04-Nov-2021

ବରପାଲି(ନିରଞ୍ଜନ ତ୍ରିପାଠୀ) :ସଂପ୍ରତି କୋଶଲ କପ୍ ଫୁଟବଲ୍ ଟୁର୍ଣ୍ଣାମେଣ୍ଟ କୃଷକପଲ୍ଳୀ ର ଆୟୋଜନ କ୍ରମେ ଦିର୍ଘ ୪ ଦିନ ବ୍ୟାପି ଆୟୋଜିତ ଫୁଟବଲ ଟୁର୍ଣ୍ଣାମେଣ୍ଟ ଆଜି ଉଦଯାପିତ ହୋଇଯାଇଛି lଉଦଯାପନୀ ଉତ୍ସବ ରେ ବିଜେପୁର ର ଲୋକପ୍ରିୟ ବିଧାୟିକା ରୀତା ସାହୁ ଙ୍କ ଯୋଗଦାନ ରେ ଦର୍ଶନ, ଆୟୋଜନ ତଥା ବିଭିନ୍ନ ଅଞ୍ଚଳ ରୁ ଆସିଥିବା ଫୁଟବଲ ଟିମ୍ ର ଖେଳାଳି ମାନେ ବେଶ ଉତ୍ସାହିତ ହେବାର ଦେଖାଦେଇଥିଲା lସମ୍ମାନୀତ ଅତିଥି ଭାବେ ଇପକଲ୍ ଚ୍ୟାରମେନ୍ ପ୍ରଭାତ ଆଦିତ୍ୟ ମିଶ୍ର, ସମାଜସେବୀ ବରଗୁଡା ର ସମିତି ସଭ୍ୟ ମଧୁ ପ୍ରଧାନ, ସୁକାନ୍ତ ଗଡତିଆ,କିନଶାର ସମିତି ସଭ୍ୟ ସୁରେନ୍ଦ୍ର ପାତ୍ର, ସରପଞ୍ଚ ଅନିତା ପଟେଲ, ରସାନନ୍ଦ ଥପା,ବିଜୟ ମହାରଣା,ସୁଧିର ମହାରଣା ଏବଂ ସମାଜସେବୀ ଦେବେନ୍ଦ୍ର ଭୋଇ ଏହି ଫୁଟବଲ ଟୁର୍ଣ୍ଣାମେଣ୍ଟ ଉଦଯାପନୀ ଉତ୍ସବରେ ଯୋଗଦାନ କରି ଖେଳାଳି ମାନଙ୍କୁ ଉତ୍ସାହିତ କରିଥିଲେ lପ୍ରାରମ୍ଭେ କୋଶଲ କପ୍ ପ୍ରତିଷ୍ଠାତା ବରପାଲି ବ୍ଳକ ଡିଜିଟାଲ ସେକ୍ରେଟାରୀ ସୁଜିତ ଗଡତିଆ ସମସ୍ତ ଅତିଥି ମାନଙ୍କୁ ସ୍ୱାଗତ ର ସହ ନିମନ୍ତ୍ରିତ କରି ଫୁଟବଲ ଖେଳ ପଡିଆ କୁ ପାଛୋଟି ଆଣିଥିଲେ l ଆଜିକାର ଫାଇନାଲ ମ୍ୟାଚ ରେ ଲେଣ୍ଡା ସହ ଜାଲପାଲି ମଧ୍ୟ ରେ ସଙ୍ଘର୍ଷ ପୂର୍ଣ୍ଣ ମ୍ୟାଚ

ହୋଇଥିଲା lଫଳ ସ୍ୱରୂପ ଲେଣ୍ଡା ଟିମ୍, ଜାଲପାଲି କୁ ୦୩ ଗୋଲ ଦେଇ ଚମ୍ପିୟାନ ହୋଇ ବିଜୟ ଘୋଷିତ ହୋଇଥିଲା l କୋଶଲ କପ୍ ଆମ ଅଞ୍ଚଳ ପଶ୍ଚିମାଞ୍ଚଳ ର ପୁରାତନ ନାମକରଣ ଅନୁସାରେ ନାମିତ ହୋଇ ଥିବାରୁ ସମଗ୍ର ୧୧ ଗୋଟି ଜିଲ୍ଲା ରେ ଚହଳ ସୃଷ୍ଟି କରିପାରିଛି ବୋଲି ପ୍ରତିଷ୍ଠାତା ସୁଜିତ ଗଡତିଆ ଙ୍କ ଠାରୁ ପ୍ରକାଶ lଦିର୍ଘ ଚାରିଦିନ ବ୍ୟାପି ହଜାର ସଂଖ୍ୟାରେ ବିଭିନ୍ନ ଜିଲ୍ଲା ସମେତ ଅଞ୍ଚଳ ର ଦର୍ଶନ ଙ୍କ ସମାଗମ ରେ ଫୁଟବଲ ପଡ଼ିଆ ରେ ପ୍ରବଳ ଭିଡ଼ ଲାଗିରହିଥିଲା l