05-Nov-2021

ପଦ୍ମପୁର(ନିରଞ୍ଜନ ତ୍ରିପାଠୀ) : ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ଅଧିନରେ ଯାଉଥିବା ଡୁମେରବାହାଲ ଡ୍ୟାମ ଠାରେ ଶ୍ରୀଯୁକ୍ତ ରେଖରାମ ଦଣ୍ଡସେନାଙ୍କ ଅଧ୍ୟକ୍ଷତାରେ ନୂଆପଡ଼ା ଓ ବରଗଡ଼ ଜିଲ୍ଲାର କବାଡି ରେଫରୀ ଏବଂ ଜଣାଶୁଣା ଖେଳାଳି ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି lଉକ୍ତ ବୈଠକ ରେ ସର୍ବସମ୍ମତି କ୍ରମେ 'N.B.Referee Union' ନାମରେ ଏକ କବାଡି ସଂଘ ନୂତନ ଭାବେ ଗଠନ କରାଯାଇଛି l ନୂତନ କାର୍ଯ୍ୟକାରିଣୀ ଭାବେ ୟୁନିୟନକୁ ଆଗେଇ ନେବା ପାଇଁ ଶ୍ରୀ ଚମନଲାଲ ରାଉତ ଙ୍କୁ ସଭାପତି ଭାବେ, ଶ୍ରୀ ବୈବସୁତ ପ୍ରଧାନଙ୍କୁ ଉପସଭାପତି ଭାବେ ମନୋନୀତ କରାଯାଇଥିବା ବେଳେ, ସମ୍ପାଦକ ଭାବରେ ଶ୍ରୀ ଅଜିତ କୁମାର ପ୍ରଧାନ, ପ୍ରେମଚନ୍ଦ ସାହୁ ସହ ସମ୍ପାଦକ, ଶ୍ରୀ ଜୀବଲାଲ ନାଏକ କୋଷାଧ୍ୟକ୍ଷ ପଦବୀରେ ମନୋନୀତ ହୋଇଛନ୍ତି  lଉପଦେଷ୍ଟା କମିଟିରେ ସର୍ବଶ୍ରୀ ରେଖରାମ ଦଣ୍ଡସେନା, ହେମସାଗର ସାହୁ, ଗଣେଶ ରାଉତ ଏବଂ ଭୂଷଣ ମାଝି ଙ୍କୁ ସର୍ବସମ୍ମତିରେ ମନୋନୀତ କରାଯାଇଛି 

ବୈଠକ ରେ କମିଟିର ନିୟମାବଳୀ ଓ ସର୍ତ୍ତାବଳୀ ପ୍ରସ୍ତୁତ କରି ଆଗାମୀ ଦିନରେ କବାଡି ଖେଳର ଉତ୍ତରୋତ୍ତର ଉନ୍ନତି ଦିଗରେ ସହଭାଗୀ ହେବା ସଙ୍ଗେସଙ୍ଗେ ନିର୍ଣ୍ଣାୟକ ଓ ଖେଳାଳି ମାନଙ୍କର ଆତ୍ମସମ୍ମାନ ତଥା କାର୍ଯ୍ୟକାରିଣୀର ସମ୍ମାନ ରକ୍ଷା କରିବାକୁ ସଂକଳ୍ପ ନିଆଗଲା lଏହି ସଭାରେ ସର୍ବଶ୍ରୀ ଗୋକୁଳାନନ୍ଦ ଡଣ୍ଡସେନା, ଅନୀଲ ରାଉତ, ସୁଦର୍ଶନ ମହାକୁଡ଼, ବିଦ୍ୟାଧର ମାଝୀ, ଉମାଶଙ୍କର ସାହୁ,ପମୁଲାଲ ସାହୁ ପ୍ରମୁଖ ଉପସ୍ଥିତ ଥିଲେ l