ୍ ଲମ୍ ଜିଲ୍ଲା ରୁ ସେଠାକାର ପୋଲିସ ର ସହାୟତା ରେ  ସାତ ଜଣ ଦାଦନ ଶ୍ରମିକଙ୍କୁ ଆଜି ଉଦ୍ଧାର କରିଥିବା ଏକ ପ୍ରେସମିଟ ରେ ଥାନା ଅଧିକାରୀ ବାସୁଦେବ ଛତ୍ରିଆ ପ୍ରକାଶ କରିଛନ୍ତି।ଏହି ଉଦ୍ଧାର ହୋଇଥିବା ଦାଦନ ମଧ୍ୟରେ ୨ କୋକସରା ଥାନା ଅନ୍ତର୍ଗତ ଥିବାବେଳେ ୫ଜଣ ଆମ ପାଣି ଥାନା ଅନ୍ତର୍ଗତ ବୋଲି ଜଣାପଡ଼ିଛି।